ზოგადი კრიპტო სიახლეები

[Magdalena]

Changpeng Zhao-მ კრიპტობიზნესმენებისთვის გაფრთხილება გამოთქვა 

 

Zhao-ს თქმით, ჩრდილოეთკორეელი ჰაკერები სულ უფრო ეფექტურ მეთოდებს იყენებენ კრიპტოვალუტებით მომუშავე კომპანიების პერსონალში შესაღწევად. 

„სულ რამდენიმე თვის წინ ინდოეთში მსხვილი აუთსორსინგ კომპანია გატეხეს და მსხვილი ამერიკული ბირჟის მომხმარებლის მონაცემები მოიპარეს. ამან 400 მლნ აშშ დოლარზე მეტი აქტივის დაკარგვა გამოიწვია“, - თქვა ბიზნესმენმა. 

მან კოლეგებს ჩრდილოეთკორეელი ჰაკერების მიერ გამოყენებული რამდენიმე ძირითადი ტაქტიკა გააზიარა: 

• • ყალბი სამუშაოს მაძიებლები – თაღლითები მასობრივად აგზავნიან განაცხადებს ბლოკჩეინ და კრიპტო ინვესტიციების სფეროებში არსებულ პოზიციებზე; 

• • ინტერვიუს ხაფანგები – ჰაკერები დამსაქმებლებად ასაღებენ თავს და კანდიდატებს ონლაინ ინტერვიუების დროს „განახლებების“ მავნე ბმულებს უგზავნიან; 

• • კონტრაქტორებისა და იმ კომპანიების თანამშრომლების მოსყიდვა, რომლებიც თავიანთ ოპერაციებში ციფრულ აქტივებს იყენებენ; 

• • ტექნიკური მხარდაჭერის სერვისებში მავნე ბმულების გავრცელება – კიბერდამნაშაავეები მომხმარებლებად არიან შენიღბულნი და თავიანთ მოთხოვნებში გამოსასყიდის პროგრამული უზრუნველყოფის შემცველ ბმულებს ტოვებენ. 

კრიპტობიზნესმენებმა მნიშვნელოვანი რესურსები უნდა დახარჯონ თანამშრომლების მომზადებაზე, საფუძვლიანად შეამოწმონ კანდიდატები და აკრძალონ საეჭვო ფაილების ატვირთვა. ჩრდილოეთკორეელი ჰაკერები დახვეწილნი და ძალიან მომთმენები არიან და მათი იგნორირება შეუძლებელია, დაასკვნა Zhao-მ. 

ადრე ZachXBT ფსევდონიმის მქონე ბლოკჩეინ-დეტექტივმა განაცხადა, რომ ჩრდილოეთკორეელი ჰაკერები ისეთი ყოვლისშემძლენი არ არიან, როგორც ჩვეულებრივ სჯერათ. მათი შეტევების თავიდან აცილება შესაძლებელია კრიპტოპროექტების უსაფრთხოების სტანდარტული ზომების დანერგვით. 

https://tinyurl.com/3fvpdyaz 

[Magdalena]

ექსპერტები მიუთითებენ ინფლაციისგან დაცვის მიზნით კრიპტოვალუტების მზარდ გამოყენებაზე 

კრიპტო ბირჟა MEXC-ის მონაცემებით წლის მეორე კვარტალში ინფლაციისგან დაზღვევის მიზნით კრიპტოვალუტის მომხმარებლების წილი 29%-დან 46%-მდე გაიზარდა.  

მაკროეკონომიკური არასტაბილურობა, ეროვნული ვალუტების შესუსტება და ინფლაციური ზეწოლა მთელ მსოფლიოში ადამიანებს აიძულებს, ეძიონ ღირებულების შენარჩუნების ალტერნატიული გზები. ექსპერტების აღნიშვნით კრიპტოვალუტა სულ უფრო ხშირად ხდება ასეთი გამოსავალი. 

ყველაზე მნიშვნელოვანი ზრდა აღმოსავლეთ აზიაში დაფიქსირდა, სადაც ეს მაჩვენებელი 23%-დან 52%-მდე გაიზარდა. ახლო აღმოსავლეთში ის თითქმის გაორმაგდა - 27%-დან 45%-მდე. 

ქცევითი განსხვავებები 

კვლევამ ასევე გამოავლინა კრიპტო ინვესტორების მოტივაციასა და ქცევაში მკვეთრი რეგიონული განსხვავებები. ლათინური ამერიკა „ქომიუნითი-კავშირების“ ცენტრად იქცა, ხაზი გაუსვეს ანალიტიკოსებმა. იქ მემ-მონეტების მფლობელთა რიცხვი 34%-მდე გაიზარდა, რაც მსოფლიოში ყველაზე მაღალი მაჩვენებელია. 

რეგიონში ახალი მომხმარებლების თითქმის 63% პასიური შემოსავლის მისაღებად ციფრულ აქტივებში ინვესტირებას ახორციელებს. ბაზარი კვლავ ორიენტირებულია საცალო ინვესტორებზე, რომლებიც შემოსავლიანობითა და საზოგადოებრივი აქტივობით არიან მოტივირებულნი. 

ამავდროულად, სამხრეთ აზიამ დაადასტურა თავისი სტატუსი, როგორც „გლობალურმა სავაჭრო ძალამ“. რეგიონში სპოტ ვაჭრობის მოცულობა 45%-დან 52%-მდე გაიზარდა, რაც გლობალურ საშუალო მაჩვენებელზე მაღალია. კრიპტო ინვესტორების ნახევარზე მეტმა განაცხადა, რომ მათი მთავარი მიზანი ფინანსური დამოუკიდებლობის მიღწევაა. 

„ახალგაზრდა, მობილური მოსახლეობით და ტრადიციულ ფინანსებზე შეზღუდული წვდომით, რეგიონი ყველაზე დინამიური საცალო ბაზარი ხდება. სამხრეთ აზია ასევე აღემატება სხვა რეგიონებს ფიუჩერსული ვაჭრობით (46%), ხოლო ევროპა უფრო ზომიერად ათვისებას აფიქსირებს და გლობალურ საშუალო მაჩვენებელთან უფრო ახლოს რჩება“, - ნათქვამია კვლევაში. 

კაპიტალის განაწილება 

საჯარო ბლოკჩეინ ტოკენები მსოფლიო მასშტაბით კრიპტო პორტფელების ბირთვს წარმოადგენს, რომელსაც მომხმარებელთა 65%-ზე მეტი ფლობს. ამ აქტივების კატეგორიაში ყველაზე მაღალი ნდობა ლათინურ ამერიკასა (74%) და სამხრეთ-აღმოსავლეთ აზიაში (70%) შეინიშნება. 

Stablecoin-ების წილი დაახლოებით 50%-ის ფარგლებში სტაბილური დარჩა. 

Stablecoin-ის ბაზრის კაპიტალიზაცია. წყარო: DeFi Llama. 

ანალიტიკოსებმა ასევე აღნიშნეს კაპიტალის განაწილების ცვლილება. აღმოსავლეთ აზიაში მოგების აღებისა და მარეგულირებელი შეზღუდვების გამო დიდი საფულეების წილი (20000+ აშშ დოლარი) 39%-დან 33%-მდე შემცირდა. 

საშუალო დონის მისამართები (5000-20000 აშშ დოლარი) უფრო გავრცელებული გახდა, რაც მიუთითებს „ფონდების უფრო თანაბარ განაწილებაზე და ციფრული აქტივების, როგორც ხელმისაწვდომი ფინანსური ინსტრუმენტის, როლის გაძლიერებაზე“. 

„კრიპტოვალუტების დანერგვა მთელ მსოფლიოში სხვადასხვაგვარად ვითარდება და არ არსებობს ერთიანი მიდგომა. აღმოსავლეთ აზიაში ინფლაციის ჰეჯირებიდან დაწყებული ლათინურ ამერიკაში საზოგადოების ზრდით დამთავრებული, ეს რეგიონული განსხვავებები ხაზს უსვამს ლოკალიზებული გადაწყვეტილებების მნიშვნელობას“, - აღნიშნა MEXC-ის საოპერაციო დირექტორმა ტრეისი ჯინმა. 

ექსპერტები კრიპტოვალუტების ღირებულების შესანახად გამოყენების ტენდენციის გაგრძელებას ვარაუდობენ. ისინი ასევე ვარაუდობენ სპეკულაციიდან სტრუქტურირებულ ვაჭრობაზე გადასვლას, პორტფელის უფრო აქტიურ დივერსიფიკაციას და კაპიტალის დონეებს შორის შემდგომ პოლარიზაციას. 

https://tinyurl.com/ys6m5avy 

[Magdalena]

ანალიტიკოსებმა Altcoin-ების სეზონის სამი მამოძრავებელი ფაქტორი დაასახელეს 

 

Altcoin-ების ზრდის პერიოდი ოფიციალურად დაიწყო: Altcoin-ების სეზონის ინდექსმა 2024 წლის ბოლოდან ყველაზე მაღალ ნიშნულს მიაღწია. ექსპერტებმა ამ კრიპტოვალუტების ზრდის მამოძრავებელი ძირითადი ფაქტორები გამოავლინეს, წერს DLNews. 

Blockchain Center-ის მონაცემებით, ბოლო 90 დღის განმავლობაში ტოპ 50 კრიპტოვალუტის 75%-მა შემოსავლიანობით Bitcoin-ს გადააჭარბა. 

 

წყარო: Blockchain Center. 

მსგავსი სურათი შეინიშნება CoinGlass-ის Altcoin Season Index-ის დიაგრამაზეც, რომელიც 15 სექტემბერს 80 პუნქტამდე გაიზარდა. 

ბოლო ექვსი თვის განმავლობაში Bitcoin-ის საბაზრო წილი 6%-ით შემცირდა და 58%-ს მიაღწია. ამ მეტრიკის კლება ტრადიციულად Altcoin-ებისთვის აქტიური ზრდის პერიოდის დასაწყისს მიანიშნებს. 

Forgd-ის დამფუძნებელმა შეინ მოლიდორმა განმარტა, რომ ციკლის დასაწყისში Bitcoin-ის  დომინირების შემდეგ ინვესტორებმა თავიანთი პორტფელების ალტერნატიული კრიპტოვალუტების სასარგებლოდ გადაბალანსება დაიწყეს. 

