ADATA HV320: კომპაქტური მყარი დისკი 5 ტერაბაიტი მოცულობით

[Magdalena]

კომპანია ADATA-მ გააფართოვა თავისი პორტატული დრაივების ასორტიმენტი: დაანონსდა HV320 - დიდი მოცულობის მქონე მყარი დისკი. 

 

ახალი დივაისი წარმოდგენილი იქნება სამ ფერში - შავში, თეთრში და ლურჯში. მოცულობის მიხედვით მომხმარებლებს შეეძლებათ არჩევანი გააკეთონ ოთხ ვარიანტს შორის: ხელმისაწვდომი იქნება დივაისები 1 ტბ, 2 ტბ, 4ტბ და 5 ტბ მოცულობით. 

კომპიუტერთან დაკავშირებას უზრუნველყოფს ინტერფეისი USB 3.1. ეს პორტი ასევე გამოიყენება კვების მიწოდებისთვის - დამატებითი წყარო საჭირო არ გახლავთ. მოწყობილობა თავსებადია ოპერაციულ სისტემებთან: Microsoft Windows, Apple macOS და Linux. 

 

ოთხი მოდიფიკაციიდან ორი, შედარებით მცირე დივაისის ზომებია 125,7 × 80,5 × 10,7 მმ, წონა - 180 გრამი. დანარჩენი ორი უფრო დიდის ზომები კი არის - 125,7 × 80,5 × 19 მმ. და იწონიან 285 გრამს.  

სხვა საკითხებიდან აღსანიშნავია ინფორმაციის დაშიფვრის შესაძლებლობა AES ალგორითმის მიხედვით. მონაცემთა დამუშავებისთვის გამოყენებულია პროგრამული უზრუნველყოფა - HDDtoGO. 

ADATA HV320 პორტატული მყარი დისკის, მისი მოდიფიკაციების ღირებულების შესახებ ჯერჯერობით ცნობილი არ გახლავთ. 

https://3dnews.ru/977108