Microsoft-ი ამზადებს Xbox One S-ის ახალ მოდელს დისკის წამკითხველის გარეშე

[Magdalena]

პორტალ Thurrott-ზე გამოჩნდა ინფორმაცია, რომ მომავალ წელს Microsoft-ი გამოუშვებს Xbox One-ის ახალ მოდელს, რომელიც წარმოდგენილი იქნება დისკის წამკითხველის გარეშე.  

 

პორტალიდან ცნობილი გახდა, რომ ახალი მოდელი დაფუძნებული იქნება ორიგინალ Xbox One S-ზე და ექნება ანალოგიური ფორმ-ფაქტორი. ამგვარი კონსოლის გამოშვების მთავარი იდეა ის გახლავთ, რომ შემცირდეს საწარმოო დანახარჯები და უფრო დიდი აუდიტორიის ყურადღება მიიქციოს Xbox-ის ეკოსისტემამ, რადგან სისტემის ღირებულებაც შემცირდება. წინასწარი მონაცემებით, მისი ფასი 200 დოლარი იქნება, რაც ცხადია, არ არის ძვირი. 

გარდა ამისა, Thurrott-ზე მოცემულ ანგარიშში მითითებულია, რომ იგეგმება პროგრამა “disc-to-digital”-ის გაშვება, რაც დისკის ასლების მფლობელებს საშუალებას მისცემს მოახდინონ ზოგიერთი თამაშის კონვერტირება ციფრულ ლიცენზიაზე. პროგრამა ამოქმედდება 2019 წლის გაზაფხულიდან. 

დისკის წამკითხველის გარეშე წარმოდგენილი Xbox One-ის გაყიდვაც 2019 წლიდანაა მოსალოდნელი, თუმცა აღნიშნულია, რომ Microsoft-მა ჯერ კიდევ ვერ გადაწყვიტა, ექნება თუ არა Xbox-ის შემდგომი თაობის კონსოლებს დისკის წამკითხველი. 

ეს ინფორმაცია ჯერ კიდევ ჭორების დონეზე იმყოფება.  

https://3dnews.ru/978339