ზოგადი კრიპტო სიახლეები

[Magdalena]

დასახელდა Ethereum-ში მისამართების რაოდენობის რეკორდული ზრდის მიზეზი  

 

ახალი მისამართების ზრდის ერთ-ერთი მიზეზი იყო განახლება Ethereum Fusaka, რომელიც დეკემბრის დასაწყისში განხორციელდა. Santiment-ის ექსპერტებმა აღნიშნეს, რომ განახლებამ გააუმჯობესა ბლოკჩეინის დამუშავება და შეამცირა მონაცემების მეორე დონის ქსელებიდან Ethereum-ში გაგზავნის ღირებულება. შედეგად შემცირდა ტრანზაქციის ხარჯები და გამარტივდა ქსელთან ურთიერთქმედება. 

Ethereum-ის სარგებლიანობის დემონსტრირების კიდევ ერთი მნიშვნელოვანი ფაქტორი იყო Stablecoin-ების რეკორდული აქტივობა. 2025 წლის ბოლო კვარტალში Ethereum-მა დაამუშავა თითქმის 8 ტრლნ აშშ დოლარის ღირებულების Stablecoin-ების ტრანზაქციები. ეს ნიშნავს, რომ ქსელი აქტიურად გამოიყენება გადახდებისა და ანგარიშსწორებისთვის. Ethereum კვლავ მიმზიდველია ახალი მომხმარებლებისთვის, რომლებიც ქმნიან მისამართებს Stablecoin-ების და სხვა ტოკენების გასაგზავნად, მისაღებად ან შესანახად, განმარტეს Santiment-ის წარმომადგენლებმა. 

Santiment-მა აღნიშნა, რომ ახალი მომხმარებლების მხრიდან Ethereum-ის მიმართ განსაკუთრებული ინტერესი დეკემბერსა და იანვარში გამოიკვეთა, მიუხედავად იმისა, რომ მისი ფასი დაახლოებით 3200 აშშ დოლარის დონეზე დარჩა სტაბილური. ბლოკჩეინის ანალიტიკოსების განმარტებით მომხმარებლები ქსელში ახალ მისამართებს არეგისტრირებენ დეცენტრალიზებული ფინანსების (DeFi), არაგაცვლადი ტოკენების (NFT) და ბლოკჩეინზე დაფუძნებული თამაშების შესასწავლად. 

მათ ასევე ახსენეს ტრეიდერების განწყობის სეზონური ცვლილებები - ახალი წლის მოახლოებასთან ერთად მომხმარებლები იწყებენ თავიანთი საინვესტიციო სტრატეგიების გადახედვას. დეკემბრის შუა რიცხვებში ტრეიდერების განწყობა უარყოფითიდან ნეიტრალურ-პოზიტიურისკენ შეიცვალა. Santiment-ის ანალიტიკოსების თქმით, ეს ფაქტი Ethereum-ზე საცალო მომხმარებლების რეგისტრაციის ზრდის კიდევ ერთი მიზეზია. 

Ethereum-ის თანადამფუძნებელმა ვიტალიკ ბუტერინმა ცოტა ხნის წინ ისაუბრა იმ პირობებზე, რომელთა არსებობის შემთხვევაშიც მისი ბლოკჩეინი შეიძლება სრულიად უსაფრთხო გახდეს. მან დეველოპერებს მოუწოდა, დაუყოვნებლივ ეძიონ კვანტური საფრთხეების შემცირების გზები. 

https://tinyurl.com/aeypn8je 

[Magdalena]

კრიპტო თაღლითობა 2025 წელს: ხელოვნური ინტელექტი, დიპფეიქები და 17 მლრდ აშშ დოლარის ზარალი 

 

Chainalysis-ის ანალიტიკოსების შეფასებით მომხმარებლები 2025 წლისთვის კრიპტო თაღლითობის გამო 17 მლრდ აშშ დოლარამდე თანხა დაკარგეს. მთავარი პრობლემა კი აღარ არის ჰაკერული შეტევები, არამედ კარგად დაგეგმილი მოტყუება. 

13 იანვარს გამოქვეყნებული კრიპტო დანაშაულის ანგარიშის თანახმად თავდამსხმელები სულ უფრო ხშირად იყენებენ პირადობის გაყალბებას და ხელოვნურ ინტელექტს. ეს მეთოდები თანდათან ცვლის ტრადიციულ კიბერშეტევებს და თანხების მოპარვის მთავარ მეთოდად იქცევა. 

 

წყარო: Chainalуsys 

ერთ-ერთი აღსანიშნავი შემთხვევა დიდ ბრიტანეთში მოხდა. 2025 წელს მამაკაცმა Bitcoin-ში თითქმის 2.5 მილიონი დოლარი დაკარგა. პოლიციის თქმით, თაღლითებმა ისარგებლეს ზეწოლით, შიშითა და პანიკით, გამოიყენეს სოციალური ინჟინერიის დახვეწილი ტექნიკა, რომელსაც გამოცდილი კრიპტო მფლობელების მოტყუებაც კი შეუძლია. 

