Google წარმოგვიდგენს Pixel 3-ის ფერებს: ღია მწვანე პიტნისფერი (mint), თეთრი და შავი

[Magdalena]

                                                        

ჩვენ უკვე ვიცით გარეგნულად როგორ გამოიყურება  Google-ის ახალი სმარტფონი Pixel 3, ახლა კი უკვე ცნობილი ხდება, თუ რა ფერის მოდელებს წარგვიდგენს Google თავისი ახალი ფლაგმანური ტელეფონების სახით. 

Droid Life-მა შეამჩნია Google-ის “coming soon“ თიზერ ვებ-გვერდზე Pixel 3-ის სქემა ლოგოტიპით - G. ლოგოტიპზე დაჭერისას სქემა ფერს იცვლის ღია მწვანედ,  შავად და თეთრად. მოცემული გვაქვს თეთრ კონტურში მოქცეული მწვანე სივრცე, შავი ტელეფონის შემთხვევაში კი- ნაცრისფერთან კომბინაცია.  

                                                           

გასულ წელს გამოსული Pixel 2 წარმოდგენილი იყო თეთრ, შავ და ლურჯ (kinda blue ) ფერებში. ასე რომ, როგორც ჩანს, Google-მა ამჯერადაც არ გადაუხვია სამფერიან მიდგომას. თუკი ელოდით რაიმე მკვეთრი და თვალისმომჭრელი ფერის სმარტფონს Google-სგან, როგორც ჩანს, ამ წელს ვერ იხილავთ. მომავალ წელს კი შესაძლოა გამოვიდეს წითელი Pixel-ი. 

შეგახსნებთ, რომ Pixel 3-სა და 3 XL-ს Google ოფიციალურად წარადგენს 9 ოქტომბრის ღონისძებაზე. 

https://www.theverge.com/circuitbreaker/2018/9/14/17860908/google-pixel-3-colors-mint-white-black