მიშა

იქნება i3/i5/i7, ოღონდ ახლანდელებს რომ სამციფრიანი აღნიშვნა აქვთ (მაგ. i3-xxx) იმათ ექნებათ ოთხციფრიანი აღნიშვნა (მაგ. i3-xxxx), რომ "ძველებისგან" გავარჩიოთ. 25-30%-იან მატებას ველით არსებულ ტესტებზე დაყრდნობით.

სენდი ბრიჯი.

პროცესორს ჭკუის კოლოფო, პროცესორს ისე კი კარგი იქნებოდა ჩემი ძმაკაცისთვის ისევ "გათი" დაგერქვათ. ყველას გადაარქვით სახელი და მარტო მაგ ერთს დარჩა "gati". აქ რომ აღარ შემოდის იმას არ ნიშნავს, რომ ინგლისური სახელი უნდა მიესაჯოს :ugly_wink:

მჯობნის მჯობნი არ დაილევა. 1155 სოკეტის კომპებს ცეცხლის ფასი ექნებათ. მაგის მაზერი რომც იყიდო, პროცესორი კიდევ კარგა ხანს არ გამოვა.

ისე, გულახდილად რომ ვთქვა, სურვაივორისა ამ კეისს არაფერი ეტყობა... ცოტა მიჟეჟვა უნდა :crash:

ყოველთვის მასე ვაკეთებ. quick reply არ მიყვარს. თუ წინა პოსტის შინაარსს ეხმაურება ჩემი პოსტი, ქვოტას ვტოვებ, თუ არა და ვშლი.

სამი დღეა ვიყენებ და თამამად შემიძლია ვთქვა, რომ საგრძნობი გაუმჯობესებაა.

ეგ მანქანები მეტისმეტად ახლებია საიმისოდ, რომ "უკვდავი" ეწოდოს. ერთი 30 წლის შემდეგ გამოიარეთ მაგ პოსტით :sarcastic_hanend:

არა. ASUS-ის Republic Of Gamer სერიას უშვებს და ისაა ყველაზე კარგი. მაგრამ ამ სოკეტზე ჯერ არაა.

თანაც ახალი :yes:

GT-R და Lancia Stratos.

