ინჟინრებმა დაიწყეს თხევადი აკუმულატორების შექმნაზე მუშაობა - მათი წყალობით შემცირდება ელექტრომობილის დატენვის დრო რამოდენიმე წუთამდე

[Magdalena]

გლაზგოს უნივერსიტეტის ინჟინრებმა დაიწყეს ელექტრომობილებისთვის განკუთვნილი თხევადი აკუმულატორების შექმნაზე მუშაობა. მათი გამოყენებით სრული დამუხტვის დრო რამოდენიმე საათიდან 5-10 წუთამდე შემცირდება - წერს NBC News. 

ამჟამად ელექტრომობილებში გამოიყენება ლითიუმ-იონური აკუმულატორები, მათში ელექტროლიტების გამოლევისას საჭიროა ხელახალი დატენვა. მკვლევარები გეგმავენ შექმნან ბატარეები, რომლებიც შეივსება დამტენი სითხით ნაცვლად ჩვეულებრივი დატენვისა, რომელიც სადენით ხორციელდება. 

მეცნიერები თვლიან, რომ ამგვარი აკუმულატორები მიიზიდავს ეკოლოგიური ტრანსპორტის მსურველი მძღოლების ყურადღებას, რადგან ისინი ჯერჯერობით თავს იკავებენ ელექტრომობილის შეძენისგან  დატენვისთვის საჭირო დროის ხანგრძლივობის გამო. 

ამ სიახლემდე გაცილებით ადრე Volkswagen-მა  წარმოადგინა ელექტრომობილების პორტატული დამტენი მოწყობილობა - Power Bank MEB - სადგური, რომელსაც კომპანია თავად მიაწვდის იმ ადგილზე, სადაც კლიენტი იმყოფება. მოწყობილობა თავსებადია სხვადასხვა კომპანიის მიერ წარმოებულ 15 ელექტრომობილთან და შეუძლია ბატარეა 17 წუთში ბოლომდე დატენოს. 

https://hightech.fm/2019/02/26/electro-battery