ფედერალური სარეზერვო სისტემის გადაწყვეტილება 

ალტ-სეზონის პირველი მამოძრავებელი ფაქტორი 17 სექტემბერს ფედერალური სარეზერვო სისტემის მიერ განაკვეთის პოტენციური შემცირება იყო. ბაზრის მონაწილეთა 100% მონეტარული პოლიტიკის შემსუბუქებას ელოდა, რაც ფინანსურ სისტემას ლიკვიდურობას შემატებს და მაღალი რისკის მქონე აქტივებზე მოთხოვნას წაახალისებს. 

 

წყარო: CME FedWatch. 

ვენჩურული კაპიტალის კომპანია MV global-ის დამფუძნებელმა კაილ შასმა აღნიშნა, რომ მოსალოდნელი 0.25%-ის ნაცვლად განაკვეთის 0.5%-ით შემცირებამ „შეიძლება გამოიწვიოს ძლიერი და მოულოდნელი ზრდა“. 

კორპორატიული რეზერვები 

მოლიდორმა განაცხადა, რომ რისკისადმი მადის ზრდასთან ერთად L2 ტოკენები და ეკოსისტემის მონეტები „მაღალი TVL-ით, სავაჭრო მოცულობებით და შემოსავლებით გახდებიან კორპორატიულ რეზერვებში ჩართვის მთავარი კანდიდატები“. ის თვლის, რომ ეს მნიშვნელოვნად გაზრდის ამ აქტივებზე მოთხოვნას და მათ ზრდისკენ უბიძგებს. 

„ვალის გამოშვებით და კრიპტოაქტივების შეძენით კომპანიები ქმნიან თვითშენარჩუნებად რეფლექსურ რეფლექსურ დინამიკას ფასების აღმავალი მოძრაობისთვის“, - აღნიშნა Derive-ის კვლევის ხელმძღვანელმა, შონ დოუსონმა. 

Altius-ის დამფუძნებელი ანაბელ ჰუანგი მიიჩნევს, რომ საჯარო კომპანიების მიერ კრიპტოვალუტის დაგროვების ტენდენცია გაგრძელდება. თუმცა, ეს მხოლოდ „მაღალი ხარისხის Altcoin-ებზე“ იმოქმედებს, რომლებსაც აქვთ მდგრადი შემოსავლები, დადასტურებული ეკონომიკა და ჯანსაღი სამომხმარებლო მაჩვენებლები“. 

მოლიდერმა განმარტა, რომ Ethereum, Solana და BNB აკმაყოფილებენ ამ კრიტერიუმებს. 

ადრე, Bloomberg-ის საფონდო ანალიტიკოსმა ჯეიმს სეიფარტმა გამოაცხადა „კორპორატიული“ ალტ-სეზონის დაწყება. მისი თქმით, მხოლოდ ის მონეტები გაიზრდება, რომლებიც მსხვილმა კომპანიებმა თავიანთ რეზერვებში შეიტანეს. 

Altcoin-ETF 

ექსპერტებმა მესამე კატალიზატორად მარეგულირებელი სიცხადე დაასახელეს. ადრე SEC-ის თავმჯდომარე პოლ ატკინსმა განაცხადა, რომ ტოკენების უმეტესობა ფასიანი ქაღალდები არ არის და კრიპტო ბაზრისთვის ერთიანი წესების დაწესება მოითხოვა. 

ამჟამად მარეგულირებელი სხვადასხვა Altcoin-ზე, მათ შორის Solana-ზე, XRP-სა და Litecoin-ზე დაფუძნებული სპოტ ETF-ების 90-ზე მეტ განაცხადს განიხილავს. ბევრი მიიჩნევს, რომ ამ ინსტრუმენტების დამტკიცება ძირითადი კრიპტოვალუტების ზრდისთვის ოპტიმისტური ფაქტორი იქნება. 

Bitfinex-ის ანალიტიკოსები დარწმუნებულები არიან, რომ „ალტერნატიული“ კრიპტოვალუტების ზრდის პერიოდი ახალი ETF-ების დამტკიცებამდე არ დაიწყება. 

https://tinyurl.com/4dw9br97 

[Magdalena]

არტურ ჰეისი: Bitcoin „აღმასვლის რეჟიმში“ მხოლოდ ერთი პირობით გადავა 

ანტრეპრენერის თქმით, აშშ-ის ფინანსთა სამინისტრო ლიკვიდურობის რეზერვის 850 მლრდ აშშ დოლარამდე შევსებას უახლოვდება. ამჟამად ის 816 მლრდ აშშ დოლარს შეადგენს. ამის შემდეგ ლიკვიდურობის გადინება შეწყდება და სხვა ბაზრებზე გადაინაცვლებს, რაც კრიპტოვალუტის ფასებს გაზრდის. ლიკვიდურობის შემოდინების ასეთ პერიოდებს ხშირად თან ახლავს მაღალი ცვალებადობა, ხოლო Bitcoin-ის ფასი მოკლე დროში უეცარ ცვლილებებს განიცდის. 

ჰეისის თქმით ეს მომენტი გარდამტეხი მომენტი იქნება მთელი ფინანსური სექტორისთვის. კრიპტოვალუტები ამ პროცესის ერთ-ერთი მთავარი ბენეფიციარი იქნებიან მათი გამჭვირვალობისა და ტრადიციული ინსტიტუტებისგან დამოუკიდებლობის გამო. 

მან ხაზგასმით აღნიშნა, რომ Bitcoin-ისთვის „მხოლოდ ზრდის“ სცენარი არ ნიშნავს დაუსრულებელ ზრდას კორექციის გარეშე. თუმცა, ჰეისი მიუთითებს გრძელვადიან ტენდენციაზე, რომლის დროსაც ლიკვიდურობის თითოეული მნიშვნელოვანი ტალღა აძლიერებს ციფრული აქტივების პოზიციას და მათ ფასებს უფრო მაღლა აყენებს. 

არტურ ჰეისმა ადრე განაცხადა, რომ ფედერალური სარეზერვო სისტემის თავმჯდომარის შეცვლა ამერიკის ცენტრალური ბანკის პოლიტიკის შეცვლას გამოიწვევს და შესაძლოა Bitcoin-სი ფასმა ათწლეულის ბოლოსთვის 1 მლნ აშშ დოლარს გადააჭარბოს. 

https://tinyurl.com/yuy2er73 

[Magdalena]

Stablecoin-სტარტაპებმა 2025 წელს 600 მლნ აშშ დოლარზე მეტი ინვესტიცია მოიზიდეს 

Defi Llama-ს მონაცემებით, წლის დასაწყისიდან Stablecoin-სტარტაპებმა 621.81 მლნ აშშ დოლარი მოიზიდეს. ეს შვიდჯერ მეტია, ვიდრე მთელი 2024 წლის განმავლობაში მოზიდული 84 მლნ აშშ დოლარი. 

წყარო: Defi Llama. 

ყველაზე დიდი გარიგება ჰონგ-კონგში დაფუძნებულმა OSL Group-მა დადო. ივლისში მან გლობალური გაფართოებისთვის 300 მლნ აშშ დოლარის დაფინანსება უზრუნველყო. 

„Stablecoin-ებთან დაკავშირებით დიდი აჟიოტაჟია“, - განაცხადა საგადახდო პლატფორმა Confirmo-ს აღმასრულებელმა დირექტორმა ანა შტრებლმა და აღნიშნა, რომ ეს აჟიოტაჟი გამართლებულია. 

ინვესტიციების ზრდა ინდუსტრიის მარეგულირებელი წარმატებებით არის განპირობებული. მნიშვნელოვანი მოვლენა იყო პრეზიდენტ დონალდ ტრამპის მიერ GENIUS Act-ზე ხელის მოწერა. MNEE-ს აღმასრულებელმა დირექტორმა რონ ტარტერმა, კანონს „კორპორატიული ამერიკისთვის მწვანე შუქი უწოდა, რაც ინდუსტრიას ლეგიტიმაციას ანიჭებს“. 

ამ ფონზე Stablecoin-ების მთლიანმა საბაზრო კაპიტალიზაციამ რეკორდულ 297 მლრდ აშშ დოლარს გადააჭარბა. Coinbase-ის ანალიტიკოსები ვარაუდობენ, რომ ეს მაჩვენებელი 2028 წლისთვის 1 ტრლნ აშშ დოლარს მიაღწევს. 

წყარო: CoinGecko 

კიდევ ერთი სიგნალია Stablecoin-ის ემიტენტ Circle-ის 1 მლრდ აშშ დოლარის ღირებულების საწყისი საჯარო შეთავაზება ივნისში. სტატიის დაწერის მომენტისთვის კომპანიის აქციები 144 აშშ დოლარად იყიდება. 

წყარო: Yahoo Finance. 

Circle-ისა და Figure Technologies-ის რაუნდების ჩათვლით, რომელთა კლასიფიცირებას DeFi Llama CeFi-სა და RWA-ს სექტორებად ახდენს, დაფინანსების მთლიანი ოდენობა 2.4 მლრდ აშშ დოლარს აჭარბებს. 

კონკურენცია იზრდება 

ბაზრის ლიდერები, როგორიცაა Circle და Tether, მზარდი კონკურენციის წინაშე დგანან. ფინტექ გიგანტ Stripe-მა და Wall Street-ის მსხვილმა მონაწილეებმა Stablecoin-ების გამოშვების გეგმების შესახებ გამოაცხადეს. 

Societe Generale-ს კრიპტოაქტივების განყოფილება SG-FORGE-მ წარადგინა Stablecoin USDCV. JPMorgan-მა დაადასტურა JPMD ტოკენის Base-ის ბლოკჩეინზე გამოშვება. Wall Street Journal-ის ცნობით Bank of America, Wells Fargo და Citigroup ასევე იკვლევენ საკუთარი აქტივების განვითარების გზებს. 

არსებულიი მოსაზრებით, ინსტიტუტები ამჟამად ფიატ-ვალუტასთან დაკავშირებულ კრიპტოვალუტებს „ციფრული ფინანსების საშენ მასალად“ მიიჩნევენ. 

ბანკები წინააღმდეგნი არიან 

აგვისტოში რამდენიმე საბანკო ლობისტურმა ჯგუფმა განაცხადა, რომ GENIUS აქტი კრიპტო კომპანიებს უსამართლო უპირატესობას ანიჭებს. მათი არგუმენტია: ფინანსური ინსტიტუტებისგან განსხვავებით კომპანიებს შეუძლიათ პროცენტის გადახდა Stablecoin-ების მფლობელებისთვის. ეს საფრთხეს უქმნის საბანკო დეპოზიტების 6 ტრილიონ დოლარზე მეტი თანხით. 