2009 წლის მეოთხე კვარტალში კომპანია AMD-ATI-მ წარმოადგინა ახალი თაობის, "Evergreen" სერიის GPU და მასთან ერთად ამ სერიის 3 წარმომადგენელი - "Cypress" (Radeon HD 5870/5850), "Juniper" (Radeon HD 5770/5750) და Hemlock (Radeon HD 5970). მოდით ცოტა ახლოდან გავეცნოთ ახალი სერიის GPU-ს არქიტექტურას. ვისაც არ აინტერესებს, ახლავე ვთხოვ, დატოვოს დარბაზი!... პირველ რიგში გთავაზობთ AMD-ATI-ს სარეკლამო პოსტერს, სადაც ნაჩვენებია ჩიპების კოდური სახელწოდებები, ფადრობითი ზომები და გამოსვლის თარიღები: როგორც ხედავთ, Cypress არის "საბაზო" ჩიპი, Hemlock არის უბრალოდ ორი ცალი Cypress, Juniper - Cypress-ის ნახევარი, ხოლო Redwood და Cedar ღმერთმა იცის რამხელაა... რახან ყველა არსებული ჩიპი ფაქტობრივად Cypress-ისგანაა ნაწარმოები, მოდით განვიხილოთ ეს "კიპარისი" და მისი შემადგენელი ნაწილები, რომლებიც ახალი, TeraScale 2 მიკროარქიტექტურითაა შექმნილი... დავიწყოთ SPU (Stream Processing Unit)-იდან, რომელიც "შეიდერის" სახელითაცაა ცნობილი. აი, Cypress-ის შეიდერის გრაფიკი: ცოტა დათითხნილია, მაგრამ არაუშავს... AMD-მ ახალ შეიდერს წარმადობის გაზრდის მიზნით მიუმატა ახალი ბრძანებები და შეამცირა ძველების შესრულების დრო. ამ უკანასკნელში იგულისხმება ის, რომ ბრძანებები, რომელთა შესრულებასაც ადრე ტაქტის ორი, ან მეტი ციკლი სჭირდებოდა, ახლა ერთ ციკლშიც "ეტევა". გარდა ამისა DirectX11-მა მოითხოვა "bit count", "insert" და "extract" ოპერაციების დამატებაც, მაგრამ ყველაზე საინტერესო, რაც Cypress-ში გვხვდება, არის SAD (Sum Of Absolute Differences - აბსოლუტური სხვაობის ჯამი)-ის ბრძანება. SAD ვიდეოს კოდირებისთვის სასიცოცხლო მნიშვნელობის ბრძანებაა და RV770-ს მისი არარსებობის გამო 12 სხვა ოპერაციის ემულაცია სჭირდებოდა, რასაც რათქმაუნდა თან სდევდა გამოთვლის შესასრულებლად დახარჯული უამრავი ტაქტური ციკლი. RV870-ში SAD-ის ჩამატებამ გამოთვლებისთვის საჭირო დრო ერთ ტაქტურ ციკლამდე დაიყვანა, რამაც თავის მხრივ ვიდეოს კოდირების დრო 2-ჯერ შეამცირა. როგორია? ხომაა მაგარი? :spireful: მაგრამ ყველაფერი ასე მარტივი როდია... SAD ბრძანება არ შედის DirectX-ის შემადგენლობაში, ამიტომ ამ უკანასკნელისთვის იგი უსარგებლოა და მხოლოდ ვიდეოების კოდირებისთვის თუ გამოგადგებათ . ახლა რაც შეეხება სხვა ფუნქციებს. Cypress-ის თითოეულ სტრიმ პროცესორს ტაქტის ერთ ციკლში შეუძლია შეასრულოს შემდეგი ოპერაციები: 4 32-ბიტიანი FP MAD, ანუ 4 32-ბიტიანი მოძრავწერტილიანი გამრავლება და შეკრება; 2 64-ბიტიანი FP MUL ან ADD, ანუ 2 64-ბიტიანი მოძრავწერტილიანი გამრავლება ან შეკრება; 1 64-ბიტიანი FP MAD, ანუ ერთი 64-ბიტიანი მოძრავწერტილიანი გამრავლება და შეკრება; 4 24-ბიტიანი Int MUL ან ADD (ეს "int" რას ნიშნავს არ ვიცი, დამეხმარეთ რა); სპეცფუნქცია - 1 32-ბიტიანი FP MAD. ახლა გადავიდეთ SIMD (Single Instruction, Multiple Data), იგივე "ვექტორულ პარალელიზმზე", რომელიც სტრიმ პროცესორის "ზემდგომი" ფუნქციაა. SIMD-ის L1 კეში RV770-თან შედარებით გაუმჯობესდა და ტექსტურის ჩატვირთვა 1TB/s სიჩქარით შეუძლია. მართალია ტერაბაიტებზე ლაპარაკი ზედმეტია და რეალურად L1 ტექსტურის კეშის სიდიდე 16KB-ა, მაგრამ მაინც გულს ახარებს ეს 1TB/s . გარდა ტექსტურის კეშისა თითოეულ SIMD-ს აქვს თავისი 8KB-იანი კეში გამოთვლების ჩასატარებლად და 32KB-იანი "საერთო" მეხსიერება, რომელიც ერთი SIMD-იდან მეორეში ინფორმაციის გადასაცემად გამოიყენება. აი ასე გამოიყურება Cypress-ის თითოეული SIMD ერთეული სქემატურად (ჩიპს სულ 20 ასეთი აქვს): SIMD-ის ტექსტურის ერთეულებიც გადამუშავდა, ძველისგან განსხვავებით მათ კომპრესირებული AA ბუფერების წაკითხვაც შეუძლიათ, რაც მათ გამტარობას ზრდის. გარდა ამისა გაზრდილია ტექსტურის ერთეულების ინტერპოლაციის სიჩქარე. ამ ორმა გაუმჯობესებამ განაპირობა Cypress-ის "texture fillrate"-ს გაზრდა - AMD-ს ცნობით ახალ ჩიპს წამში 68 მილიარდი ორხაზიანი (bilinear) ტექსელის გადამუშავება შეუძლია. აი ეს კი ყველაფერ ზემოთქმულის გაერთიანებული სქემაა: აქ უკვე კარგად ჩანს 20 ცალი SIMD, L1 და L2 ქეშები და ყველაფერი დანარჩენი. რათქმაუნდა ვერტექსების გადამამუშავებელში გავერკვიეთ, ROP-შიც ღირსშესანიშნავი არაფერია და ნუ დამაწერინებთ მაგას, წამკითხველები მაინც არ ხართ... უბრალოდ იცოდეთ, რომ Cypress-ის 32ROP აქვს... ჰოდა მივადგეთ "Graphics Engine"-ს, რომელიც პასუხს აგებს გრაფიკის აგებაზე და ფაქტობრივად ROP-ს ეხმარება. აგერ მისი გრაფიკი: მასში შედის ერთი "ტესელატორი", რომელიც DirectX11-ისთვის ეგზომ მნიშვნელოვან ფუნქციას - Hardware Tesselation-ს ასრულებს. მდაბიურის ენით რომ ვსთქვათ, Tesselation არის ის ფუნქცია, რომლის წყალობითაც Dx11-ში მოდელი ბევრად მეტი მრავალკუთხედით იგება, ვიდრე Dx10-ში. თავად ნახეთ: დანარჩენი კომპონენტები, ანუ ვერტექსის ამწყობი, რასტრული გამოსახულების ამწყობი და Z-ბუფერი სამგანზომილებიანი რასტრული გამოსახულების შესაქმნელად გამოიყენება და როგორც Cypress, ასევე მის წინამორბედ GPU-ებშიც გვხვდება, ასე რომ მათში განსაკუთრებული არაფერია... საერთო ჯამში "Terascale 2" მიკროარქიტექტურით შექმნილი ჩიპი "Cypress" გრაფიკულად ასე გამოიყურება: აი, პრინციპში სულ ეს არის, რაც "Evergreen" სერიას ასე "განსაკუთრებულს" ხდის. მოდით ახლა ჩამოვწეროთ "Cypress"-ის ტექნიკური მახასიათებლები: 2.15 მილიარდი 40nm-იანი ტრანზისტორი; 1600 სტრიმ პროცესორი (იგივე შეიდერი); 80 ტექსტურის გადამამუშავებელი; 128 Z/Stencil ბუფერი; 32 ფერადი ROP; GDDR5 ტიპის მეხსიერება 153.6Gb/s თეორიული გამტარობით; Shader model 5.0; DirectX11-ის, OpenGL 3.2-ისა და OpenCL 1.0-ის მხარდაჭერა; აპატარული (და არა პროგრამული) ტესელაცია; HDR ტექსტურის კომპრესია; ორმაგი სიზუსტის გამოთვლითი სიმძლავრე - 2.72TeraFLOPS; ერთმაგი სიზუსტის გამოთვლითი სიმძლავრე - 544 GigaFLOPS; მრავალკუთხედების წარმადობა - 850 მილიონი მრავალკუთხედი წამში; მონაცემთა ჩატვირთვის სიჩქარე (32-ბიტიანი) - 272 მილიარდი მონაცემი წამში; ტექსელის შევსების სიჩქარე (ორხაზიანი ფილტრაციისას) - 68 გიგატექსელი წამში; პიქსელის შევსების სიჩქარე 27.2 გიგაპიქსელი წამში; ანტი-ალიასინგის შევსების სიჩქარე - 108.8 გიგაერთეული წამში; აი, ასეთი არქიტექტურა და მონაცემები აქვს ჩიპს "Cypress", რომელიც ვიზუალურად ასე გამოიყურება: და დგას ასეთ (და მის მსგავს) ვიდეოდაფებში: პატივისცემით, მიხეილ რ.

