ჩინეთმა წარადგინა წყალბადზე მომუშავე პირველი ავტომობილი სვლის რეკორდული მანძილით

[Magdalena]

ბენზინზე მომუშავე ავტომობილები აბინძურებენ გარემოს, ხოლო ელექტრომობილების დატენვას დიდი დრო სჭირდება.  ამიტომ ავტომწარმოებლების ნაწილი გამოსავალს წყალბადზე მომუშავე ძრავებში ეძებს. ეს უკანასკნელები უკვე გამოიყენება Honda-ს და Hyundai-ს ზოგიერთ მოდელში, თუმცა ჩინური კომპანიებისთვის აღნიშნული ინოვაცია დღემდე მიუღწეველი ოცნება იყო. პირველი ჩინური ავტომობილის სახელწოდება, რომელიც წყალბადზე მუშაობს, Grove Obsidian-ია, მას საკუთარი სპორტული ვერსია Granite გააჩნია. 

 

ავტომობილი შექმნილია 2016 წელს დაარსებული კომპანია Grove-ის მიერ. სამ წელიწადში კომპანიამ მოახერხა შეეკრიბა გუნდი და შეემუშავებინა ახალი მანქანის წინასერიული ვარიანტი. კომპანია დარწმუნებულია წყალბადის საწვავის უპირატესობასა და მის უსაფრთხოებაში, თუმცა ჯერ არაა მზად გაასაჯაროვოს ავტომობილის ზუსტი მახასიათებლები. მიუხედავად ამისა, ცნობილია მისი სვლის მანძილის რეკორდული მაჩვენებელი და ეკონომიურობა. 

პირველი წყალბადზე მომუშავე ავტომობილი ჩინეთიდან 

Grove Obsidian-ის ყველაზე მთავარი მახასიათებელი ნიშანია გავლის მანძილი, რომელიც 1000 კმ-ს უტოლდება. აღნიშნულმა შეიძლება უამრავი მომხმარებლის დაინტერესება გამოიწვიოს, რადგან სხვა ეკოლოგიურად სუფთა ავტომობილების ანალოგიური მაჩვენებელი 750 კმ-ს არ სცდება. მაგალითად, Honda Clarity-ის გააჩნია 750 კმ-იანი სვლის მარაგი. 

 

Grove ასევე გამოირჩევა წვის ეკონომიური მაჩვენებლით მსუბუქი კორპუსის გამო, რომელიც შექმნილია ნახშირბადის ბოჭკოვანასგან და გააჩნია დაბალი წინაღობის აეროდინამიკული მაჩვენებელი. დიზაინი შექმნილია იმ ადამიანის მიერ, ვინც მუშაობდა Alfa Romeo-სა და Fiat ზე. 

 

Grove Obsidian — მოძრავი წყალბადის ბომბი? 

წყალბადის ავზის გავსებას ჭირდება 3 წუთი, ხოლო მოძრაობისას გამონაბოლქვის სახით გამოედინება წყლის ორთქლი. ბევრმა შეიძლება იფიქროს, რომ Grove Obsidian წააგავს წყალბადის ბომბს, თუმცა ეს მცდარი შეხედულებაა. საწვავის ავზი ისეა დაპროექტებული, რომ გადაიტანოს ნებისმიერი ტიპის ავარია. თუ მასში გაჩნდება ხვრელი, წყალბადი გამოედინება თხევად ფორმაში და 1,5 წუთში დაიწვება. ამასთანავე, მანქანის კორპუსი ცხელდება არაუმეტეს 47 გრადუსისა. 

 

Grove Obsidian-ის სერიული წარმოება დაიწყება 2020 წელს. პირველი 12 თვის განმავლობაში დაგეგმილია 5000 ავტომობილის წარმოება, ხოლო 2030 წლისთვის ეს მაჩვენებლი 100 ათასამდე უნდა ავიდეს. ავტომობილს გააჩნია სპორტული ვერსია სახელწოდებით Granite, რომელსაც განსხვავებული დიზაინი აქვს. 

https://hi-news.ru/auto/kitaj-predstavil-svoj-pervyj-vodorodnyj-avtomobil-s-rekordnym-zapasom-xoda.html