Coinbase-მა ამ შესაძლებლობას „მითი“ უწოდა. კომპანიის პოლიტიკის ხელმძღვანელმა ფარიარ შირზადმა აღნიშნა, რომ ბანკები უბრალოდ იცავენ თავიანთ შემოსავალს 187 მლრდ აშშ დოლარის წლიური ტრანზაქციის საკომისიოსგან. 

შეგახსენებთ, ივლისში Standard Chartered-ის ანალიტიკოსებმა აღნიშნეს, რომ მომხმარებლები უფრო მეტ ინტერესს იჩენდნენ Stablecoin-ების, ვიდრე Bitcoin-ის მიმართ. 

სექტემბერში JPMorgan-ის ექსპერტებმა განაცხადეს, რომ აშშ-ში Stablecoin-ების გამოშვების პროგნოზირებული ტალღა შეიძლება ნულოვანი ჯამის კონკურენციად გადაიქცეს. 

https://tinyurl.com/492n3r42 

[Magdalena]

მეთ ჰოუგანი: Solana უოლ-სტრიტის ახალი აქტივი გახდება 

ჰოუგანი დარწმუნებულია, რომ SOL ისევე გაიზრდება, როგორც წამყვანი კრიპტოვალუტები Bitcoin და Ethereum. ექსპერტმა განმარტა, რომ Bitcoin-ის ფასი მკვეთრად გაიზარდა მას შემდეგ, რაც 2024 წლის იანვარში აშშ-ში Bitcoin სპოტ-ბირჟაზე ვაჭრობადი ფონდები (ETF) გამოვიდა. კრიპტო ETF-ებში კაპიტალის მასიურმა შემოდინებამ, Bitcoin-ის შესაძენად კორპორატიული ობლიგაციების გამყიდველი კომპანიების რაოდენობის ზრდამ და ინვესტორების მზარდმა შეშფოთებამ სუვერენული ვალუტების დევალვაციის შესახებ, Bitcoin-ის ფასის სამჯერ გაზრდას შეუწყო ხელი. 

Bitwise-ის აღმასრულებელმა დირექტორმა აღნიშნა, რომ Ethereum-მაც მსგავსი ტენდენცია გამოიარა. Altcoin-მა მნიშვნელოვნად ზრდა აპრილში დაიწყო, როდესაც Ethereum ETF-ებში ინვესტიციები გაიზარდა აქტივების ტოკენიზაციის გარშემო შექმნილი აჟიოტაჟის გამო. BitMine-მა, რომელიც Ethereum-ის ერთ-ერთ უმსხვილეს მფლობელად ითვლება, ასევე შეიტანა წვლილი მონეტის ზრდაში Altcoin-ის შეძენით, აღნიშნა ჰოუგანმა. 

იგი ვარაუდობს, რომ Solana მალე აღმავლობის ტენდენციას დაადგება, თუ აშშ-ის ფასიანი ქაღალდებისა და ბირჟების კომისია (SEC) დაამტკიცებს იმ კომპანიების განაცხადებს, რომლებიც SOL-თან დაკავშირებული საფონდო ბირჟაზე ვაჭრობის ფონდების გამოშვებას ცდილობენ. Bitwise ერთ-ერთი ასეთი კომპანიაა. ჰოუგანმა ასევე ახსენა Solana-ს მომავალი განახლება Alpenglow, რომლის მიზანია ბლოკჩეინ ტრანზაქციების დროის 100-150 მილიწამამდე შემცირება. ჰოუგანი მიიჩნევს, რომ კომპანიების ინტერესი აქტივების ტოკენიზაციის მიმართ ასევე შეიძლება იყოს SOL-ის ზრდის მთავარი მამოძრავებელი ძალა. 

რამდენიმე დღის წინ Nasdaq-ზე მოქმედმა კომპანია Helius Medical Technologies-მა 760.190 SOL შეიძინა 167 მლნ აშშ დოლარად. კომპანია იმედოვნებს, რომ ამგვარად თავისი საინვესტიციო პორტფელის დივერსიფიკაციას მოახდენს. 

https://tinyurl.com/4mc4yrxa 

[Magdalena]

Binance-მა გამოუშვა Crypto-as-a-Service  ფინანსური ორგანიზაციებისთვის 

Binance-მა წარადგინა ახალი სერვისი Crypto-as-a-Service (CaaS), რომელიც სპეციალურად შექმნილია ციფრული აქტივების ბაზარზე შესვლის მსურველი ფინანსური დაწესებულებებისთვის. 

კომპანიამ განაცხადა, რომ white-label გადაწყვეტილება ბანკებს, საბროკერო კომპანიებსა და საფონდო ბირჟებს საშუალებას მისცემს სწრაფად დანერგონ კრიპტოვალუტებით ვაჭრობის სერვისები Binance-ის ინფრასტრუქტურის გამოყენებით. 

სერვისის მთავარი მახასიათებელია შიდა ვაჭრობა, რომელიც საშუალებას აძლევს ორგანიზაციებს პირდაპირ დააკავშირონ შეკვეთები თავიანთ მომხმარებლებს შორის, ამავდროულად შეინარჩუნონ წვდომა Binance-ის შეკვეთების წიგნზე. ეს საშუალებას აძლევს მათ დააფიქსირონ შიდა აქტივობა და შეინარჩუნონ ლიკვიდურობა, ამავდროულად ისარგებლონ Binance-ის გლობალური ბაზრის სიღრმით. 

პლატფორმა CaaS მოიცავს ყოვლისმომცველ ბაზარზე წვდომას სრული სპოტური და ფიუჩერსული ვაჭრობის შესაძლებლობებით, სპეციალურ პანელს და მომხმარებლების მართვის მორგებად შესაფერის ინსტრუმენტებს. ის ასევე უზრუნველყოფს შენახვისა და შესაბამისობის ინფრასტრუქტურას, მათ შორის უსაფრთხო ქვეანგარიშებს უნიკალური დეპოზიტის მისამართებით და ინტეგრირებული KYC პროცესებით. 

სერვისზე ადრეული წვდომა 30 სექტემბერს გაიხსნა და მასში მონაწილეობა მხოლოდ დამკვიდრებული, ლიცენზირებული ფინანსური ინსტიტუტებისთვის იქნება შესაძლებელი, რომლებიც მასშტაბის მოთხოვნებს აკმაყოფილებენ. ზოგადი ხელმისაწვდომობა წლის მეოთხე კვარტლის ბოლოსთვის იგეგმება. 

Binance-მა ახალი შეთავაზების მამოძრავებელ ძალად ციფრული აქტივების მიმართ მომხმარებელთა მზარდი მოთხოვნა დაასახელა და CaaS-ი იმ ინსტიტუტებისთვის გადაწყვეტილებად წარმოაჩინა, რომლებიც ცდილობენ თავიდან აიცილონ კრიპტო ინფრასტრუქტურის საკუთარი ძალებით შექმნასთან დაკავშირებული ხარჯები და რისკები. 

https://tinyurl.com/5c62pzfd 

[Magdalena]

Bitcoin-ის ჰეშრეითმა რეკორდულ 1.2 Z/s-ს მიაღწია, მაინერების კონკურენცია იზრდება 

Bitcoin-ის ბლოკჩეინზე ჰეშრეითის მაჩვენებელი კვლავ გაიზარდა და ყველა დროის მაქსიმუმს, 1.2 ზეტაჰეში წამში (Zh/s) მიაღწია, შემდეგ კი 1.039 Zh/s ნიშნული დაფიქსირდა. 

წყარო: CoinWarz 

როგორც ცნობილია, Bitcoin-ის ქსელი ყოველ 2016 ბლოკში ცვლის მაინინგის სირთულეს, რითაც უზრუნველყოფს ბლოკების სტაბილურ სიხშირეს. 

ჰეშრეითის სწრაფი ზრდის პერიოდებში მაინინგის სირთულე იზრდება, რაც უარყოფითად მოქმედებს მაინერების ეფექტურობაზე, რადგან მოგების მიღებას მხოლოდ იაფი ელექტროენერგიისა და მოწინავე აღჭურვილობის მქონე ოპერატორები შეძლებენ. 

ახალი რეკორდი ასახავს Bitcoin-ის მაინერებს შორის მზარდ კონკურენციას, რომლებიც მომავალში BTC-ის ზრდას ელიან და, როგორც ჩანს, „კრიპტო ზამთრის“ ნიშნებს ვერ ხედავენ. 

CryptoQuant-ის მონაცემები აჩვენებს, რომ 72-საათიანი დაფინანსების განაკვეთი (FR72h) უარყოფით ტერიტორიაზე გადავიდა. სტატისტიკურად, ეს ადრეული ნიშანია იმისა, რომ გამყიდველები ამცირებენ თავიანთ აქტივობას, რაც ქმნის პირობების ფასის პოტენციური ზრდისთვის. 

შესაძლოა, ამ მდგომარეობამ Bitcoin ზედა ტენდენციის ხაზს ზემოთ აიყვანა, რასაც ხელი შეუწყო RSI-ის 66.79 მაჩვენებელმა და რითაც დასტურდება კაპიტალის დადებითი შემოდინება. 

უახლოესი წინააღმდეგობის დონეა დაახლოებით 114000-116000 აშშ დოლარის დიაპაზონი იმ პოტენციალით, რომ იმპულსი გაგრძელდეს და 120000 აშშ დოლარამდე გაიზარდოს. თუმცა, თუ  Bitcoin ვერ შეძლებს გარღვევის ზონაზე (112000 აშშ დოლარი) მაღლა ასვლას, მისი ფასი შესაძლოა 110000 აშშ დოლარამდე დაბრუნდეს და განიცადოს მხარდაჭერა 108000 აშშ დოლარიან დონეზე. 

https://tinyurl.com/yzuv9jjs 

[Magdalena]

Visa ნერგავს საზღვართშორისი გადარიცხვის ფუნქციას Stablecoin-ებისთვის 

გლობალურმა გადახდების გიგანტმა Visa-მ დაიწყო საპილოტე პროექტი, რომელიც მომხმარებლებს საშუალებას აძლევს გამოიყენონ Stablecoin-ები საერთაშორისო დონეზე თანხების გადარიცხვისთვის. 