უკვე კარგა ხანია, რაც უცხოეთში ყოველდღიურობაში შემოვიდა ახალი, Core i5 პლატფორმა 1156 სოკეტზე. მართალია ექსტრიმ ოვერქლოქერები Core i7-ს ანიჭებენ უპირატესობას, რადგან იგი უკეთესად "იქოქება" და ბენჩმარკებშიც უკეთეს შედეგებს აჩვენებს, მაგრამ ჩვეულებრივი მოკვდავებისთვის ეს სისტემა ცოტა არ იყოს ძვირია... ამიტომ მე ისევ i5 პლატფორმის მომხრედ ვრჩები და ვცდილობ მისი პოპულარიზაცია მოვახდინო (ან თუ გნებავთ, რეკლამირება დაარქვით)... თვით პროცესორის რეკლამირებისკენ მიმართული სტატია ადრე შემოგთავაზეთ, ამ ტესტში i5-ის პროცესორმა არც ისე ურიგოდ აჩვენა თავი... ახლა კი მივხედოთ სისტემის სხვა კომპონენტებს... კერძოდ, დღევანდელ სტატიაში განხილულ იქნება 6 ოპერატიული მეხსიერების "კიტი" და 8 დედაპლატა P55 ჩიპსეტზე. ---------------------------------------------------------------------------------------------- სანამ სტატიის მთავარ ნაწილზე გადავინაცვლებდე, გადავწყვიტე მცირეოდენი ექსკურსი ჩამეტარებინა P55-თან დაკავშირებით. დავიწყოთ იქიდან, რომ LGA1366 სოკეტის სისტემას X58 ჩიპსეტი აქვს, ხოლო LGA1156-ისას - P55. ვნახოთ რა შეუძლია თითოეულ ჩიპსეტს და რის შესაძლებლობას დაკარგავთ, თუკი P55-ის დედაპლატას იყიდით. ამის გარკვევაში ჩემი ბრაუზერის განუყრელი bookmark-ი - Wikipedia დამეხმარება. X58. ჩიპსეტის კოდური სახელწოდებაა Tylersburg. იგი სპეციალურად Intel-ის Nehalem არქიტექტურისთვის შეიქმნა. აქვს 45/32nm ტექნოლოგიით დამზადებული პროცესორების - Core i7/i9 მხარდაჭერა, სალტის QPI (QuickPath Interconnect) ინტერფეისი 6.4GT/s გამტარობით, SATA 3.0 და USB 2.0 მხარდაჭერით. ჩიპი 65nm ტექნოლოგიით მზადდება და აი ასე გამოიყურება: ეს კი მისი არქიტექტურის სქემაა. თუკი მოითხოვთ, ქართულადაც გითარგმნით: P55. ჩიპსეტის კოდური სახელწოდებაა Ibex Peak. უზრუნველყოფს 45/32nm არქიტექტურის მქონე Core i3/i5/i7 პროცესორების მუშაობას, აქვს სალტის DMI ინტერფეისი და 2GB/s გამტარობა, SATA 3.0 და USB 2.0 მხარდაჭერით. ჩიპი X58-ის მსგავსად 65nm ტექნოლოგიით მზადდება, ასე გამოიყურება: ეს კი სქემაა: ახლა კი რაც შეეხება განსხვავებას. როგორც ქვედა სურათიდან კარგად ჩანს, X58-ს P55-თან შედარებით ნაკლები სიხშირის მეხსიერების მხარდაჭერა აქვს (max 2000MHz vs max 2600MHz), მაგრამ უზრუნველყოფს სამარხიან მეხსიერების სქემის მუშაობას და 2 GPU-ს მუშაობის სქემას max x16+x16 რეჟიმში, ამასთან ერთად აქვს 3 და 4 GPU-ს მხარდაჭერაც. P55 - მხოლოდ x8+x8 სქემას უზრუნველყოფს, მესამე დაფის გამოყენება კი მიზანშეწონილი არ არის. ანუ, როგორც ხვდებით, გეიმერებს P55-ის არჩევის შემთხვევაში მოგიწევთ დათმოთ ვიდეოდაფების "ტოპ" სქემით მუშაობის შესაძლებლობა და სამარხიანი მეხსიერება. ძირითად განსხვავებას თუ "გავუგეთ", გადავიდეთ დედაპლატებზე... აქვე მინდა აღვნიშნო, რომ რევიუში გამოყენებული დედაპლატების ფასი "იქ" 150-დან 200 დოლარამდე მერყეობს. ---------------------------------------------------------------------------------------------- როგორც უკვე გითხარით, ტესტში 8 დედაპლატა მიიღებს მონაწილეობას. გავიცნოთ თითოეული მათგანი. 1. ASRock P55 Deluxe. ეს ერთადერთი დედაპლატაა რევიუში, რომელსაც SATA600-ის მხარდაჭერა აქვს. აი სპეციალური ადაპტერიც: 2. Asus P7P55D EVO. 3. Biostar TPower I55. 4. EVGA P55 SLI. 5. Foxconn Inferno Katana GTI. 6. Gigabyte P55-UD4P. 7. Jetway HI05. 8. MSI P55-GD65. სტატიაში ჩასმული მქონდა ყველა დედაპლატის BISO-ის 4-7 სქრინი, მაგრამ გამოქვეყნებისას დაეწერა, რომ "უკაცრავად, მაგრამ თქვენ ჩასმული გაქვთ დასაშვებზე მეტი რაოდენობის სურათი", ამიტომ ბიოსის სქრინები ამოვიღე....