Walmart-მა შექმნა ხმის ფიქსირების სისტემა. ხელოვნური ინტელექტი თვალყურს მიადევნებს მაღაზიის თანამშრომლებსა და მომხმარებლებს

[Magdalena]

აშშ-ის უმსხვილესმა სავაჭრო დაწესებულებამ, Walmart-მა დააპატენტა ხელოვნური ინტელექტი, რომელიც აფიქსირებს და აანალიზებს მაღაზიაში არსებულ ყველანაირ ხმას. ნეიროქსელი უსმენს თანამშრომლებს, მყიდველებს და შეუძლია პოლიეთილენის პარკების შრიალის დაფიქსირებაც კი -  წერს Futurism. 

პატენტი გასულ კვირას დარეგისტრირდა. შემუშავებული სისტემა შედგება რამოდენიმე ათეული მიკროფონისგან, რომლებიც აგროვებენ მონაცემებს თანამშრომლებისა და მომხმარებლების შესახებ. 

შემდეგ ამ მონაცემებს ამუშავებს ხელოვნური ინტელექტი - ალგორითმი აფასებს კონსულტანტებისა და მოლარეების მუშაობის ეფექტურობას, განსაზღვრავს რიგში მდგომი მომმხარებლების რაოდენობას და უსმენს, რა პროდუქტებზე საუბრობენ მყიდველები რეალურ დროში. 

„თანამშრომლების ეფექტური მუშაობა შეგვიმცირებს დანახარჯებს და გაზრდის მომხმარებელთა კმაყოფილების დონეს“ -  აცხადებენ Walmart-ში. 

ამ დრომდე გავრცელებული იყო ცნობაც, რომ Walmart-ში დაინერგება სისტემა, რომელიც შეასრულებს მერჩენდაიზერის მოვალეობას და თვალყურს მიადევნებს პროდუქციის მიწოდებას. 

https://hightech.fm/2018/12/26/walmart-snooping