„ჩვენ ვამატებთ Stablecoin-ებს Visa Direct-ში, ჩვენს მყისიერი გადახდების პლატფორმაში, რომელიც საშუალებას იძლევა რეალურ დროში გადარიცხვები განხორციელდეს მილიარდობით საბოლოო წერტილში. „ჩვენ ვქმნით სამყაროს, სადაც გადახდების განხორციელება შესაძლებელია Stablecoin-ებით, რაც მყისიერი, გლობალური და პროგრამირებადი გადახდების განხორციელების საშუალებას იძლევა“, - განაცხადა Visa-მ. 

საპილოტე პროექტის მიზანია ბიზნესებისთვის ანგარიშსწორების დროის შემცირება რამდენიმე დღიდან წუთებამდე, რაც კომპანიებს ლიკვიდურობაზე უფრო სწრაფად წვდომას მისცემს. Visa-ს წარმომადგენლების თქმით, მიმღებებს ყოველთვის შეეძლებათ გადახდების მიღება ადგილობრივ ვალუტაში. 

სერვის Visa Direct-ის მეშვეობით ტესტირებაში მონაწილეობენ შერჩეული კომპანიები, მათ შორის ბანკები და პროვაიდერები. ფუნქციაზე წვდომა ამჟამად შეზღუდულია ფართო საზოგადოებისთვის. Stablecoin-ით გადახდები, სავარაუდოდ, 2026 წლის აპრილიდან Visa-ს ყველა კორპორატიული მომხმარებლისთვის გახდება ხელმისაწვდომი. 

საპილოტე პროექტი ამჟამად Circle-ის USDC და EURC Stablecoin-ებით ახორციელებს ტრანზაქციების ტესტირებას. თუმცა, მოთხოვნის მიხედვით, შესაძლოა სხვა აქტივებიც დაემატოს. 

Visa აქტიურად შედის Stablecoin-ების სივრცეში. წელს კომპანიამ Stripe-ის კუთვნილ Bridge-თან პარტნიორობა დაიწყო, რათა დეველოპერებს საშუალება მიეცათ გამოეცათ Stablecoin-ებთან დაკავშირებული Visa ბარათები, ხოლო მომხმარებლებს - მთელი მსოფლიოს მასშტაბით მაღაზიებში ციფრული აქტივების დახარჯვა. 

https://tinyurl.com/4hhfhupe 

[Magdalena]

ოქტომბერში განიბლოკება 3.9 მლრდ აშშ დოლარზე მეტი ღირებულების ტოკენები 

ოქტომბერში კრიპტო ბაზარზე შემოვა Aster, Sui, Aptos, Arbitrum და Zora ტოკენები, რომელთა ღირებულება 3.9 მლრდ აშშ დოლარს აღემატება. მიუხედავად იმისა, რომ მასშტაბური განბლოკვები ხშირად ზრდის გაყიდვების ზეწოლას, ანალიტიკოსები ვარაუდობენ, რომ ამჯერად სიტუაცია უფრო ოპტიმისტური იქნება. 

Aster (ASTER) 5 ოქტომბერს ხელმისაწვდომი ტოკენების რაოდენობით ლიდერობს 503.58 მლნ აშშ დოლარით. ეს მისი საბაზრო კაპიტალიზაციის 4%-ს წარმოადგენს და მიმოქცევაში 320 მილიონი ტოკენი შევა. 

1 ოქტომბერს ბაზარზე თითქმის 180.4 მლნ აშშ დოლარის ღირებულების SUI შემოვიდა, რაც ტოკენის საბაზრო ღირებულების 0.57%-ს შეადგენს. რამდენიმე დღის შემდეგ Ethena (ENA) გამოუშვებს 51.23 მლნ აშშ დოლარის ღირებულების ტოკენებს, რაც აქტივის საბაზრო კაპიტალიზაციის 0.63%-ს შეადგენს. 

სხვა აღსანიშნავი მოვლენები მოიცავს 90.06 მლნ აშშ დოლარის ღირებულების Plasma (XPL)-ის განბლოკვას 25 ოქტომბერს და 54.82 მლნ აშშ დოლარიანი pump.fun (PUMP)-ის განბლოკვას 14 ოქტომბერს. 

STBL-ის და Arbitrum-ის (ARB) გამოშვება 16 ოქტომბერს არის დაგეგმილი, შესაბამისად, 81.05 მლნ აშშ დოლარის და 37.71 მლნ აშშ დოლარის ღირებულებისტოკენები მიმოქცევაში ამ დროს გამოვა. 

Aptos (APT) 12 ოქტომბერს 47.96 მლნ აშშ დოლარს განბლოკავს, LayerZero (ZRO) 20 ოქტომბერს 49.23 მლნ აშშ დოლარს, ხოლო Zora (ZORA) 23 ოქტომბერს 41.91 მლნ აშშ დოლარს. 

https://tinyurl.com/ythydz32 

[Magdalena]

ახალი რეკორდი - Bitcoin-ის ფასმა 125 ათას აშშ დოლარს გადააჭარბა 

მსოფლიოში ყველაზე პოპულარულმა კრიპტოვალუტამ კიდევ ერთი რეკორდი დაამყარა. Bitcoin-ის ფასმა 125 000 აშშ დოლარს გადააჭარბა, რაც ციფრული აქტივის 17-წლიან ისტორიაში პირველად მოხდა. 

ფოტოს წყარო: AI 

CoinGecko-ს მონაცემებით, პარასკევს აზიის სავაჭრო სესიაზე Bitcoin-ის ფასმა ყველა დროის ახალ მაქსიმუმს მიაღწია, ბოლო 24 საათის განმავლობაში ვაჭრობის მოცულობამ თითქმის 50 მლრდ აშშ დოლარი შეადგინა. პიკის მდგომარეობაში პირველი კრიპტოვალუტის ფასმა 125.400 აშშ დოლარს გადააჭარბა, თუმცა მას შემდეგ ოდნავ შემცირდა. სტატიის წერის მომენტში მსოფლიოში ყველაზე პოპულარული კრიპტოვალუტის ფასი დაახლოებით 124.865 აშშ დოლარია. 

ხელსაყრელი მაკროეკონომიკური პირობებისა და ციფრული აქტივების მიმართ ინსტიტუციური ინტერესის ზრდის კომბინაცია მთელი წლის განმავლობაში დადებითი იყო Bitcoin-ისთვის. ამ ფონზე, ზოგიერთმა ანალიტიკოსმა გამოთქვა რწმენა, რომ იგი შეძლებს ზრდის ტენდენციის გაგრძელებას, მიუხედავად ამ კვირაში კრიპტო ბაზარზე არსებული გამოფიტვის ნიშნებისა. 

„საერთო ჯამში, სიტუაცია ოპტიმისტური რჩება და აშშ-ის ხელისუფლების ხანგრძლივი „shutdown” სავარაუდოდ, კვლავაც გაზრდის ინტერესს სტაბილური აქტივების მიმართ და მხარს დაუჭერს Bitcoin-ზე, როგორც ღირებულების ალტერნატიულ საცავზე მოთხოვნას“, - განაცხადა კრიპტოაქტივების მმართველი კომპანია BitBull Capital-ის გენერალურმა დირექტორმა, ჯო დიპასკუალემ. 

ბრიტანული მრავალეროვნულ ბანკ Standard Chartered-ის ანალიტიკოსებიც დარწმუნებულები არიან, რომ Bitcoin გააგრძელებს ზრდას. გასული კვირის ბოლოს ბანკის ციფრული აქტივების ხელმძღვანელმა ჯეფ კენდრიკმა ინვესტორებისთვის გაგზავნილ შეტყობინებაში განაცხადა, რომ Bitcoin-ის ფასი უახლოეს მომავალში 135 000 აშშ დოლარს მიაღწევს თითო მონეტაზე და წლის ბოლოსთვის 200 000 აშშ დოლარს გადააჭარბებს. 

https://tinyurl.com/3vew72we 

[Magdalena]

ევროპის ცენტრალურმა ბანკმა ციფრული ევროს შემუშავების მიზნით ტექნოლოგიურ კომპანიებთან შეთანხმებები გააფორმა 

ევროპის ცენტრალურმა ბანკმა (ECB) ციფრული ევროს გაშვებისთვის ძირითადი ინფრასტრუქტურის შემუშავების მიზნით შვიდ ტექნოლოგიურ კომპანიასთან მოაწერა ხელი შეთანხმებას. ეს ცენტრალური ბანკის ციფრული ვალუტის (CBDC) შექმნის სამუშაოების შემდეგი ეტაპია. გამოშვება, საკანონმდებლო ორგანოს დამტკიცების შემდეგ, 2029 წლისთვის არის მოსალოდნელი. 

პარტნიორებს შორის არიან ხელოვნური ინტელექტით მართული, თაღლითობის ფაქტების გამოვლენის კომპანია Feedzai და Giesecke+Devrient (G+D), რომელიც უხელმძღვანელებს ევროსერვისების ციფრული პლატფორმის (DESP) დიზაინსა და განვითარებას. DESP მოიცავს უსაფრთხო შეტყობინებებს, გადახდის ფსევდონიმით ძიებას და ოფლაინ ტრანზაქციების შესაძლებლობებს. 

ინიციატივის მიზანია ონლაინ CBDC ტრანზაქციებში თაღლითობის გამოვლენისა და პრევენციის საერთო მექანიზმის შექმნა, რაც ციფრული ევროს ცვალებადი რეგულაციის მოთხოვნაა. G+D-ის გენერალურმა დირექტორმა რალფ ვინტერგერსტმა განაცხადა, რომ თანამშრომლობა ფოკუსირებული იქნება პროექტის დასრულებასა და ინტეგრაციის დაგეგმვაზე ევროპის ცენტრალური ბანკის მმართველი საბჭოს ხელმძღვანელობით. პროექტის სავარაუდო ღირებულება 79.1 მილიონი ევროა, პოტენციური ლიმიტით კი - 237.3 მილიონი ევრო. 

ევროპი პასუხი დოლარის დომინირებაზე 

ციფრულმა ევრომ უნდა შეამციროს ევროპის დამოკიდებულება ამერიკულ საგადახდო სისტემებზე, როგორებიცაა Visa, Mastercard და PayPal. 