ეს კი ყველა დედაპლატის მახასიათებლებია, დაწვრილებით და წვრილად: ---------------------------------------------------------------------------------------------- როგორც ბრძენკაცი იტყოდა, "რევიუ ბენჩების გარეშე იგივეა, რაც ადამიანი მეგობრის გარეშე". ასე რომ გადავხედოთ სატესტო სისტემას და შემდეგ მივადგეთ ბენჩმარკებს... ჩემდა ჭირად ბენჩმარკებისთვის კი გამოიყენება 1156 სოკეტის პროცესორი, მაგრამ ის i7-ია CPU: Intel Core i7-870 (2.93 GHz, 8MB Cache) Cooler: Thermalright MUX-120 RAM: Kingston KHX2133C9D3T1K2/4GX (4GB) DDR3-2133 at DDR3-1600 CAS 8-8-8-24 Graphics: XFX GeForce GTX 285 XXX Edition Power: Corsair CMPSU-850HX 850W Modular ბენჩმარკები: Crysis FarCry 2 STALKER: Clear Sky World In Conflict Audio & Video Encoding image editing/rendering File Compression 3DMark Vantage PCmark Vantage Sandra Arithmetic Mem. Bandtwidth OC ენერგომოხმარება ძაბვის რეგულატორის ტემპერატურა ჯამური ეფექტურობა მინდა მათ ვუთხრა, ვინც ყველა ზედა ცხრილს გადაახდა და პირდაპირ "ჯამურ ეფექტურობა"-ს მიახტა: გენაცვალე, მე ამ ყველაფრის დაკოპირებაზე 1 საათი ვიწვალე და კეთილი ინებე, აახვიე ვებ-გვერდი მაღლა და დაწვრილებით გადაათვალიერე თითოეული გრაფიკი! შეგიძლიათ ჩათვალოთ, რომ ბენჩმარკებში Biostar-მა გაიმარჯვა. მაგრამ ის, რაც ტესტებში არ ეწერა, წერია აქ:"Gigabyte-ის 170 დოლარიანი P55-UD4P, Biostar-ის 185 დოლარიანი TPower I55, Asus-ის 195 დოლარიანი P7P55D EVO და EVGA-ს 200 დოლარიანი P55-SLI ის ოთხი დედაპლატაა, რომელთაც მთელი ტესტირების მანძილზე შეინარჩუნეს სტაბილურობა. ამათგან გიგაბაიტის დედაპლატას აქვს სიდიდით მეორე მაქს. ოვერქლოქინგის მაჩვენებელი, უმაღლესი "base clock", მეხსიერების უმაღლესი სიხშირე, ყველაზე დაბალი ენერგომოხმარება და VRM ტემპერატურა. თანაც ოთხეულიდან იგი ყველაზე იაფია. ეჭვგარეშეა, P55 სისტემის აწყობას თუ დავაპირებ, გიგაბაიტის P55-UD4P-ს ვიყიდი. მაგრამ მოდით ოცნება გვერდზე გადავდოთ და ოპერატიულ მეხსიერებებს მივხედოთ... წარმოდგენილია ექვსი 4GB-იანი კიტი: 1. A-Data DDR3-1333 CAS 9 (მოდელი HY63I1B16K) 2. Crucial DDR3-1333 CAS 9 (მოდელი CT25664BA1339) 3. G.Skill DDR3 CAS 8 (მოდელი F3-10600CL8D-4GBHK) 4. OCZ Gold Series DDR3-1066 CAS 7 (მოდელი OCZ3G10664GK) 5. Patriot DDR3-1600 CAS 9 (მოდელი PVS34G1600ELK) 6. PNY DDR3-1333 CAS 9 (მოდელი არ ვიცი) სატესტო სისტემა: CPU: Intel Core i5-750 (2.66 GHz, 8MB Cache) (ვაშაა, i5 ) Cooler: Thermalright MUX-120 Motherboard: Asus P7P55D v1.02G, BIOS 0606 (09/03/2009) Graphics: Zotac GeForce GTX260² 896MB Power: Corsair CMPSU-850HX 850W Modular OS: Microsoft Windows 7 Ultimate x64 Graphics: Nvidia Forceware 190.62 WHQL Chipset: Intel INF 9.1.1.1014 საუკეთესო ტაიმინგები: მაქს. გამტარობა: გამტარობა-1600: გამტარობა-1333: გამტარობა-1066: ფასი ინტერნეტ-სივრცეში: "ოვერქლოქერული" ღირებულება (ანუ რომელი უკეთ "რაზგონდება"): რომელი კიტი ჯობია, ამის შესახებ დასკვნა თავად გამოიტანეთ, მე გადავიღალე და მხოლოდ საბოლოო დასკვნას შემოგთავაზებთ. თუკი ყელში ამოგივიდათ LGA775 და მასზე მომუშავე გავარვარებული "ტოპ" პროცესორები - Core 2 Quad, გსურთ შეცვალოთ სოკეტი, პლატფორმა, დედაპლატა და საერთოდ ყველაფერი, მე გირჩევთ P55-ს. არა იმიტომ, რომ "გეიმერებს ესეც გეყოფათ". არა გენაცვალე, თუ გნებავთ იყიდეთ Core i7 სისტემა LGA1366-ზე და თან ბენჩმარკებში უმაღლესი ქულების მიღების შანსიც გექნებათ (თეორიული, მაგრამ მაინც). მაგრამ მე მაინც i5-ისკენ ვიხრები, რადგან "ჭკუადამჯდარ" და თხელჯიბიან გეიმერს, რომელსაც X58-ისთვის ფული არ ჰყოფნის, დიახაც უნდა აწყობდეს P55 პლატფორმა. ასე მგონია მე და თქვენ როგორც მოგესურვებათ ისე იფიქრეთ, ჩემ აზრს თავზე ვერ მოგახვევთ... წავედი ვითამაშო ცოტა... ჰო მართლა, სანამ დაგემშვიდობებოდეთ, სოსოს დავესესხები ერთ პოსტს : დიდი მადლობა ყურადღებისთვის, პატივისცემით, მე, tomshardware და wikipedia :bow:

თაგვის ხაო, ანუ Mousepad-ი ჩვენი კომპიუტერული ცხოვრების განუყოფელი ნაწილია. ისინი შეიძლება იყოს ნაჭრის, პლასტიკის, რეზინისმაგვარი, ლითონის და აგრეთვე ამ მასალების კომბინაციით შექმნილი, ასე ვთქვათ, "ფენოვანი". ხაოზე მაუსის დადების გარდა ხშირად ვდებთ ყავას, ჩაის, ან სხვა რამეს. მე მაგალითად ხილს და კამფეტებს ვიმარაგებ ხოლმე... ხელწრუწუნას მუდმივი ხახუნით და ჩვენი სასუსნავის დალაგებით ხაო რათქმაუნდა ფუჭდება. იმის დასადგენად, თუ რომელი ხაოა საუკეთესო, დიდმა რუსმა მეცნიერებმა, რომლებიც დაახლოებით ასე გამოიყრუებიან: ჩაატარეს მაუსპადების სტრეს-ტესტი. ტესტში მონაწილეობენ: 1. Defender Ergo opti-laser. იგი სპეციალურად ოპტიკური და ლაზერული წრუწუნებისთვისაა შექმნილი. სპეციალური მასალა საშუალებას იძლევა მაუსმა კარგად ისრიალოს ზედაპირზე, ამრეკლი კრისტალები კი მის უშეცდომო პოზიციონირებას უზრუნველყოფენ 2. Nova MicroLaser. ეს ფრანგული ხაო გაჭრილი ვაშლივით გაქვს Defender-ს. ერთადერთი განსხვავება მისგან ისაა, რომ Nova-ს ნაკლები ამრეკლი ნაწილაკი აქვს. 3. Nova MicrOptic. წინა ორი ხაოსგან განსხვავებით ეს უფრო სქელია, მწარმოებლის განცხადებით მაგიდაზე არ სრიალებს და შეიცავს ორი ფერის - ოქროსფერ და ვერცხლისფერ ამრეკლ ნაწილაკებს. 4. Buro “Закат”. კომპანია "ბიუროკრატის" (სახელი ) წარმოების სრულიად ჩვეულებრივი მასუპედი, დამზადებულია რეზინისგან, გადაკრული აქვს ნაჭერი. 5. Buro “Ночной город”. წინა მოდელისგან მხოლოდ განსხვავებული ნახატით გამოირჩევა. 6. Fellowes Optical Mouse Pad - დღევანდელი ტესტის ერთადერთი მყარი მასალისგან დამზადებული მონაწილეა. მწარმოებელს თუ დავუჯერებთ, ეს ხაო პრაქტიკულად არ ზიანდება ნორმალური გამოყენებისას... ვნახოთ რა მოუვა მას და ტესტის სხვა მონაწილეებს "არანორმალური" მოხმარებისას . ტესტი სულ სამია, ამიტომ თითოეული მოდელის მაუსპადის სამი ეგზემპლარი შეირჩა. ახლა კი ტესტები. ტესტი No.1 - ტაფაზე გაცხელება. მეცნიერულად რომ ვთქვათ - თერმული ზემოქმედება. შედეგი ასეთი აღმოჩნდა (სუსტი გულის მქონეებმა და არასრულწლოვნებმა არ ნახოთ!): ანუ, რიცხობრივად რომ გამოვსახოთ - დრო ტაფის გახურების დაწყებიდან მაუსპედის დნობის დაწყებამდე: ტესტი No.2 - შამპანურიან ვედროში ჩადება. მეცნიერულად რომ ვთქვათ - ქიმიური ზემოქმედება. 1,2 და 3 ეგზემპლარებს არანაირი დაზიანება არ მიუღიათ .... ...მაშინ, როდესაც 4 და 5 ეგზემპლარებს შავი დღე დაადგათ... ...მეექვსე საცდელმა ნიმუშმა კი მცირე დაზიანება მიიღო უკანა მხრიდან ესეც ცხრილი: ტესტი No.3 - წუნკალი ძაღლის მიერ დაგლეჯვა. მეცნიერული ენით - ფიზიკური ზემოქმედება. ექვსივე ხაო დაგლეჯილ იქნა -------------------------------------------------------------------------------------------------------------------------------------------------------------- დასკვნა თუკი აპირებთ თქვენი ხაო შამპანურში, ყავაში, ჩაიში, ან სხვა რამ სასმელში "აბანაოთ", სჯობს Ergo-ს და Nova-ს მსგავსი მაუსპედები გამოიყენოთ. თუკი უხეში ბრძანდებით, დანას, პასტას ან სხვა რამეს არჭობთ ხაოზე, მაშინ თქვენ Fellowes Optical Mouse Pad-ის მსგავსი მყარი მაუსპედი გჭირდებათ. იმედია ვინმეს გამოგადგებათ ეს სტრეს-ტესტი. ბოლოს მინდა დავძინო, რომ მაქვს CoolerMaster-ის წარმოების ალუმინის მაუსპედი, რომელზეც ოპტიკური მაუსი კალიასავით "დახტის". არავის ვურჩევ მსგავსი პროდუქციის შეძენას. :SNEMOTICON13:

სიმართლე გითხრათ სულ სხვა სტატიის დაწერას ვაპირებდი, მაგრამ საამისოდ ცოდნა არ მყოფნის, დამატებითი ინფორმაციის მოძიება კი მეზარება, ამიტომ ჯერ-ჯერობით მეორეხარისხოვანი სტატიით დაკმაყოფილება მოგიწევთ. მასში მონიტორებზე იქნება საუბარი. ------------------------------------------------------------------------------------------------------------ 1. ეკრანის ზომა ეს ალბათ ყველამ იცით, მაგრამ მაინც დავწერ: როგორც წესი, ეკრანის ზომა მისი დიაგონალის სიგრძით იზომება. აი ასე: ერთი პრობლემა, რომელიც ამ დროს წარმოიქმნება ისაა, რომ ეკრანის პროპორციები ერთიდაიგივე დიაგონალის შემთხვევაში სეიძლება განსხვავებული იყოს. ამიტომ შემოღებულია დამატებითი ცნება - თანაფარდობა (Aspect Ratio). დღესდღეობით არსებობს ხუთი თანაფარდობა: 5:4, 4:3, 8:5, 16:9, 16:10. ამათგან 4:3 და 16:9 ყველაზე ხშირად გამოიყენება. სხვათაშორის 4:3 თანაფარდობის ეკრანს მეტი ფართობი აქვს, ვიდრე 16:9-ს. მაგალითისთვის: 4:3 21" ეკრანის ფართობი 1361 კვადრატული სანტიმეტრია მაშინ, როდესაც 16:9 21" ეკრანის ფართობი 1213 კვადრატული სანტიმეტრია. მაგრამ როგორც ხედავთ სხვაობა უმნიშვნელოა, ასე რომ გავაგრძელოთ კითხვა და სხვა საკითხებსაც მივხედოთ, კერძოდ კი გაფართოებას და მის სახელწოდებებს. გაფართოება, ანუ Resolution ეწოდება ეკრანზე პიქსელების რაოდენობას. ზოგ მათგანს თავისი სახელებიც აქვთ: პირველი ორი სტანდარდი უსახელოა. ისინი 70-იან წლებში შეიმუშავეს და იყო 352×240 და 704×480 გაფართოებები. MDA (Monochrome Display Adapter). 1981 წელს შექმნეს IBM-ის მესვეურებმა მათი IBM PC-სთვის. ჰქონდა 720×350 გაფართოება და მონოქრომული (ერთფერიანი) ტექსტური გამოსახულების ჩვენების საშუალება. CGA (Color Graphics Adapter). შექმნეს იმავე წელს, იმავე კომპანიაში, იმავე კომპიუტერისთვის. 16KB მეხსიერების ვიდეოჩიპს შეეძლო 640×200 (128k), 320×200 (64k) და 160×200 (32k) გამოსახულების ჩვენება. Hercules. გაჩნდა 1982 წელს და თავის დროზე საკმაოდ მკვეთრი მონოქრომული გამოსახულების მიღების საშუალებას იძლეოდა. გაფართოება - 720×348 (250.5k). EGA (Enhanced Graphics Adapter). 1984 წელი, კომპანია IBM, 640×350 (224k) გაფართოება, 16 ფერის გადმოცემის შესაძლებლობა. PGC (Professional Graphics Controller). 1984 წელს შექმნეს სპეციალურად CAD სისტემებში მუშაობისთვის. 640×480 (307k) გაფართოების გამოსახულებას პირველად შეეძლო 60 ჰერციანი განახლებადობის (refrash rate) მიღწევა. MCGA(Multicolor Graphics Adapter). VGA-ს იაფფასიანი ვარიანტი 320×200 (64k) და 640×480 (307k) ჩვენების შესაძლებლობით. 8514 აღსანიშნავია იმით, რომ 1024x768 გაფართოება "მიიღო" 1987 წელს პიქსელზე 8 ბიტით (ანუ ერთ პიქსელში R, G და B-ს "დატევის" საშუალება ჰქონდა). VGA (Video Graphics Array). ისიც 1987 წელს გამოვიდა, მაგრამ შედარებით იაფი გახლდათ, პიქსელზე ნაკლები ბიტის ჩვენების საშუალებით. გაფართოებებია 640×480 (307k), 640×350 (224k), 320×200 (64k), 720×400 (ტექსტი). XGA (Extended Graphics Array) ფაქტობრივად იგივე VGA გახლავთ, ოღონდ "8514"-თან შერწყმული. გაფართოებები: 1024×768 (786k) და 640×480 (307k) XGA+ ძლიერ წააგავს XGA-ს ყველაფრით, ერთადერთი ცვლილება - გაზრდილი გაფართოება 1152×864 (995k). QVGA (Quarter VGA) - 320×240 (75k) WQVGA (Wide QVGA) - 480×272 (127.5k) HQVGA (Half QVGA) - 240×160 (38k) QQVGA (Quarter QVGA) - 160×120 (19k) WXGA (Widescreen Extended Graphics Array) - ფართოფორმატიანი XGA, გაფართოებები: 1280×720 (922k), 1280×800 (1024k), 1440×900 (1296k). SXGA (Super XGA) - 1280x1024. მართალია სტანდარტს XGA ქვია, მაგრამ სინამდვილეში ის VGA-ა. WXGA+ (Widescreen Extended Graphics Array PLUS) - 1440x900 (1296k). WSXGA+ (Widescreen SUPER Extended Graphics Array PLUS) - 1680×1050 (1764k). UXGA (Ultra XGA) - 1600x1200 (1920k) 2K (DLP Cinema Technology) - 2048×1080 (2212k) QXGA (Quad Extended Graphics Array) - 2048×1536 (3146k) WQXGA (Widescreen Quad Extended Graphics Array) - 2560×1600 (4096k) კიდევ ბევრი გაფართოების სტანდარტი არსებობს, მაგრამ ეს არც თქვენ გაინტერესებთ და არც მე მაქვს თავზესაყრელი დრო, ამიტომ ბოლოს ყველაზე დიდი სტანდარტს მოგიყვანთ. ეს არის WHUXGA (Wide Hex Ultra Extended Graphics Array). მას შეუძლია 7680×4800 (36864k) გამოსახულების ჩვენება 32bpp ხარისხით. 32bpp ნიშნავს 32 ბიტს პიქსელზე. ანუ ერთ პიქსელში შეიძლება CMYK სისტემის ოთხივე ფერის მოთავსება (თითო ფერი 8 ბიტს უდრის). 2. ეკრანის მახასიათებლები განათებულობა (Luminance) იზომება კანდელებით კვადრატულ მეტრზე (cd/sq.m) ეკრანის ხედვის არე იზომება დიაგონალით. CRT მონიტორებისთვის ეს სიდიდე დისპლეის დიაგონალზე 1 დუიმით ნაკლებია ხოლმე. თანაფარდობა (aspect ratio) არის დისპლეის ჰორიზ. და ვერტ. ზომების პროპორცია, მაგალითად 4:3. (1024 : 768 მართლაც იმდენივეს უდრის, რამდენსაც 4:3) გაფართოება (resolution) იზომება ვერტ. და ჰორიზ. პიქსელებით, მაგ. 1024x768. მაქს. გაფართოება "წერტილის ზღვარი" (dot pitch) იზღუდება. წერტილის ზღვარი (dot pitch) ერთიდაიგივე ფერის პიქსელებს შორის მანძილია და იგი მილიმეტრებით იზომება. რაც ნაკლებია ეს რიცხვი, მით მკვეთრია გამოსახულება. განახლებადობა (refresh rate) არის დისპლეიზე გამოსული გამოსახულების განახლების სიხშირე წამში. იზომება ჰერცებით. 