ზოგადი კრიპტო სიახლეები

[Magdalena]

Ledger-მა წარადგინა Nano მოწყობილობების და აპლიკაცია Wallet-ის ახალი თაობა 

 

ღონისძიება Op3n-ზე Ledger-მა წარმოადგინა უსაფრთხოების პროდუქტების ახალი ხაზი, მათ შორის მოწყობილობა ახალი Ledger Nano Gen5, განახლებული აპლიკაცია Ledger Wallet (ყოფილი Ledger Live) და განახლებული პლატფორმა Enterprise Multisig კორპორატიული მომხმარებლებისთვის. 

ეს ახალი პროდუქტები ასახავს კომპანიის პროდუქტების ევოლუციას აპარატურული კრიპტო საცავიდან მსოფლიოს ციფრული აქტივების დასაცავად შექმნილ ინსტრუმენტებამდე. 

Ledger-ის აპარატურულ საფულეებს ამიერიდან Ledger Signers დაერქმევა. კომპანია აცხადებს, რომ ეს ცვლილება ასახავს მის მზარდ როლს ციფრული იდენტობის დაცვაში სულ უფრო მეტად ხელოვნური ინტელექტით მართულ გარემოში. 

Nano Gen5, Ledger-ის პოპულარული მოწყობილობების სერიის უახლესი თაობა, შექმნილია აქტივების, იდენტობების, სმარტ კონტრაქტებისა და პროტოკოლების დასაცავად. 

საფულეს აქვს ინტეგრირებული Bluetooth და NFC კავშირი, E Ink სენსორული ეკრანი, Clear Signing, ტრანზაქციის შემოწმება და Ledger Recovery Key (ფიზიკური „სათადარიგო გასაღები“ კრიპტო საფულეების ერთი შეხებით აღსადგენად). 

Ledger Nano სერია ყველაზე წარმატებული ციფრული აქტივების დაცვის მოწყობილობაა - მილიონობით გაყიდული და არც ერთი გატეხილი, განაცხადა Ledger-ის თავმჯდომარემ და აღმასრულებელმა დირექტორმა პასკალ გოტიემ. 

სრულიად ახალი Ledger Nano შექმნილია დღევანდელი და მომავლის გამოწვევების მოსაგვარებლად. 

Ledger-მა ასევე წარმოადგინა ახალი აპლიკაცია Ledger Wallet, რომელიც ადრე ცნობილი იყო როგორც Ledger Live. გუნდის თქმით იგი შექმნილია, როგორც „ინტუიციური ცენტრი თქვენი ციფრული აქტივების სამართავად“. 

ყიდვის, გაყიდვისა და გცვლის ფუნქციების გარდა აპლიკაცია მხარს უჭერს პირდაპირ კავშირს დეცენტრალიზებულ აპლიკაციებთან, როგორიცაა 1inch და აერთიანებს Noah-ის „Cash-To-Stablecoin“ ფუნქციას, რაც მომხმარებლებს საშუალებას აძლევს დამატებითი საკომისიოს გარეშე გადააკონვერტირონ ფიატ ვალუტები USDC-ში. 

ინსტიტუციური მომხმარებლებისთვის, მათ შორის ბანკებისთვის, მეურვეებისთვის, მთავრობებისთვის, ფონდებისა და კრიპტო კომპანიებისთვის კომპანიამ წარმოადგინა Ledger Enterprise Multisig, რომელიც შექმნილია ხაზინის მართვის, სმარტ კონტრაქტების მართვისა და მრავალჯაჭვიანი ტრანზაქციების უსაფრთხოების გასაძლიერებლად. 

გუნდის თქმით, ყველა ტრანზაქციას Ledger-ის მოწყობილობაზე აქვს „მკაფიო ნიშანი“ (Clear Sign), რაც უზრუნველყოფს შემოწმებად დადასტურებას - წარმოადგენს „ერთ, სანდო სიმართლის წერტილს“ და ამავდროულად ინარჩუნებს ოპერაციულ ეფექტურობას. 

ახალი აპარატული და პროგრამული უზრუნველყოფა გამოცდილია Ledger-ის შიდა უსაფრთხოების გუნდის, Donjon-ის და გარე ექსპერტების მიერ. Nano Gen5-ის შეკვეთა უკვე შესაძლებელია 179 აშშ დოლარად. 

https://tinyurl.com/599v6fdr 

[Magdalena]

კრიპტო ბაზრის კაპიტალიზაცია გაიზარდა 

საბაზრო კაპიტალიზაციის მიხედვით წამყვანი კრიპტოვალუტის ფასი 24 საათში 3.05%-ით გაიზარდა და 115325 აშშ დოლარს მიაღწია, ხოლო სიდიდით მეორე კრიპტოვალუტის ფასი 4.3%-ით გაიზარდა 4179 აშშ დოლარამდე. Bitcoin-მა მომენტალურად აანაზღაურა 10 ოქტომბრის კრახის შედეგად მიყენებული ზარალის თითქმის ნახევარი, როდესაც ფასი 103 ათას აშშ დოლარამდე დაეცა. 

