Wi-Fi პროფილები Windows 8-ში

[gio_kiborg]

დაწყებული WIndows  8-დან, შემდეგ Windows 8.1, Windows 8.1 Update 1 (და სავარაუდოდ Update2-შიც) ამოღებულია Wi-Fi პროფილების მენეჯმენტი, უფრო სწორად, ამოღებულია ფუნქცია Manage Wireless Networks Network and Sharing Center-იდან, ამოღებულია GUI ინტერფეისი, თორემ შესაძლებლობა რა თქმა უნდა არის დატოვებული, უბრალოდ Microsoft-ში გადაწყვიტეს, რომ Windows 8 თავისითაც მშვენივრად გაართმევს თავს უკაბელო ქსელების მენეჯმენტს და არ სჭირდება მომხმარებლის ჩარევაც, ხშირ შემთხვევაში ასეცაა, თუმცა თუკი დაგჭირდათ მაგალითად რომელიმე შენახული ქსელის პაროლის გახსენება (როგორც მე დღეს დილით ) ან კიდევ უბრალოდ კირკიტა მომხმარებელი ხართ, ეს ფუნქცია დაგაკლდებათ...

აი ამაზეა საუბარი, Wireless Network Managment Windows 7-ში:

 

ეს ყველაფერი ისევ შესაძლებელია WIndows 8-ში, თუმცა ახლა მხოლოდ CMD-დან შესაბამისი ბრძანაბებებით

(თუკი CMD-ს გახსნა არ იცით, გადადით ბოლო ნაწილზე, უფრო მარტივი შესაძლებლობაა)

CMD ბრძანებები:

 

შენახული უკაბელო ქსელების პროფილების ნახვა:

 netsh wlan show profiles

 

რომელიე კონკრეტული ქსელის პაროლის ნახვა

netsh wlan show profiles name=[პროფილის სახელი] key=clear

პაროლი ეწერება Security Settings განყოფილებაში:

 

შენახული პროფილის წასაშლელად:

netsh wlan delete profile name=[პროფილის სახელი]

ვისაც CMD- ში ბრძანებებით ხელით აკრება, არ გიყვართ, ან გეზარებათ, არის მშვენიერი პროგრამა, რომელიც ფაქტიურად იმეორებს Windows 7-ის უკაბელო ქსელების მენეჯერის ფუნქციებს:

Wifi Profile Manager 8

 

 

 

ეს პროგრამა საშუალებას გაძლევთ:

• ნახოთ შენახული უკაბელო ქსელების პროფილები
• ნახოთ სასურველი პროფილის პარამეტრები
• შეცვალოთ პროფილების სიის თანმიმდევრობა (უპირატესობების შეცვლა)
• მონაცემთა XML ფაილში ექსპორტი
• მონცემების იმპორტი XML ფაილიდან
• პროფილის წაშლა

პროგრამა რამდენიმე კილობაიტია და არ საჭიროებს ინსტალაციას.

 

ნაკადული