აშშ-ს მხარდაჭერა დოლარზე დაფუძნებული Stablecoin-ების მიმართ განსაკუთრებით აქტუალური გახდა ევროპის ცენტრალური ბანკისთვის. 2025 წლის 18 ივლისს პრეზიდენტმა ტრამპმა ხელი მოაწერა GENIUS Act-ს, რომელიც Stablecoin-ების ფედერალურ მარეგულირებელ ჩარჩოს ქმნის. 

ევროპის ცენტრალური ბანკის აღმასრულებელი საბჭოს წევრმა პიერო ჩიპოლონემ აღნიშნა, რომ დოლარში დენომინირებული Stablecoin-ების გავრცელება ევროპული ბანკებიდან დეპოზიტების გადინების საფრთხეს ქმნის. ციფრულმა ევრომ ევროპის გადახდის ინფრასტრუქტურაზე კონტროლი უნდა შეინარჩუნოს. 

ამასობაში, კერძო ალტერნატივები უფრო სწრაფად ვითარდება. 2025 წლის სექტემბერში ცხრა მსხვილმა ევროპულმა ბანკმა გამოაცხადა, რომ 2026 წლის შუა პერიოდისთვის გამოუშვებენ საკუთარ რეგულირებად ევრო Stablecoin-ს. გერმანიამ უკვე გამოუშვა EURAU 2025 წლის ივლისში. 

ციფრული ევრო იმუშავებს ნაღდ ფულსა და საბანკო დეპოზიტებთან ერთად და მათ არ ჩაანაცვლებს. ევროპის ცენტრალურმა ბანკმა იგი საზოგადოებისთვის სასარგებლო საზოგადოებრივ სიკეთედ ჩაიფიქრა და არა კომერციულ პროდუქტად. 

https://tinyurl.com/2kbbddd7 

[Magdalena]

Morgan Stanley-მ რეკომენდაცია გაუწია პორტფელის 4%-მდე მოცულობის კრიპტოვალუტებისთვის გამოყოფას 

Morgan Stanley-ს ანალიტიკოსებმა ფინანსურ მრჩევლებსა და მომხმარებლებს ურჩიეს კრიპტოვალუტების დამატება მრავალაქტივიან პორტფელებში. Bitwise-ის აღმასრულებელმა დირექტორმა ჰანტერ ჰორსლიმ GIC ანგარიშიდან მიღებული რეკომენდაციები გააზიარა. 

ექსპერტებმა მაღალი რისკის და მაღალი შემოსავლიანობის მქონე პორტფელებისთვის 4%-მდე წილის გამოყოფა შემოგვთავაზეს. დაბალანსებული ინვესტიციებისთვის წილი 2%-ს არ უნდა აღემატებოდეს. ამავდროულად, კრიპტოვალუტების კონსერვატიულ სტრატეგიებში ჩართვა რეკომენდებული არ არის. 

„ამ აქტივების კლასმა ბოლო წლებში მაღალი შემოსავლიანობა და შემცირებული ცვალებადობა აჩვენა. თუმცა, ბაზრის სტრესის პერიოდებში, ფასების რყევები და ფინანსურ ინსტრუმენტებთან კორელაცია შეიძლება გაიზარდოს“, - ნათქვამია ანგარიშში. 

ჰორსლიმ ანგარიშს „მნიშვნელოვანი“ უწოდა. მან ხაზგასმით აღნიშნა, რომ GIC კონსულტაციებს უწევს 16 ათას მრჩეველს, რომლებიც მართავენ 2 ტრლნ აშშ დოლარის სამომხმარებლო აქტივებს. 

„ჩვენ მასობრივი გამოყენების ეპოქაში შევდივართ“, - აღნიშნა მან. 

Morgan Stanley-ის ანგარიშში Bitcoin მოხსენიებულია, როგორც „ციფრული ოქროს მსგავსი დეფიციტური აქტივი“. 

შეგახსენებთ, რომ 26 სექტემბრიდან 4 ოქტომბრამდე პერიოდში ინვესტორებმა კრიპტო საინვესტიციო პროდუქტებში რეკორდული 5.95 მლრდ შშ დოლარი ჩადეს. 

https://tinyurl.com/y9cjwcpc 

[Magdalena]

Bitcoin და ოქრო, სავარაუდოდ, ცენტრალური ბანკის ბალანსებზე 2030 წლისთვის გამოჩნდება: DB 

Deutsche Bank-მა სამშაბათს გამოქვეყნებულ ანგარიშში განაცხადა, რომ მისი აზრით, როგორც Bitcoin, ასევე ოქრო „სავარაუდოდ, ცენტრალური ბანკების ბალანსებზე 2030 წლისთვის გამოჩნდება“, რადგან გლობალური მონეტარული ორგანოები ადაპტირდებიან ცვალებად მაკროეკონომიკურ ლანდშაფტთან, რომელიც ხასიათდება დოლარის შესუსტებით და მზარდი გეოპოლიტიკური გაურკვევლობით. 

ანგარიშში, რომლის სახელწოდებაა „ოქროს მეფობა, Bitcoin-ის აღზევება“, Deutsche Bank-მა აღნიშნა, რომ „ Bitcoin რეკორდული 2025 წლისკენ მიიწევს“. 

კრიპტოვალუტის ფასმა „აგვისტოში 123500 აშშ დოლარს გადააჭარბა, შემდეგ კი ოქტომბერში 125 ათას აშშ დოლარს მიაღწია“, ხოლო „ოქრომ ახალ მაქსიმუმს მიაღწია, წლიური მაჩვენებლის დაახლოებით 50%-ით გაიზარდა და წლის ბოლომდე 4000 აშშ დოლარს მიაღწევს“. 

ანალიტიკოსებმა დაწერეს, რომ „დოლარის შესუსტებისას ცენტრალური ბანკები გადამწყვეტი კითხვის წინაშე დგანან: შეუძლია თუ არა Bitcoin-ს ოქროსთან ერთად ან თუნდაც მის ნაცვლად საიმედო სარეზერვო აქტივის როლის შესრულება?“ 

Deutsche Bank-მა განაცხადა, რომ „Bitcoin-ის სტრატეგიული განაწილება შეიძლება ფინანსური უსაფრთხოების თანამედროვე ქვაკუთხედად იქცეს, რაც მე-20 საუკუნის ოქროს როლს გაიმეორებს“. 

ბანკმა განაცხადა, რომ ანგარიში „ეფუძნება ჩვენს ბოლოდროინდელ კვლევას, რომელიც Bitcoin-სა და ოქროს ადარებს გამოყენების ტენდენციების, აქტივების მახასიათებლებისა და მაკროეკონომიკური ინდიკატორების საფუძველზე“. 

ბანკმა აღნიშნა, რომ „ცვალებადობის, ლიკვიდურობის, სტრატეგიული ღირებულებისა და სანდოობის“ შეფასების შემდეგ ორივე აქტივი, როგორც ჩანს, მზადაა სტრუქტურული როლი შეასრულოს გლობალურ რეზერვებში. 

Deutsche Bank-მა დაასკვნა, რომ „ორივე აქტივი, სავარაუდოდ, ცენტრალური ბანკის ბალანსებზე იქნება წარმოდგენილი 2030 წლისთვის“, რაც ხაზს უსვამს პოტენციურ გრძელვადიან ცვლილებას იმაში, თუ როგორ იცავენ ხელისუფლებები თავს ინფლაციისგან, გაცვლითი კურსის რისკისა და ფინანსური არასტაბილურობისგან. 

https://tinyurl.com/2pv56zu8 

[Magdalena]

ჰეისმა ახსნა, რატომ არ შეჩერდება Bitcoin-ის ფასის ზრდა ოქტომბერში 

BitMEX-ის თანადამფუძნებელმა არტურ ჰეისმა ახსნა, თუ რატომ არ შეჩერდება Bitcoin-ის ფასის ზრდა მიმდინარე ოქტომბერში. 

როგორც მან აღნიშნა, BTC-ის 2009 წელს დაარსების დღიდან სამი ციკლი განხორციელდა, რომელთა კულმინაციაც კრიპტოვალუტის ყველა დროის მაქსიმუმის მიღწევაში დაახლოებით ყოველ ოთხ წელიწადში ერთხელ ხდებოდა. მეოთხე და უახლესი ციკლი, რომელიც 2021 წელს დაიწყო, 2025 წლის ოქტომბერში უნდა დასრულდეს, ამიტომ ტრეიდერები შეშფოთებულნი არიან, განმეორდება თუ არა ეს ისტორიული ტენდენცია. 

არტური მიიჩნევს, რომ დროა ციკლების თეორია ისტორიის ნაგავსაყრელზე გადავიდეს და მიზეზად მონეტარული პოლიტიკის სპეციფიკას ასახელებს. აშშ-სა და ჩინეთის საბანკო სისტემების მონაცემების, ასევე გამოშვებული დოლარისა და იუანის რაოდენობის ანალიზის შემდეგ ჰეისმა დაასკვნა, რომ ოთხწლიან ციკლებში Bitcoin-ის ფასის ზრდა განპირობებული იყო ფულის მასის ზრდით და ძირითადი საპროცენტო განაკვეთის შემცირებით. ეს ნიშნავს, რომ ფიატური ვალუტა უფრო უხვი გახდა და მისი ფასი, რაც საკრედიტო განაკვეთში აისახა, შემცირდა. 

შესაბამისად, მონეტარული პოლიტიკის გამკაცრების გამო BTC-ის ფასმა კლება დაიწყო, თუმცა წელს ამის ნიშნები არ ჩანს. პირველ რიგში, აშშ-ის ფედერალური მთავრობა, სავარაუდოდ, გააგრძელებს ძირითადი საპროცენტო განაკვეთის 2%-მდე შემცირებას, ხოლო ფინანსთა მინისტრი სკოტ ბესანტი ბანკებს საშუალებას მისცემს, კრიტიკულად მნიშვნელოვანი ინდუსტრიებისთვის მეტი სესხი გასცენ, რითაც ფულის მასა გაიზრდება. მეორეც, ჩინეთის პრეზიდენტი სი ძინპინი იუანის გამოშვების გაზრდის ბრძანებას გასცემს ქვეყანაში მიმდინარე დეფლაციის დასასრულებლად და ეკონომიკური ზეწოლის შესამსუბუქებლად. 

https://tinyurl.com/ykyzh2a7 

[Magdalena]

Solana-მ წლიური საკომისიო შემოსავლით Ethereum-ს გადააჭარბა 

Solana-ს ქსელის შემოსავალმა გასულ წელს 2.85 მლრდ აშშ დოლარი შეადგინა. 21Shares-ის ანგარიშის თანახმად ძირითადი წყარო სავაჭრო პლატფორმები იყო. 

