Social Mapper - სახის ამომცნობი ახალი პროგრამა

[Magdalena]

                    Trustwave-ს მკვლევარებმა გამოუშვეს ახალი ფუნქციური პროგრამა Social Mapper, რომელიც ახდენს სახეების ამოცნობა-იდენტიფიკაციას კონკრეტული პიროვნებების ძიების მიზნით სხვადასხვა სოციალურ ქსელში. პროგრამა შემუშავებულია უსაფრთხოების დაცვის მიზნით იმ შემთხვევებისთვის, როდესაც თავდასხმა ხდება სოციალური ინჟინერიის გამოყენებით.  სისტემა ავტომატურად პოულობს კონკრეტული საძიებელი პიროვნების პროფილს ფეისბუქზე, თვითერზე, ლინქდინზე და სხვა ქსელებში - სახელისა და გამოსახულების საშუალებით. 

                                                                                                                

                     ეს ძიებები შესაძლებელია განხორციელდეს ხელით, თუმცა ავტომატიზირებული პროცესი ნიშნავს, რომ  შესაძლებელი იქნება დავალება შესრულდეს ბევრად სწრაფად და ეფექტიანად, და ასევე რამდენიმე სამიზნის მიმართ ერთდროულად. „ინფორმაციის შეგროვება ონლაინ რეჟიმში - ეს ხანგრძლივი და შრომატევადი პროცესია“- განაცხადა Trustwave-მა. „და რა იქნება, თუკი შესაძლებელი იქნება ამ პროცესის ავტომატიზირება და გამოყენება მასობრივად, ასი ან ათასი პიროვნების მიმართ?“ 

Social Mapper-ი არ მოითხოვს წვდომას API-სთან, რაც აფერხებდა ძიების პროცესს, როგორც ეს ხდებოდა Geofeedia-ს მაგალითზე. ნაცვლად ამისა, სისტემა ახორციელებს ავტომატურ ძიებას ბრაუზერის ინსტრუმენტების ფანჯარაში, შემდეგ კი ახდენს სახის სკანირებას საძიებო მიზნის შესატყვის პირველ 10-20 ობიექტზე - ერთი კონკრეტული პიროვნების ამოცნობის მიზნით. საბოლოოდ, ვიღებთ  თითოეული პიროვნების დადასტურებული ექაუნთების სიას.  

Social Mapper ლიცენზირებულია, როგორც უფასო პროგრამული უზრუნველყოფის სისტემა, და იგი ხელმისაწვდომია GitHub-ზე. 

 

theverge.com 

[Power_VANO]

ეს ხომ საინტერესო რამეა და კაი ხანია კიდევ არსებობს აპლიკაცია FakeApp - საშუალებას იძლევა, რომ ვიდეოში კონკრეტული ადამიანის სახე შეცვალო სხვისი სახით, machine learning_ის გამოყენებით.

საკმაოდ კარგი იმპლემენტაციაა და საკმარისი სიმძლავრეების ქონის შემთხვევაში კარგი ფეისსვაფები გამოდის