ცვილისგან შექმნილმა ხელის მტევნის მოდელმა შეძლო ბიომეტრიული მონაცემებით პიროვნების იდენტიფიკაციის სისტემის მოტყუება

[Magdalena]

ბერლინის ტექნიკური უნივერსიტეტის ინჟინრებმა შეიმუშავეს მარტივი მეთოდი, თუ როგორ უნდა აუარონ გვერდი პიროვნების ამოცნობის სისტემას ხელის მტევნის მარტივი გამოსახულებით. სისტემის მოტყუება შესაძლებელი გახდა ცვილისგან დამზადებული ხელისგულის საშუალებით - წერს Motherboard. 

ხელის მტევანზე არსებული ვენების გამოსახულების გამოყენებით მოქმედი სისტემა გამოიყენება ბანკებში ანგარიშიდან თანხის მოსახსნელად და კარის განბლოკვისთვის სხვადასხვა დაწესებულებაში. 

მკვლევარებმა დაამტკიცეს, რომ სისტემა არ არის იდეალური და მისი მოტყუება ძალიან ადვილია - სავსებით საკმარისია ცვილისგან შეიქმნას ხელისგულის ანაბეჭდი. მისი დამზადებისთვის მეცნიერებმა ციფრული აპარატით ფოტო გადაუღეს ხელის გულს, ამასთან, მოწყობილობის მატრიციდან მოხსნეს ფილტრი, რომელიც ბლოკავს ინფრაწითელ გამოსხივებას. 

 

ამის შემდეგ მათ დაამუშავეს ფოტო, მიიღეს ხელისგულზე არსებული ვენების გამოსახულება და დაბეჭდეს იგი 3D პრინტერზე, დაფარეს ცვილით, რომელიც იმიტირებდა კანს. 

https://hightech.fm/2018/12/28/hack-recognition 

[Power_VANO]

ბიომეტრიული სისტემების უმეტესობას დღეს ტეხავენ. FaceID-ც ხომ გატეხეს. თუ იმის ეჭვი გაქვს ადამიანს, რომ შეიძლება ვინმემ შენი ბიომეტრია გამოიყენოს ძალით ან შენგან დაფარულად (მაგ: როცა გძინავს), ტელეფონი უნდა გათიშო. პირველი ჩართვისას ბიომეტრიის ნაცვლად პინკოდს ითხოვენ ხოლმე სმარტფონები, უსაფრთხოების გამო