2024 წლის ოქტომბრიდან 2025 წლის სექტემბრამდე საშუალო თვიური შემოსავალი 240 მლნ აშშ დოლარი იყო. იანვარში, მემ-მონეტების ბუმის ფონზე, შემოსავალმა პიკს მიაღწია და 616 მლნ აშშ დოლარი შეადგინა. აჟიოტაჟის ჩაცხრობის შემდეგ თვიური შემოსავალი 150-250 მლნ აშშ დოლარის დიაპაზონში დარჩა. 

ამ ზრდის მთავარი მამოძრავებელი ძალა სავაჭრო პლატფორმები იყო, რომლებმაც მთლიანი შემოსავლის 39% ანუ 1.12 მლრდ აშშ დოლარი შეადგინეს. თანხები ეკოსისტემის სხვადასხვა სექტორიდან მოდიოდა: DeFi, სასაცილო მონეტები, ხელოვნური ინტელექტის აპლიკაციები, დეცენტრალიზებული ბირჟები და DePIN. 

 

წყარო: 21Shares. 

ანალიტიკოსებმა ასევე აღნიშნეს, რომ Solana მნიშვნელოვნად აღემატება Ethereum-ს განვითარების შესადარებელ ეტაპზე. გამოშვებიდან ხუთი წლის შემდეგ „DeFi-ს ფლაგმანი“ ყოველთვიურ შემოსავალს 10 მლნ აშშ დოლარზე ნაკლებს გამოიმუშავებდა. „სახალხო კრიპტოვალუტის“ ამჟამინდელი ქსელური მაჩვენებლები 20-30-ჯერ მეტია. 

ეფექტურობამ და დაბალმა საკომისიოებმა Solana-ს ხელი შეუწყო დღეში 1.2-დან 1.5 მილიონამდე აქტიური მისამართის მოზიდვაში. ეს დაახლოებით სამჯერ მეტია, ვიდრე Ethereum-ის მაჩვენებეი მისი სასიცოცხლო ციკლის შესაბამის ეტაპზე. 

ETF-ები და კორპორატიული რეზერვები 

რამდენიმე საჯარო კომპანია გადავიდა Solana-ს სახაზინო ობლიგაციებზე. შედეგად, მათ ბალანსზე დაახლოებით 4 მლრდ აშშ დოლარის ოდენობის Solana-ს ობლიგაციები აქვთ. 

წყარო: Strategic SOL Reserve. 

სულ 18 მონიტორინგის ქვეშ მყოფი ორგანიზაცია ფლობს 17.8 მილიონ SOL-ს. ყველაზე დიდი მფლობელები არიან Forward Industries (6.8 მილიონი SOL) და Sharps Technology (2.1 მილიონი SOL). 

 

წყარო: Strategic SOL Reserve. 

ოქტომბერში აშშ-ის ფასიანი ქაღალდებისა და ბირჟების კომისია Fidelity-ის, VanEck-ის, Grayscale-ის და სხვა კომპანიების სპოტ Solana ETF-ების რამდენიმე განაცხადის განხილვას გეგმავს. Polymarket-ის მონაწილეები წლის ბოლომდე SOL ETF-ის დამტკიცების ალბათობას 99%-ით აფასებენ. 

 

წყარო: Polymarket 

შეგახსენებთ, რომ Forward Industries „სახალხო კრიპტოვალუტის“ შესაძენად 4 მლრდ აშშ დოლარის ღირებულების აქციებს გაყიდის. 

https://tinyurl.com/5fw4chtt 

 

[George]

ისე ეხლა მემეკოინებში ზამთარი ყოფილა ფაქტიურათ, აგერ ჩარტიც: https://whaleportal.com/meme-season-index/ ეგ პერიოდი კი საკმაოთ დიდხანს გაგრძელდეს შეიძლება, ანუ ბანალურათ როცა ბიტკოინზე უფრო ნაკლებათ იზრდებიან მემეკოინები ან პირიქით ბიტკოინი იზრდება და ეგენი ძირითადათ ეცემიან იმავე პერიოდში, ლოლ მაგ ჩარტს თუ ვენდობით ეხლა კარგი დროა ეგეთი კოინის დათრევის, მაგრამ როგორც ყოველთვის ყველა ეგეთი კოინი სხვადასხვანაირი სისწრაფით იზრდება მოგვიანებით, ზოგი კი შეიძლება არც გაიზარდოს დიდათ, ხელი როცა აქვს ბევრს ჩაქნეული მერე უყვართ ვეილსებს ხშირათ ეგეთი კოინების დაპამპვა უბედურათ, მითუმეტეს მანდ მაგხელა თანხების ჩადება მაგისთვის სულაც არაა საჭირო, რაც ბიტკოინს ჭირდება თუნდაც გაორმაგებისთვისაც კი ან ეთერას, მაგის მეათედი ან ხშირათ მეასედი თანხაც საოცარ ზრდებს იწვევს ხოლმე ეგეთ კოინებზე და მაგიტომ

[Magdalena]

ბოლო ერთი წლის განმავლობაში 70 ათასი ახალი კრიპტო მილიონერი გამოჩნდა 

Bitcoin-ის ფასის რეკორდული ზრდის წყალობით სულ რაღაც 12 თვეში 70 ათასი ახალი კრიპტო მილიონერი გამოჩნდა, რამაც კრიპტოვალუტის მფლობელთა საერთო რაოდენობა, რომელთა აქტივები მინიმუმ 1 მლნ აშშ დოლარია, 241 700-მდე გაზარდა, რაც გასულ წელთან შედარებით 40%-ით მეტია. 

Henley & Partners-ისა და New World Wealth-ის ანალიტიკოსების მონაცემებით ამჟამად მსოფლიოში 450 ადამიანია, რომელთაგან თითოეული ფლობს მინიმუმ 100 მლნ აშშ დოლარს კრიპტოვალუტაში. ციფრული აქტივის ოცდათექვსმეტი მფლობელი მილიარდერი გახდა. 

ამ შთამბეჭდავი მაჩვენებლების მიუხედავად კრიპტოვალუტებიდან შემოსავლის ზრდას უარყოფითი მხარეც აქვს. 

ბოლო ათწლეულის განმავლობაში კრიპტოვალუტით შემოსავლის მნიშვნელოვანმა ზრდამ, სავარაუდოდ, დადებითი გავლენა მოახდინა ეკონომიკურ ზრდაზე მოხმარებაზე დომინოს ეფექტის გზით. მკვლევარები წერენ, რომ კრიპტოვალუტის მასშტაბურმა კრახმა შესაძლოა მნიშვნელოვანი უარყოფითი ზეწოლა მოახდინოს ეკონომიკაზე, რადგან ინვესტორები სამომხმარებლო ხარჯებს ამცირებენ. 

კრიპტო ინვესტორები ასევე ორ ბანაკად აღმოჩნდნენ დაყოფილნი. ზოგიერთი არარეგულარულად ახორციელებს ინვესტირებას, რადგან კრიპტოვალუტა მათი პორტფელის მხოლოდ ნაწილს წარმოადგენს. ეს ინვესტორები უფრო მეტად ხარჯავენ ფულს მოგების მიღების შემთხვევაში. 

მეორე ჯგუფი „ძველი სკოლის“ ინვესტორები არიან, რომლებმაც მთელი თავიანთი თანხები კრიპტოვალუტაში ჩადეს და იშვიათად ყიდიან მას. ეს ინვესტორები ფასების ზრდას არ მისდევენ; ისინი გრძელვადიანი პერსპექტივისტები არიან. წარმატებისადმი მათი ნდობა ნიშნავს, რომ მათი ხარჯვის ჩვევები დიდწილად უცვლელი რჩება, მაშინაც კი, როდესაც ისინი უზარმაზარ მოგებას ხედავენ. 

საინტერესოა, რომ ექვსი ეკონომისტისგან შემდგარი ჯგუფი ცდილობდა კრიპტოვალუტით მდიდარი ახალი კლასის ქცევის გაგებას გაცვლით ტრანზაქციებთან დაკავშირებული საფულის აქტივობის ანალიზით. მათ აღმოაჩინეს, რომ კრიპტოვალუტის მოგების ყოველ დოლარზე ინვესტორები, როგორც წესი, 9.7 ცენტს ხარჯავენ. ეს მაჩვენებელი ორჯერ მეტია იმ მაჩვენებელთნ შედარებით, რომელიც ჩვეულებრივ შეინიშნება სახლების ან აქციების ფასების ზრდის დროს. ახალგაზრდა კრიპტომფლობელები, როგორც წესი, მეტს ხარჯავენ, ვიდრე ტრადიციული, ხანდაზმული ინვესტორები. 

https://tinyurl.com/5bw6hxcb 

[Magdalena]

კრიპტო ანალიტიკოსები Ethereum-ის ფასის 8500 აშშ დოლარამდე ზრდას პროგნოზირებენ, მაგრამ ერთი პირობით 

კრიპტო ანალიტიკოსები ყურადღებით აკვირდებიან ETH-ის აღდგენას მას შემდეგ, რაც აქტივის ფასი გასულ პარასკევს 3500 აშშ დოლარამდე დაეცა, შემდეგ კი ბაზრის უფრო ფართო აღდგენის ფონზე 4100 აშშ დოლარამდე გაიზარდა. 

პოპულარულმა ანალიტიკოსმა ტედ პილოუსმა განაცხადა, რომ „ხარებმა“ 4060 აშშ დოლარიანი მხარდაჭერის დონის დაბრუნება მოახერხეს, რაც V-ფორმის აღდგენის ნიმუშს აჩვენებს, რაც ზრდის სიგნალია და ბაზრის ძლიერ იმპულსზე მიუთითებს. 

მისი თქმით, შემდეგი მთავარი წინააღმდეგობა 4250 აშშ დოლარიანი დონეა. ამ დონეზე მაღლა გარღვევა, სავარაუდოდ, „ხარებს“ Ethereum-ის მოკლევადიანი ტენდენციის კონტროლს დაუბრუნებს. 

