Amazon-ი მალე საშუალებას მისცემს მომხმარებლებს, თავად აირჩიონ ამანათის მიღების დღე

[Magdalena]

Amazon-მა ამანათის ჩაბარების ახალი ვარიანტი შესთავაზა ამერიკელ პრემიუმ-მომხმარებლებს, რითაც  წინ გაუსწრო სასაჩუქრო-სადღესასწაულო სეზონის გახსნას. ახალ პროგრამას ეწოდება Amazon Day, რაც არ უნდა აგვერიოს Amazon-ის ყოველწლიურ შოპინგ ღონისძიება Prime Day-ში. 

ახალი სერვისის თანახმად, მომხმარებლები შეძლებენ, თავად განსაზღვრონ და მიუთითონ კვირის ის დღე, როდესაც ამანათის მიღება სურთ. ჯერჯერობით პროგრამა ხელმისაწვდომია მომხმარებელთა მცირე ჯგუფისათვის, თუმცა Amazon-ი გეგმავს, უახლოეს თვეებში მომხმარებელთა რაოდენობა გააფართოვოს: “Amazon-ი მუდმივად ინოვაციების ძიებაშია და ცდილობს, მოიძიოს ახალი საშუალებები მომხმარებლების გასაოცებლად. მოხარულნი ვართ, რომ ახალი პროგრამით გზავნილის მიღება უფრო მოსახერხებელი გახდება ჩვენი კლინტებისთვის“ - აცხადებენ კომპანიაში. 

მაგალითად, შეგიძლიათ ამანათის მიღების დღედ აირჩიოთ პარასკევი და ყველა შენაძენს, რომელსაც გააკეთებთ კვირის განმავლობაში, ერთად მიიღებთ პარასკევ დღეს. მხოლოდ ერთი პირობაა: შეკვეთები უნდა განხორციელდეს ორი დღით ადრე მაინც  ჩაბარების დღემდე (ამ შემთხვევაში პარასკევამდე).  

თუკი მომხმარებლები შეუერთდებიან პროგრამა Amazon Day-ს, მათ პარალელურად მაინც შეეძლებათ სხვა ხელმისაწვდომი ვარიანტებით სარგებლობა, მაგალითად, როგორიცაა უფასო ორდღიანი შიფინგი თითოეულ შეკვეთაზე  (Prime two-day shipping ).  

Amazon Day-ს მიხედვით ერთად გაგზავნილი ამანათები კომპანიისთვისაც ხელსაყრელია: როგორც ცნობილია, ხარჯების დიდი ნაწილი სწორედ შესაფუთ მასალებზე მოდის. 

https://www.theverge.com/2018/11/2/18057034/amazon-day-prime-choose-package-arrival-date