აშშ-სა და ჩინეთს შორის შესაძლო სავაჭრო შეთანხმებისა და „სატარიფო ომის“ დასრულების ფონზე კრიპტო ბაზრის „შიშისა და სიხარბის ინდექსი“ წითელი ზონიდან გავიდა და ნეიტრალურ ნიშნულამდე, 42%-მდე გაიზარდა. ეს შეიძლება ინვესტორების მხრიდან ფრთხილ ოპტიმიზმზე მიუთითებდეს. 

აშშ-ის ფედერალური სარეზერვო სისტემის მიერ განაკვეთის კიდევ 25 საბაზისო პუნქტით შემცირების მოლოდინი შესაძლოა კრიპტო ბაზრის ზრდის დამატებითი მამოძრავებელი ძალა ყოფილიყო. FedWatch-ი ასეთი სცენარის ალბათობას 98-99.6%-ით აფასებს. 

საერთო ზრდის ფონზე Binance-ის ტოკენი BNB 2.71%-ით გაიზარდა და 1155 აშშ დოლარს მიაღწია. Solana-ს (SOL) ფასი 3.29%-ით გაიზარდა და 200 აშშ დოლარს მიაღწია, რითაც ამ თვეში პირველად გადალახა 200 აშშ დოლარიანი საკვანძო დონე. XRP-ის ღირებულება 2.62 აშშ დოლარამდე დაეცა ნოემბერში მოსალოდნელი ტოკენის განბლოკვისა და მოსალოდნელი კრიპტო ETF-ების მიმართ ენთუზიაზმის ნაკლებობის ფონზე. 

მანამდე BlackRock-ის ციფრული აქტივების ხელმძღვანელმა Robert Mitchnick-მა განაცხადა, რომ 10 ოქტომბერს Bitcoin-ის ფასის ვარდნა და პოზიციების მასობრივი ლიკვიდაცია ტრეიდერებისთვის უნდა იყოს შეხსენება კრიპტო ბაზარზე სპეკულაციური ვაჭრობის მაღალი რისკებისა და Altcoin-ების უმეტესობის უსარგებლობის შესახებ. 

https://tinyurl.com/5b6rz3xd 

[Magdalena]

ამოქმედდა SEC-ის მიერ დამტკიცებული პირველი Solana ETF: Bitwise-ის BSOL-მა დაიწყო ვაჭრობა ნიუ-იორკის საფონდო ბირჟაზე 

ნიუ-იორკის საფონდო ბირჟამ (NYSE) აშშ-ში Solana-ს პირველი საფონდო ბირჟაზე მოვაჭრე ფონდი - Bitwise Solana Staking ETF (ტიკერი: BSOL) გამოუშვა. Bitwise Asset Management-ის მიერ შემუშავებული პროდუქტი ინვესტორებს SOL-ის სპოტ ტოკენებზე სრულ წვდომას აძლევს და სტეიკინგსაც მოიცავს. 

Solana-ს პოლიტიკის ინსტიტუტის პრეზიდენტმა კრისტინ სმიტმა აღნიშნა, რომ BSOL-ის გაშვება ადასტურებს Solana-ს მნიშვნელოვან როლს ციფრულ ეკონომიკაში: 

„გლობალური ფინანსური სისტემა აღდგენილია და Solana ამ პროცესის ცენტრშია. ინვესტორებს ახლა გამჭვირვალე და რეგულირებადი წვდომა აქვთ“. 

ამ ახალი ფონდების გაშვება ბაზრისთვის მოულოდნელი აღმოჩნდა: აშშ-ის ხელისუფლების მუშაობის შეჩერების ფონზე SEC-ი აგრძელებს განაცხადების განხილვას შეზღუდული რაოდენობის პირების მუშაობის პირობებში. BSOL არის Solana-ს პირველი სპოტ ფონდი, რომელიც გაშვებულია Bitcoin-ისა და Ethereum-ის ETF-ების 2024 წელს დამტკიცების შემდეგ. ინვესტორებს ახლა შეუძლიათ მიიღონ შემოსავლის წყარო აქტივის პირდაპირი ფლობის გარეშე. 

Canary Capital-მა ასევე დაადასტურა Litecoin-ისა და HBAR ETF-ების Nasdaq-ზე გაშვება, ხოლო Grayscale Solana Trust ვაჭრობის დაწყებას გეგმავს. ამგვარად, Solana ოფიციალურად შეუერთდა აშშ-ის მსხვილ ბირჟებზე რეგულირებადი ფონდების მეშვეობით ხელმისაწვდომი აქტივების რიგებს. 