სხვა ბაზრის ანალიტიკოსებმაც გამოთქვეს მსგავსი მოსაზრებები და აღნიშნეს, რომ ETH მრავალთვიანი ზრდისთვის ემზადება. მაგალითად, მაიკ ინვესტინგმა განაცხადა, რომ Altcoin-ის ბოლოდროინდელი, 4 ათას აშშ დოლარზე დაბლა ჩასვლა ბოლო იყო მრავალთვიანი ზრდის დაწყებამდე. 

მისი თქმით, მსხვილმა ინსტიტუციონალურმა ინვესტორებმა, მათ შორის BitMine-მა და BlackRock-მა, ბოლოდროინდელი საბაზრო კრახის დროს ერთობლივად დააგროვეს მილიარდობით დოლარი ETH-ში. იგი პროგნოზირებს, რომ თუ მიმდინარე ტენდენციები გაგრძელდება, Ethereum-ის ღირებულებამ შეიძლება 2026 წლის მაისისთვის 7 ათას აშშ დოლარს გადააჭარბოს. 

ანალიტიკოს ჯეივონ მარკსს კიდევ უფრო ოპტიმისტური პროგნოზი აქვს. ის თვლის, რომ ძირითადი წინააღმდეგობის დონის 4811.71 აშშ დოლარზე გარღვევამ შეიძლება გამოიწვიოს ზრდა, რაც ეთერიუმის ფასს 8500 აშშ დოლარამდე აწევს. 

https://tinyurl.com/y8c3tsps 

[Magdalena]

S&P 500 ინდექსი ახლა მეტად არის დამოკიდებული კრიპტო ბაზარზე - ჯიმ კრამერი 

კრამერის განცხადების თანახმად S&P 500-ზე, რომელიც საბაზრო კაპიტალიზაციის მიხედვით 500 უმსხვილეს საჯაროდ ვაჭრობად კომპანიას მოიცავს, სპეკულაციური კრიპტო ბაზრის დიდი გავლენა აქვს. კრამერის განცხადებით ბაზრის უფრო პატარა, უფრო არასტაბილური სეგმენტი იწყებს გაცილებით დიდ სისტემაზე გავლენის მოხდენას. 

წამყვანის თქმით, როდესაც კრიპტოვალუტის ფასი იზრდება, საფონდო ბირჟაც იზრდება, ხოლო როდესაც კრიპტო ბაზარი ეცემა, აქციების ფასებიც ხშირად ეცემა. კრიპტო სკეპტიკოსმა აღნიშნა, რომ ეს ტენდენცია ბოლო რამდენიმე კვირის განმავლობაში აშკარად შეინიშნებოდა. 

გლობალური ბაზრების ბოლოდროინდელი კლება აშშ-სა და ჩინეთს შორის სავაჭრო ომის ფონზე მოხდა. აშშ-ის ფედერალური სარეზერვო სისტემის საპროცენტო განაკვეთების პოლიტიკასთან დაკავშირებული გაურკვევლობაც ხელს უწყობდა ბაზრის ვარდნას. 

„Thinking Crypto“ პოდკასტის წამყვანმა ტონი ედვარდმა კრამერს სთხოვა გაეკეთებინა პროგნოზი, რომ Bitcoin ვერასდროს მიაღწევდა 200 ათას აშშ დოლარს, Ethereum - ვერასდროს მიაღწევდა 10 ათას აშშ დოლარს და XRP ნულამდე დაეცემოდა. ირონია ის არის, რომ კრამერის დაღმავალი პროგნოზები შესაძლოა რეალურად ამ კრიპტოაქტივების მნიშვნელოვან ზრდაზე მიუთითებდეს. 

კრამერი ადრე კრიპტოვალუტების ხშირი კრიტიკოსი იყო, მაგრამ გასულ წელს მან განაცხადა, რომ Bitcoin ნებისმიერი საინვესტიციო პორტფელის განუყოფელი ნაწილი უნდა იყოს, რათა შემცირდეს აშშ-ის მთავრობის ვალის ზრდის გამო ფინანსური რისკები. 

https://tinyurl.com/pecz5jyh 

[Magdalena]

KPMG: Stablecoin-ები საზღვართშორისი გადახდების ღირებულებას 99%-ით შეამცირებს 

ამჟამინდელი საბანკო ქსელების საკორესპონდენტო ინფრასტრუქტურა, რომელიც ყოველწლიურად 150 ტრლნ აშშ დოლარზე მეტს ამუშავებს, გადახდის ტრანზაქციის დასამუშავებლად ორიდან ხუთ დღემდე საჭიროებს, რაც კომპანიებს თითო ტრანზაქციაზე 35 აშშ დოლარამდე თანხა უჯდებათ. ამ შემთხვევაში, აქტივები არა მხოლოდ ორიდან ხუთ დღემდე იხსნება მიმოქცევიდან, არამედ დროებით იყინება საკორესპონდენტო ბანკის ანგარიშებზე, სანამ საპასუხო მოთხოვნები არ იქნება მიღებული. 

KPMG-ის ექსპერტები ვარაუდობენ, რომ ბლოკჩეინ-Stablecoin-ებზე დაფუძნებულმა საგადახდო გადაწყვეტილებებმა შესაძლოა მნიშვნელოვნად შეამციროს ანგარიშსწორების დრო დღეებიდან წუთებამდე ან თუნდაც წამებამდე, გამოყენებული ბლოკჩეინ ქსელის მიხედვით. 

„Stablecoin-ების, როგორც ანგარიშსწორების ინსტრუმენტის გამოყენება, შესაძლოა, ერთ-ერთი ყველაზე აშკარა და დაუყოვნებელი სცენარია საზღვართშორისი გადახდების ტრანსფორმაციისთვის. ისინი შეამცირებენ წინასწარი დაფინანსების მოთხოვნებს და კაპიტალის ზეწოლას, გააუმჯობესებენ საერთო ლიკვიდურობას და გამოათავისუფლებენ რესურსებს, რომლებიც სხვა შემთხვევაში გამოუყენებელ ანგარიშებზე იქნებოდა ჩაკეტილი“, - განაცხადეს KPMG-ის ანგარიშის ავტორებმა. 

KPMG-მ აღნიშნა, რომ ისეთი კომპანიების გამოცდილება, როგორიცაა JPMorgan და PayPal, Stablecoin-ებით ანგარიშსწორების მხრივ აჩვენებს, რომ ბლოკჩეინზე დაფუძნებული გადახდები რეალურ დროში აუდიტის საშუალებას იძლევა, ასევე უზრუნველყოფს შუამავლების აღმოფხვრას და გადახდის ტრანზაქციების ღირებულების 99%-ით შემცირებას. 

ადრე ამერიკულ საინვესტიციო ბანკ JPMorgan Chase-ის აღმასრულებელმა დირექტორმა  Jamie Dimon-მა CNBC-თან ინტერვიუში განაცხადა, რომ მნიშვნელოვნად შეცვალა თავისი პოზიცია Stablecoin-ებთან დაკავშირებით, აღიარა ბლოკჩეინის სარგებელი და მიიჩნია, რომ ამ ტექნოლოგიას მრავალი ბიზნეს-პროცესის გამარტივება შეუძლია. 

https://tinyurl.com/5tkeszt2 

 

[Magdalena]

Ethereum-მა დეველოპერების რიცხვით Bitcoin-სა და Solana-ს გადააჭარბა 

Ethereum Foundation-ის მონაცემებით Ethereum-მა შეინარჩუნა წამყვანი პოზიცია აქტიური დეველოპერების რაოდენობით, 31869-ით. ეს რიცხვი თითქმის ორჯერ მეტია მის უახლოეს კონკურენტ Solana-სთან შედარებით, რომლის პლატფორმაზე 17708 დეველოპერი მუშაობს. 

საბაზრო კაპიტალიზაციის მიხედვით სიდიდით მეორე კრიპტოვალუტის ბლოკჩეინი კრიპტო ინდუსტრიაში უდიდეს ეკოსისტემად რჩება. ამჟამად Ethereum-ზე ათობით მეორე დონის გადაწყვეტილება მუშაობს. Ethereum დეცენტრალიზებული აპლიკაციებისა და პროტოკოლების საფუძველი გახდა. მასზე დაფუძნებული დეცენტრალიზებული ფინანსური პროტოკოლებისთვის სმარტ კონტრაქტებში ჩადებული აქტივების საერთო ღირებულებამ 87 მლრდ აშშ დოლარს გადააჭარბა. 

Ethereum Foundation-ის ცნობით, სულ უფრო მეტი ბანკი და საინვესტიციო კომპანია იწყებს Ethereum-ის ქსელზე დაფუძნებული საკუთარი ტოკენიზებული პროდუქტებისა და საგადახდო გადაწყვეტილებების ტესტირებას. 

ადრე მონაცემთა ონჩეინ-პლატფორმა CryptoQuant-ის ანალიტიკოსებმა განაცხადეს, რომ Ethereum განვითარების უძლიერეს ეტაპზეა და მან გლობალური ფინანსური სისტემის ძირითადი კომპონენტის სტატუსი განიმტკიცა. 

https://tinyurl.com/244kyesj 

[Magdalena]

Uniswap-ს Solana-ს მხარდაჭერა დაემატა 

 

წამყვანმა არაკასტოდიალურმა ბირჟა Uniswap-მა თავის ვებ-აპლიკაციაში Solana-ს ქსელის მხარდაჭერა დაამატა. 

„Ethereum და Solana უდიდესი DeFi ეკოსისტემებია. თუმცა, ისინი ცალ-ცალკე განვითარდნენ, რაც მომხმარებლებს სხვადასხვა საფულის გამოყენებას, ახალი ინტერფეისების შესწავლას და აპლიკაციებს შორის გადართვას აიძულებდა. ახლა Solana-ზე, Ethereum-სა და 13-ზე მეტ სხვა ქსელზე წვდომა ერთი ინტერფეისით არის შესაძლებელი“, - აღნიშნეს დეველოპერებმა. 

Uniswap-ზე „სახალხო კრიპტოვალუტის“ ქსელის გამოსაყენებლად საჭიროა გახსნათ აპლიკაციის ვებ-გვერდი, დააკავშიროთ თავსებადი საფულე, როგორიცაა Phantom, და აირჩიოთ შესაბამისი ბლოკჩეინი. 