60Hz ნიშნავს, რომ გამოსახულება წამში 60-ჯერ განახლდება. რაც მეტია რიცხვი მით უკეთესია. CRT-სთვის უნდა იყოს მინიმუმ 75, თორემ თვალებს თხრის. რეაგირების დრო (response time) არის მატრიცაზე პიქსელის "გაღვიძების" და კვლავ "დაძინების" დრო. იზომება მილიწამებით. რაც ნაკლებია მით უკეთესია. კონტრასტულობა (contrast ratio) არის ფარდობითი სხვაობა ყველაზე ნათელ და ყველაზე ბნელ ფერს შორის. ენერგომოხმარება. ამას შეგნებულად არ ავხსნი. ხედვის კუთხე (viewing angle) გახლავთ ის მაქსიმალური კუთხე, რომლიდანაც გამოსახულების ფერების დამახინჯების გარეშე დანახვაა შესაძლებელი. იგი ჰორიზ. და ვერტ. გრადუსებით იზომება. ახლა კი, როდესაც უკვე ვიცით მონიტორების ზოგადი მახასიათებლები, განვიხილოთ მათი ტიპები. 3. CRT (cathode ray tube) მონიტორი ეს მონიტორის ყველაზე ძველი ტიპია, ძლიერ ჰგავს ტელევიზორის ეკრანს, ამიტომ მასზე დიდი ხნით შეჩერება არც კი ღირს, მაგრამ მაინც უნდა ითქვას ერთი რამ და აი კერძოდ რა: მარცხენა სურათზე ტელევიზორის ეკრანის მატრიცაა, მარჯვენაზე კი - კომპ. მონიტორის. როგორც ხედავთ კომპიუტერის დისპლეის "წერტილის ზღვარი" ბევრად ნაკლებია ტელევიზორისაზე, ამიტომ ბევრად უკეთესი გამოსახულების მიღების შესაძლებლობას გაძლევთ. ახლა კი მივხედოთ დადებით/უარყოფით მხარეებს. დადებითი მხარეები: ძალიან დიდი კონტრასტულობა (20000:1), პლაზმურ და LCD დისპლეებთან შედარებით ბევრად მაღალი. რეაგირების დიდი სისწრაფე. ფერების მაღალხარისხოვანი გადმოცემა. ხედვის დიდი კუთხე. კარგად გამოცდილი, "ძველი და სავეცკი" ტექნოლოგია. უარყოფითი მხარეები: დიდი ზომა და წონა. გამოსახულების გეომეტრიული დამახინჯება ამობურცულ ეკრანზე. ჩართვისას "გახურების" საჭიროება. LCD-სთან შედარებით მეტი ენერგომოხმარება. ეკრანის "დაჯდომა" დროთა განმავლობაში. მაღალი შიდა ძაბვა (სხვათაშორის ტუბის "კუდზეც"). ხმაური (სპეციფიური წუილი). HDTV გაფართოების ჩვენების სირთულე. 4. LCD (Liquid crystal display) მონიტორი დღესდღეობით ყველაზე გავრცელებული დისპლეის ტიპია. ამ ტიპის დისპლეი ერთგვარი "სენდვიჩისგან" შედგება: 1. პოლარიზებული ფილტრი ვერტიკალური ორიენტაციით. 2. მინა ITO ელექტროდებით. ელექტროდების ფორმა განსაზღვრავს მისაღები გამოსახულების ფორმას. 3. თხევადი კრისტალი. 4. მეორე ელექტროდებიანი მინა. 5. პოლარიზებული ფილტრი ჰორიზ. ორიენტაციით. 6. სარკისებური ზედაპირი (შიდა განათების მქონე დისპლეებში მას მანათობელი ზედაპირი ცვლის). ადრინდელ LCD-ებში გამოსახულების განახლებისას თითოეული პიქსელი უნდა ჩამქრალიყო და ახლიდან ანთებულიყო, რაც გამოსახულების ხარისხს მკვეთრად აფუჭებდა. ასეთ დისპლეებს "პასიურ მატრიციანს" უწოდებდნენ და 90-იანი წლების მეორე ნახევრიდან ამოიღეს ხმარებიდან. მათ მაგივრად შემოვიდა "აქტიურმატრიციანი" დისპლეები, რომლებიც TFT (Thin Film Transistor)-ზეა დამზადებული. ასეთ დისპლეის გამოსახულების განახლებისთვის პიქსელის ჩაქრობა აღარ სჭირდება. სწორედ TFT-ს გამოჩენის შემდეგ მოიმატა LCD-ს გაყიდვების რიცხვმა. დადებითი მხარეები: კომპაქტური. ენერგოეკონომიური. გეომეტრიულად სწორი გამოსახულება. უარყოფითი მხარეები: ნაკლებად კონტრასტული. ხედვის ნაკლები კუთხე. რეაგირების დიდი დრო. მხოლოდ ერთი "თავისი" გაფართოება, სხვა გაფართოებისთვის საჭიროა გამოსახულების მასშტაბირება, რაც ადაბლებს ხარისხს. წარმოებისას "მკვდარი პიქსელების" გაჩენის ალბათობა. 5. პლაზმური მონიტორი პლაზმური მონიტორები ფართოდ გამოიყენება დიდი ტელევიზორების წარმოებისას. მათი მოქმედების პრინციპი თხევადკრისტალურის მსგავსია, მაგრამ იმ განსხვავებით, რომ ეკრანის "სენდვიჩში" თხევადი კრისტალების მაგიერ ინერტულაირიანი პიქსელებია მოთავსებული. აი პლაზმური (PDP) მონიტორის "სენდვიჩის" სქემა: დადებითი მხარეები: კომპაქტური და კარგად განათებული. მაღალკონტრასტული (10,000:1 და მეტი). სწრაფად რეაგირებადი. ფერების კარგი გადმოცემა. გეომეტრიულად სწორი გამოსახულება. უარყოფითი მხარეები: დიდი "წერტილთა ზღვარი", რაც იწვევს დისპლეის დაბალ გარჩევადობას, ან დიდ ზომას. მაღალი ტემპერატურა. LCD-სთან შედარებით ძვირი. დიდი ენერგომოხმარების მქონე. აქვს მხოლოდ ერთი "თავისი" გაფართოება, სხვა გაფართოებისთვის საჭიროა გამოსახულების მასშტაბირება, რაც ადაბლებს ხარისხს. წარმოებისას აქვს "მკვდარი პიქსელების" გაჩენის ალბათობა. 5. პრობლემები 1. მკვდარი პიქსელი. მკვდარი პიქსელი ეწოდება პიქსელს, რომელიც არ მუშაობს ისე, როგორც უნდა იმუშაოს, არ გადმოსცემს გარკვეულ ფერს, ან საერთოდ არაფერს არ გადმოსცემს და მართლა კუბოში წევს გაციებული. სურათზე ხედავთ პიქსელს, რომელსაც მწვანე ფერი "მოუკვდა". ესეც დეფექტად ითვლება: კიდევ აღვნიშნავ იმასაც, რომ პიქსელის "მუდმივი სიცოცხლე", ანუ მუდმივად თეთრი ნათებაც მკვდარი პიქსელის დეფექტის კატეგორიაში გადის. დღესდღეობით პრაქტიკულად ყველა მონიტორს აქვს მკვდარი პიქსელებ, მაგრამ მათი მხოლოდ გარკვეული პროცენტული რაოდენობის შემთხვევაში ითვლება დისპლეი წუნად, მეცნიერული ენით რომ ვთქვათ, "ბრაკად". 2. გაჭედილი პიქსელი. ეს არის პიქსელი, რომელმაც დაიმახსოვრა გარკვეული გამოსახულება, აჩვენებს მას და არ გადადის სხვა გამოსახულებაზე. 3. "დამწვარი" დისპლეი. ეს მაშინ ხდება, როდესაც მონიტორის მუშა ტემპერატურა კრიტიკულ ზღვარს აღწევს და "ტუბში" არსებული ფოსფორი იწვის. სურათზე ხედავთ გამორთულ მონიტორს, რომელზეც იკითხება დამწვარი "please wait": სხვათაშორის იგივე შეიძლება პლაზმურ მონიტორსაც დაემართოს. ამ შემთხვევაში იწვის პიქსელში შემავალი აირი. გარდა ამისა დეფექტებად ითვლება "პრიალა" დისპლეი, ფერების არასწორი ან არასრული გადმოცემა... ------------------------------------------------------------------------------------------------------------ სულ ეს იყო, რაც ორი სიტყვით მინდოდა მეთქვა მონიტორებზე. იმედია ცოტა რამ გაგაგებინეთ და ახლა დადებითი და უარყოფითი მხარეების შეჯერებით შეარჩევთ თქვენთვის სასურველ მონიტორს. ბოლოს მინდა დიდი მადლობა გადავუხადო ჩემს მასწ.-ს, JAMBO-ს, რომელმაც მეცნიერული ენით რომ ვთქვათ, მომცა "ნაკოლი" ამ სტატიის დასაწერად... თუმცა დარწმუნებული ვარ ეს აღარც კი ახსოვს... ცუდია სიბერე ცუდიი :babu:

