მიმდინარე წელს Spotify გამოუშვებს ხმოვანი მართვის მქონე, ავტომობილის მუსიკალურ მოწყობილობას

[Magdalena]

როგორც რესურსი The Financial Times იტყობინება, კომპანია Spotify აპირებს გამოუშვას ავტომობილისთვის განკუთვნილი მუსიკალური მოწყობილება, რომელიც ხმოვანი ბრძანებებით იმართება. გასული წლის აპრილში Spotify-მ ამგვარი მოწყობილობის შესახებ ირიბად აცნობა საზოგადოებას სარეკლამო რგოლის საშუალებით. ამჟამინდელი ცნობები კი ადასტურებს ამგვარი მოწყობილობის რეალურობას. როგორც ცნობილია, ეს მოწყობილობა დაახლობით 100 დოლარი ეღირება. Spotify-ს ინტერესი ავტომობილების მიმართ გასაკვირი არ არის: ამ სფეროში დომინანტობისთვის დღესდღეობით ბევრი წამყვანი კომპანია იბრძვის, მათ შორისაა Apple (CarPlay), Google (Assistant და Android Auto) და Amazon (Alexa). 

 

Spotify-ს პირველი მოწყობილობა მომხმარებელს მუსიკებს შესთავაზებს პირდაპირი გზით და არა Apple CarPlay-ს ან Google Android Auto-ს საშუალებით. მოწყობილობა სინქრონიზდება ავტომობილის სტერეოსისტემებთან Bluetooth-ის მეშვეობით ისევე, როგორც სმარტფონი. მასზე ხელმისაწვდომი იქნება ღილაკები, რომელთა მომართვაც შესაძლებელი იქნება რჩეული ფლეილისთის ასაწყობად. მოწყობილობას ექნება ხმოვანი ბრძანებების მხარდაჭერა - დაახლოებით ისეთივე, როგორიც აქვს Spotify-ის მობილურ აპლიკაციას. სხვა აპარატული ფუნქციები (მეხსიერების მოცულობა, LTE-მხარდაჭერა და ა.შ) ჯერჯერობით არ ხმაურდება. 

Spotify-ს სპეციალიზებული მოწყობილობის გამოყენება, რომელიც მუდმივად ავტომობილშია განთავსებული, ბევრად მოსახერხებელი იქნება, ვიდრე მუდმივი მანიპულაციები სმარტფონით, რათა მომხმარებელმა ჩართოს სასურველი მუსიკა Bluetooth-ით. იგი ასევე უფრო უსაფრთხოც იქნება.  

Bluetooth-თან თავსებადი სტერეოსისტემებით მომუშავე მოწყობილობა Spotify-ს პოტენციურად საშუალებას აძლევს მოიზიდოს მომხმარებელთა უფრო ფართო სპექტრი, თუმცა მომხმარებელების დარწმუნება, რომ საჭიროა ამგვარი გაჯეტის შეძენა, საკმაოდ რთული იქნება თავად აშშ-შიც კი, სადაც Spotify მეტად პოპულარულია.

 https://3dnews.ru/981392