ბრიტანული ხელისუფლების ცნობით, 2020 წლიდან 2023 წლის ბოლომდე საინვესტიციო თაღლითობის მსხვერპლი თითქმის 100 ათასი ადამიანი გახდა. მთლიანმა ზარალმა კვირაში დაახლოებით 13 მილიონი ფუნტი სტერლინგი შეადგინა და ეს მხოლოდ ოფიციალურად რეგისტრირებული შემთხვევებია. სამართალდამცავი ორგანოები მიიჩნევენ, რომ ფაქტობრივი ზარალი მნიშვნელოვნად მაღალია. 

Chainalysis ხაზს უსვამს, რომ ასეთი ისტორიები აღარ არის იშვიათი. ყალბი პირადობის მოწმობებთან დაკავშირებული თაღლითობა წლიურად 1400%-ით გაიზარდა. ამავდროულად, ქურდობის საშუალო მაჩვენებელიც გაიზარდა: დამნაშავეებმა მასობრივი ფოსტით გაგზავნა შეწყვიტეს და უფრო მცირე, მაგრამ უფრო „მაღალი ღირებულების“ მსხვერპლთა ბაზაზე არიან ორიენტირებულნი. 

ანალიტიკოსები ასევე ხაზს უსვამენ ხელოვნურ ინტელექტზე დაფუძნებულ სქემებს, რომლებიც ტრადიციულ თაღლითობებთან შედარებით 4.5-ჯერ მეტ შემოსავალს გამოიმუშავებენ. დიპფეიქები და ავტომატიზაცია შესაძლებელს ხდის ყალბი დამხმარე აგენტების, „ოფიციალური შეტყობინებების“ და ყალბი დამოწმებული პირების სწრაფად შექმნას. 

ანალიტიკოსებმა ასევე დაადგინეს მჭიდრო კავშირები აღმოსავლეთ და სამხრეთ-აღმოსავლეთ აზიის კრიმინალურ ქსელებთან, განსაკუთრებით კამბოჯაში, მიანმარსა და სხვა რეგიონებში იძულებითი შრომის ცენტრების მეშვეობით, სადაც ადამიანებით ვაჭრობის მსხვერპლნი იძულებით თაღლითობაში არიან ჩართულნი. 

https://tinyurl.com/266usyxf 

[Magdalena]

კრიპტო ბარათებით განხორციელებული ტრანზაქციების დღიური მოცულობა 22-ჯერ გაიზარდა 

2026 წლის იანვრის შუა რიცხვებში კრიპტო გადახდის ბარათებით დღეში დაახლოებით 60 ათასი ტრანზაქცია ხორცდებოდა, რაც 22-ჯერ მეტია 2024 წლის დეკემბერთან შედარებით. ეს სწრაფი ზრდა მიუთითებს იმაზე, რომ სულ უფრო მეტი ადამიანი ირჩევს ციფრული აქტივების გამოყენებას ყოველდღიური შესყიდვებისა და მომსახურებისთვის. 

ეს მოსახერხებელია, რადგან კრიპტო ბარათებით გადახდისას ციფრული აქტივები მყისიერად კონვერტირდება ფიატ ვალუტად. ბირჟების გამოყენების, აქტივების ლიკვიდაციის, გატანის შეფერხებების ატანისა და შემდეგ ბანკების მეშვეობით თანხების გადარიცხვის ნაცვლად ინვესტორებმა უფრო სწრაფი მეთოდები იპოვეს. უფრო მეტიც, მსხვილი საგადახდო კომპანიები Visa და Mastercard უკვე ახდენენ კრიპტოვალუტების ინტეგრირებას თავიანთ სისტემებში. 

2024 წლის ბოლოდან დამუშავებულია 7.3 მილიონზე მეტი ტრანზაქცია, რომლის ღირებულება 804 მლნ აშშ დოლარს აჭარბებს. კრიპტო ბარათების მომხმარებელთა რაოდენობა 150 ათასამდე გაიზარდა. 

Solana მათი ყველაზე პოპულარული აქტივი გახდა. ამ Altcoin-ზე დაფუძნებული კრიპტო ბარათები 20 ათასზე მეტმა ადამიანმა გამოიყენა. მათ დაამუშავეს თითქმის 385 ათასი ტრანზაქცია, რომელთა ჯამური ღირებულება 40 მლნ აშშ დოლარს აჭარბებს. 

კრიპტო ბარათების მომსახურე კომპანიებს შორის ლიდერია Etherfi, რომლის წილი მთლიანი მოცულობის დაახლოებით 50%-ს შეადგენს. მის კონკურენტებს შორის არიან Gnosis, MetaMask, Tria, Holyheld და Ready. 

https://tinyurl.com/45u4s2by