არა. ვიდეოსთვის. 54xx აქვს სამსუნგს და ფუჯიცუს 55xx. თუ ფული პრობლემა არაა, 55xx სჯობს.

:| სხვადასხვა სოკეტია.

უკვე მომწყინდა ასეთი დიზაინი :drug:

ფუჯიცუ რომ არის იმას არ ნისნავს, რომ ცუდია მე ავიღებდი.

არ არსებობს ეგეთი. KGB არქაივერია კარგი, მაგრამ 40+ საათს მოანდომებს და 20-30%-ს თუ დააკლებს.

დავხურე. სხვათაშორის საკმაოდ კარგი სიუჟეტი ჰქონდა, გეიმფლეისაც არაუშავდა. მართალია ბევრს არ მოგეწონათ, მოდერნ ვორფეები სჯობდაო, სიუჟეტი მოკლე იყოო, მაგრამ აბა დამისახელეთ სხვა ამ დონის შუთერი, რომელიც წელს გამოვიდა... და სიუჟეტს რაც შეეხება, თამაში მულტიპლეერზეა გათვლილი და მეტს არც უნდა ველოდოთ რამეს.

აქ ერთი ასო აშკარად ზედმეტია წყ ლ ის - მოვატყუე თქვენი ფილტრი :D

ცენზურის ფილტრი არ მუშაობს :drug:

კარგად ამუშავებს.

ამათ ჩემი ჯობია დიზაინით :drug: