წამყვანი ბრაუზერებიდან Opera-მ პირველმა დაამატა დეცენტრალიზებული დომენის მხარდაჭერა

[Magdalena]

სტარტაპ Unstoppable Domains-თან თანამშრომლობის წყალობით Opera-მ მომხმარებლებს მისცა წვდომა დეცენტრალიზებულ ვებ-რესურსებზე. 

პარტნიორობის შედეგად ბრაუზერმა განახორციელა დომენების გაფართოება .crypto-ს ინტეგრაცია, რომელიც წარმოდგენილია ზემოთხსენებული სტარტაპის მიერ. ამგვარი ფუნქცია საშუალებას იძლევა Android-ისთვის განკუთვნილ აპლიკაციებში მომხმარებლებმა დაათვალიერონ დომენის ვებ-გვერდები, ასევე განახორციელონ კრიპტოსავალუტო გადახდები. 

 

„მსხვილმა ბრაუზერმა პირველად ჩართო იმ დომენების მხარდაჭერა, რომლებიც არ წარმოადგენს DNS-ის ნაწილს“ -  აცხადებენ Unstoppable Domains-ში. 

სტარტაპის თანახმად ბლოკჩეინ-დომენები ინახება მფლობელების და არა რეგისტრატორი კომპანიების მიერ. დეცენტრალიზებული ვებ-გვერდები განთავსებულია პირინგ-ქსელებში და არა ქლაუდ-სერვისებში. ეს კი საშუალებას იძლევა განხორციელდეს ტრანზაქციები შუამავლების გარეშე და თავიდან იქნას არიდებული ცენზურა. 

Unstoppable Domains-ის წარმომადგენლები აღიარებენ, რომ იმ ქვეყნებს, რომლებიც ინტერნეტს ზღუდავენ, შეუძლიათ წვდომა დაბლოკონ დეცენტრალიზებულ ვებ-რესურსებზე. ჩვეულებრივი ვებ-გვერდების მსგავსად მათი გასხნა შესაძლებელი იქნება VPN-ის ან სხვა მსგავსი გადაწყვეტილების მეშვეობით. 

გასული წლის ოქტომბერში Opera-მ დაამატა Bitcoin-ანგარიშსწორების მხარდაჭერა Android-ვერსიაში. 

https://forklog.com/opera-pervym-iz-vedushhih-brauzerov-dobavil-podderzhku-detsentralizovannogo-domena/