Dell-ის ახალი, 75-დუიმიანი 4K ეკრანი განკუთვნილია სასწავლო დაწესებულებებში დაფების ჩანაცვლებისა და პრეზენტაციებისთვის

[Magdalena]

კომპანია Dell-მა დააანონსა ახალი მასიური სენსორული 75-დუიმიანი 4K პანელი - Interactive Touch Monitor, რომელიც გათვლილია სასწავლო აუდიტორიებსა და საპრეზენტაციო დარბაზებში გამოყენებაზე. მონიტორის შექმნის იდეა მდგომარეობს იმაში, რომ მან ჩაანაცვლოს ჩვეულებრივი დაფები სასწავლო დაწესებულებებში, არსობრივად კი იგი ამავე დროს ჩვეულებრივი გიგანტური ტელევიზორია. 

ეს მონიტორი Microsoft Surface Hub-ისა და Google Jamboard-ის ანალოგიურია, თუმცა Dell-ის მონიტორი აქცენტს უფრო მეტად საგანმანათლებლო სფეროზე აკეთებს და იგი შედარებით სუსტი პროგრამული უზრუნველყოფითაა წარმოდგენილი. 

 

ახალი მონიტორის ეკრანის ზომა, როგორც დასახელებიდან ჩანს, 75 დუიმია დიაგონალზე. ეკრანის გაფართოება შეადგენს 3840 × 2160 პიქსელს, რაც 4K ფორმატს შეესაბამება. 

მონიტორის გამოყენება ერთდროულად რამოდენიმე ადამიანს შეუძლია. მწარმოებელი ამტკიცებს, რომ ახალი პანელი აღსანიშნავია პრაქტიკულად ნულოვანი დაყოვნებით. IPS ტექნოლოგია უზრუნველყოფს თვალთახედვის ფართო არეს. 

საჭიროების შემთხვევაში შესაძლებელია მონიტორის ინტეგრირება მცირე ფორმ-ფაქტორის კომპიუტერთან - Dell OptiPlex Micro PC-სთან. ჯამში, მონიტორის მფლობელი იღებს მოწყობილობას „ყველაფერი ერთში“ და მას საგანმანათლებლო მიზნებისთვის ან პრეზენტაციების ჩასატარებლად გამოიყენებს. 

ახალ მონიტორთან დაკავშირებით აგრეთვე ნახსენებია დისტანციური ადმინისტრირების შესაძლებლობა. შეძენისას მფლობელები ასევე მიიღებენ სპეციალურ, გორგოლაჭებიან სადგამს. 

 

დისპლეის აქვს ფუნქცია „Dell Screen Drop”. კომპანია ამტკიცებს, რომ იგი მსოფლიოში პირველი ფუნქციაა, რომელიც წვდომას აუმჯობესებს სხვადასხვა სიმაღლეზე მომუშავე მომხმარებელთათვის. სხვა სიტყვებით რომ ვთქვათ, მომხმარებლებს შეუძლიათ გამოიყენონ დისპლეის გვერით პანელზე არსებული ღილაკები, რათა მარტივად გადართონ და აირჩიონ სიმაღლის სამ პარამეტრთაგან სასურველი.  

Dell 75 4K Interactive Touch Monitor-ის გაყიდვა დაიწყება 30 აპრილიდან. მონიტორის საბაზისო ვერსია 6 ათასი აშშ დოლარი ეღირება.  

 

https://www.theverge.com/circuitbreaker/2019/1/23/18194905/dell-monitor-75-inch-4k-touchscreen-education-replace-blackboard 

https://3dnews.ru/981628