იაპონიაში შექმნეს რობოტი, რომელიც იმიტირებს ადამიანს მისი გარდაცვალებიდან 49 დღის განმავლობაში

[Magdalena]

როგორც ცნობილია, რობოტს ექნება გარდაცვლილი ადამიანის სახის 3D ნიღაბი და გამოსცემს იმავე ხმას, რასაც კონკრეტული ადამიანი. რობოტის საშუალებით „გარდაცვლილ ადამიანთან კონტაქტი მომხმარებლებს შეეძლებათ 49 დღის განმავლობაში, რაც წარმოადგენს დაკრძალვის შემდგომ სამგლოვიარო პერიოდს იაპონური წესის მიხედვით. 

ამგვარი რობოტის კონცეფცია წარმოადგინა კომპანია Digital Shaman-მა. კომპანიის წარმომადგენლები პირველ რიგში ინტერვიუს ჩაწერენ მსურველებთან, შემდეგ კი მოხდება ამ ჩანაწერის გამოყენება რობოტის ფუნქციონირებისას. აგრეთვე, მონაცემები შეგროვდება ადამიანის ფიზიკური მახასითებლების შესახებაც.  

მას შემდეგ, როდესაც მომხმარებელი გარდაიცვლება, მისი ოჯახის წევრებს შეეძლებათ რობოტის პროგრამის ამოქმედება, რომელიც იმიტირებს პიროვნებას, საუბარს და ჟესტებს - ხელებისა და თავის მოძრაობას: იმ მოძრაობებს, რასაც ადამიანი ინტერვიუს დროს ახორციელებდა. 

რობოტის შემქმნელია ეცუკი იჩიჰარა - იგი ამბობს, რომ ამგვარი რობოტის შექმნის იდეა მას ბებიის გარდაცვალების შემდეგ დაებადა. 

„მე მკაფიოდ მახსოვს დაკრძალვიდან გარკვეული დეტალები. რიტუალი შოკისმომგვრელი იყო“.  

იაპონელები ცდილობენ შექმნან ალტერნატიული საშუალებები ახლობლებთან საკონტაქტოდ. „ვფიქრობ, რომ ეს არის ერთგვარი შეტყობინება და გამომშვიდობება. მომხმარებლებს შეეძლებათ ჩაწერონ ნებისმიერი სახის საუბარი და შეტყობინება, რასაც თავად მოისურვებენ. შემდეგ კი ამ საუბარს რობოტი გააჟღერებს“ - განაცხადა იჩიხარამ. 

რობოტის ავტორი გეგმავს, რომ სამომავლოდ ეს რობოტი ფართო საზოგადოებას წარუდგინოს. „ვთვლი, რომ ეს მეტად დაეხმარება ადამიანებს“ - აღნიშნავს იგი. 

https://hightech.fm/2018/12/31/relatives 

[GIVI-1990]

 wow , რას არ მოიგონებენ, მალე რობოტ ცოლს და შვილებსაც შექმნიან

 ეს ყველაფერი კარგი , ტექნოლოგია წინ მიიწევს მაგრამ აი კიბოს მაინც ვერაფერს უხერხებენ. ადამიანის კლონირებას აკეთებენ და დავიჯერო კიბოს წამალი ვერ გამოიგონეს ?

[George]

მილიარდები ჯდება კიბოს წამლის გამოკვლევები და ხალხს ოხრათ მაყუთს ახდევინებენ ქიმიოთერაპიაზე, ან არ უღირთ ან ძალზე რთულია კიბოს განკურვნა ეხლანდელი ტეხნოლოგიებით ჯერ

[Power_VANO]

ჩვენთან 40-მდე გვეყოლება ასეთი რობოტები