გუნდმა ხაზგასმით აღნიშნა, რომ ეს პოპულარულ DEX-ზე Solana-ს მხარდაჭერის მხოლოდ პირველი ეტაპია. მომავალში, დეველოპერები აპირებენ ქროსჩეინ-გადარიცხვებისა და ბირჟების, ასევე Uniswap საფულის ინტეგრირებას. 

TVL 

დაბლოკილი ღირებულების მოცულობის (TVL) თვალსაზრისით Solana-ს ეკოსისტემა მხოლოდ Ethereum-ს ჩამორჩება, თუმცა მნიშვნელოვანი სხვაობით: 11 მლრდ აშშ დოლარი 84.8 მილიარდის წინააღმდეგ. 

ტოპ 5 უდიდესი დეცენტრალიზებული ფინანსური ეკოსისტემა. წყარო: DeFi Llama. 

დეცენტრალიზებული ბირჟა Uniswap მნიშვნელოვნად აღემატება კონკურენტ პროტოკოლებს: 

ტოპ 5 უმსხვილესი DEX. წყარო: DeFi Llama. 

აღსანიშნავია მის მთავარ კონკურენტ PancakeSwap-ის უპირატესობა. ყოველთვიური საკომისიოს შემოსავლის თვალსაზრისით წამყვანი DEX ლიდერობს 213 მლნ აშშ დოლარით 63 მლნ აშშ დოლარის წინააღმდეგ. 

შეგახსენებთ, რომ სექტემბერში Uniswap-ის დეველოპერებმა წარმოადგინეს The Compact v1, ინსტრუმენტი, რომელიც შექმნილია ქროსჩეინ-ფრაგმენტაციის პრობლემის გადასაჭრელად. 

https://tinyurl.com/vjrrwcvu 

[Magdalena]

5 ფაქტორი, რომლებმაც შეიძლება გავლენა მოახდინონ Bitcoin-ის ფასზე წლის ბოლომდე 

 

მიუხედავად იმისა, რომ თვე ჯერ არ დასრულებულა, 2025 წლის ოქტომბერი ბოლო ექვსი წლის განმავლობაში ყველაზე წითელ თვედ ითვლება. Bitcoin, როგორც წესი, თავდაჯერებულად გადის მეოთხე კვარტალს, მაგრამ მისი მაჩვენებლები ტრეიდერების შფოთვას იწვევს. 

დაძაბული მაკროეკონომიკური სიტუაცია და დონალდ ტრამპის პერიოდული განცხადებები ფინანსურ ბაზრებზე, მათ შორის კრიპტოვალუტაზე, არეულობას იწვევს. ექსპერტები გვირჩევენ, ყურადღება მივაქციოთ ხუთ ფაქტორს, რომლებმაც შეიძლება მომავალში სიტუაციის დესტაბილიზაცია გამოიწვიოს. 

ტრამპის განცხადებები, როგორც Bitcoin-ის ცვალებადობის მიზეზი. აშშ-ის პრეზიდენტ დონალდ ტრამპის მოულოდნელი განცხადებები 2025 წელს Bitcoin-ის ბაზარზე რყევების მთავარ წყაროდ იქცა - Truth Social-ზე ერთ პოსტსაც კი შეუძლია ფასების ვარდნა, ლიკვიდაციების გამოწვევა და აღმავლობაც კი. აშშ-ის Bitcoin-ის სტრატეგიული რეზერვის შექმნის შესახებ მისმა დაპირებებმა, ერთი მხრივ, ოპტიმიზმი გამოიწვია, მაგრამ მისი არაპროგნოზირებადი სატარიფო მუქარა და პოლიტიკის მკვეთრი ცვლილებები პირველ კრიპტოვალუტას უკიდურესად სარისკო აქტივად აქცევს. 

ფასების დონეები და ტექნიკური გარღვევები: 103000-106000 აშშ დოლარიანი ზონა, სადაც ძლიერი მხარდაჭერა ჩამოყალიბდა, მჭიდროდ უნდა იყოს მონიტორინგის ქვეშ. თუ Bitcoin-ის ფასი 103 ათას აშშ დოლარზე დაბლა დაეშვება, შეიძლება ველოდოთ 100 ათასამდე ან კიდევ უფრო დაბალ ნიშნულამდე ვარდნას. თუმცა, თუ BTC 123 ათას აშშ დოლარიანი წინააღმდეგობის გადალახვას შეძლებს, 148 ათას აშშ დოლარამდე გარღვევა არ არის გამორიცხული. ამასობაში, ღია ინტერესის ზრდა იმაზე მიუთითებს, რომ ბაზრის რყევა ჯერ არ დასრულებულა. 

მონეტარული და ფისკალური პოლიტიკა: ლიკვიდურობის ნაკადებმა, საპროცენტო განაკვეთების შემცირებამ და ფისკალურმა ფეიერვერკმა შესაძლოა წლის ბოლოს Bitcoin-ს დადებითი იმპულსი მისცეს. ანალიტიკოსები თვლიან, რომ მარტივი ფულის პოლიტიკამ შესაძლოა ახალი ზრდა გამოიწვიოს, თუმცა საბანკო პანიკამ ან ინფლაციის ზრდამ შესაძლოა გააფუჭოს ვითარება. 

2025 წელს ოქროს ფასი 45%-ით გაიზარდა, BTC-ის 30%-თან შედარებით. S&P 500 ტანდემში მოძრაობას აგრძელებს და გადაკვეთის სიგნალები დაკვირვების ქვეშაა. კვირას, 19 ოქტომბერს, CME Fedwatch-ის ინსტრუმენტმა აჩვენა 29 ოქტომბერს მეოთხედი პუნქტით კლების 99%-იანი ალბათობა. Kalshi-ს Polymarket-ის პროგნოზირებული ბაზრები მსგავს შეხედულებებს ასახავს. 

Bitcoin ETF-ები წელს პირველი კრიტოვალუტის ფასის მთავარი მამოძრავებელი ძალა გახდა, შემოდინება და გადინება უკვე განსაზღვრავს BTC-ის ფასის მიმართულებას. ახალ საფონდო ბირჟაზე მოვაჭრე ფონდებს (ETF), როგორიცაა XRP-ის ან Solana-ს ფონდები, შეუძლიათ დადებითი გავლენა მოახდინონ კრიპტო ბაზარზე. 

რადგან კორპორატიული სახაზინო ობლიგაციები აგრძელებენ BTC-ის (ETH ან SOL წილით) დაგროვებას და Bitcoin-ის მიწოდება მცირდება, Bitcoin-ის ბაზარზე ზრდის ტენდენცია გაძლიერდება. 

მაინინგისა და ჰეშრეიტის დინამიკა: ამ თვეში ჰეშრეითმა ყველა დროის მაქსიმუმს, დაახლოებით 1.157 EH/s-ს მიაღწია, რაც იმაზე მიუთითებს, რომ მაინერები ბიზნეს საქმიანობას არ წყვეტენ მოგების ზღვრის შემცირების მიუხედავად. თუმცა, სირთულის ზრდასა და ჰეშრეითის ფასის 47 აშშ დოლარზე დაბლა დაცემასთან ერთად მცირე კომპანიებმა შესაძლოა ზეწოლა იგრძნონ. 

ჰეშრეითის ნებისმიერმა მკვეთრმა ვარდნამ შეიძლება გამოიწვიოს ე.წ. მაინერების კაპიტულაცია, რაც ისტორიულად ქმნის პრიორიტეტული დაგროვების ზონებს გრძელვადიანი ინვესტორებისთვის. თუმცა, მაღალი ჰეშრეითი იმაზე მიუთითებს, რომ მაინერები დიდ ფსონს დებენ ზრდის შემდეგ ეტაპზე, რომელიც ძალიან ახლოსაა. 

https://tinyurl.com/4pxj7t4e 

[Magdalena]

ბაზარზე Bitcoin-ის ლიკვიდურობამ ექვსწლიან მინიმუმს მიაღწია 

Bitcoin-ის ხელმისაწვდომი შეთავაზება დაახლოებით 3.12 მილიონ BTC-მდე შემცირდა, რაც 2018 წლის შემდეგ ექვსი წლის განმავლობაში ყველაზე დაბალი მაჩვენებელია. 

ამავდროულად, მსხვილმა ინვესტორებმა ბოლო 30 დღის განმავლობაში დაახლოებით 373.700 BTC დააგროვეს. ვარდნის დროს ყიდვის ზრდა მიუთითებს იმაზე, რომ ბაზარი ჯერ კიდევ დაგროვების ფაზაშია. ბევრი „ვეშაპი“ ჯერ კიდევ ემზადება პოტენციური გარღვევისთვის მიმდინარე წელს. 

CryptoQuant-ის მონაცემებით მარაგების ლიკვიდურობის კოეფიციენტი 8.3 თვემდე დაეცა. ეს იმაზე მიუთითებს, რომ შესყიდვების ამჟამინდელი ტემპით მიმდინარე ლიკვიდურობა ცხრა თვეზე ნაკლებ ხანს გაგრძელდება. ეს სტრუქტურა ხშირად მნიშვნელოვან ზრდას წინ უსწრებს, როდესაც დეფიციტი იგრძნობა. 

ანალიტიკოსები ვარაუდობენ, რომ ლიკვიდურობის შემცირებისა და გრძელვადიანი მოთხოვნის ზრდის კომბინაცია წლის ბოლომდე ზრდის ტენდენციას შექმნის. თუ ეს დაგროვება გაგრძელდება და აშშ-ის BTC ETF-ებში შემოდინება გაიზრდება, ფლაგმანური კრიპტოაქტივის ფასმა შესაძლოა მეოთხე კვარტალში 115 ათას დოლარს გადააჭარბოს. Bitcoin-ის ფასი ბოლო 30 დღის განმავლობაში 3%-ზე მეტით შემცირდა. ეს 12%-ით ნაკლებია მის ყველა დროის მაქსიმალურ 126 ათას აშშ დოლარზე, რომელიც 2025 წლის 7 ოქტომბერს დაფიქსირდა. 

სტატიის დაწერის მომენტისთვის Bitcoin 110.468 აშშ დოლარით იყიდებოა. ბოლო 24 საათის განმავლობაში მისი ღირებულება 0.005%-ით შემცირდა. 

https://tinyurl.com/3ryuzhvr