ექსპერტები აღნიშნავენ, რომ SEC-ის მუშაობის ნაწილობრივი შეჩერების დროს რამდენიმე კრიპტოვალუტის ETF-ის გაშვება შესაძლებელი გახდა ლისტინგის განახლებული წესების წყალობით, რომლებიც ემიტენტებს საშუალებას აძლევს გამოუშვან პროდუქტები სააგენტოს ცალკეული თანხმობის გარეშე. 

https://tinyurl.com/36umyffr 

[Magdalena]

Bitcoin-ის სპოტ ბაზარმაა რეკორდული ზრდა აჩვენა - CryptoQuant 

 

10-11 ოქტომბერს კრიპტოვალუტის ფასის ვარდნის შემდეგ სპოტური პოზიციების მიმართ ინტერესი კვლავ გაიზარდა, რამაც როგორც საცალო, ასევე ინსტიტუციონალური ინვესტორების აქტივობა გამოიწვია, რაც აქტივზე მოთხოვნას უჭერს მხარს. CryptoQuant-ის ექსპერტების აზრით სპოტ ვაჭრობისკენ გადასვლა უფრო ჯანსაღი საბაზრო სტრუქტურის გაჩენაზე მიუთითებს. 

„სპოტური კრიპტოვალუტის ტრანზაქციებით მართული ბაზარი, როგორც წესი, ნაკლებად მგრძნობიარეა უკიდურესი ცვალებადობის მიმართ“, - მიიჩნევენ ექსპერტები. 

მათი თქმით, სპოტ ბაზარზე აქტივობის ზრდა, როგორც წესი, წინ უსწრებს ფასების მდგრადი ზრდის ტენდენციას. ამჟამად ეს ტენდენცია ხელსაყრელ ფონს ქმნის Bitcoin-ისა და სხვა ძირითადი ციფრული აქტივების ზრდაზე შესაძლო გადასვლისთვის, მიაჩნიათ ანალიტიკოსებს. 

დადებითი სიგნალების მიუხედავად კრიპტო ბაზარი კვლავ მგრძნობიარეა მაკროეკონომიკური ფაქტორებისა და ძირითადი მოთამაშეების განწყობის მიმართ. CryptoQuant-ის ექსპერტების პროგნოზით Bitcoin-ის ფასს, სავარაუდოდ, მომდევნო კვირები განსაზღვრავს წლის დარჩენილი პერიოდისთვის. 

მანამდე CryptoQuant-მა განაცხადა, რომ უმსხვილეს კრიპტო ბირჟა Binance-ზე სპოტური კრიპტოვალუტით ვაჭრობის მოცულობამ კიდევ ერთხელ გადააჭარბა სხვა პლატფორმების კომბინირებულ მოცულობას, რაც შეიძლება ბაზრისთვის დადებით სიგნალად ჩაითვალოს. 

https://tinyurl.com/3hftsrwy 

[Magdalena]

BNB Chain დანერგავს x402 ტრანზაქციებს 

Quack AI-ის გუნდმა წარმოადგინა x402 BNB — „ხელმოწერების, გადახდების და მართვის ერთიანი ფენა BNB Chain-ზე აგენტებზე დაფუძნებულ ეკონომიკაში“. 

გადაწყვეტილება რამდენიმე ნაბიჯს ერთი ხელმოწერით ჩაანაცვლებს: დადასტურება → გადარიცხვა → გადახდა. 

„BNB Chain-ს ლიკვიდურობა არ აკლია; მას მისი გადაადგილების ერთიანი გზა არ გააჩნია. ტოკენების უმეტესობა კვლავ დამოკიდებულია მოძველებულ ნაკადებზე, რაც ქმნის შეფერხებას და ზღუდავს მასშტაბირებას“, - განაცხადეს დეველოპერებმა. 

x402 BNB „ამ პრობლემას პროტოკოლის დონეზე აგვარებს“ „ერთი დაწკაპუნებით,  თავისუფალი ტრანზაქციების უზრუნველყოფით, რომელთა დადასტურება, შემოწმება და მართვა შესაძლებელია“. 

გადაწყვეტილების ძირითადი მახასიათებლები: 

• • მომხმარებელი ერთხელ აწერს ხელს, საკომისიო პარალელურად მუშავდება; 

• • შესაძლებელია საკომისიოს გადახდა; 

• • მხარდაჭერილია პაკეტური გადარიცხვები, ანგარიშის გაყოფა და აგენტის ავტომატური გადახდები. 

ტექნიკური რეალიზაცია: 

x402 BNB დაფუძნებულია ორ სტანდარტზე, რომლებიც „უზრუნველყოფენ პროცესის სტრუქტურას და უსაფრთხოებას“: 

• EIP-7702 Delegated Execution - მომხმარებელს საშუალებას აძლევს, მიიღოს ერთჯერადი ნებართვა ტრანზაქციის შესასრულებლად მისი სახელით; 

• EIP-712 Witness Signatures - განსაზღვრავს გადარიცხვის ბუნებას: ტოკენი, თანხა, მიმღები, მოქმედების ვადა. 

შუამავალი აერთიანებს ორ ხელმოწერას ერთ ტრანზაქციად და ასპონსორებს საკომისიოს BNB-ში. ეს ქმნის 0x04 ტიპის ტრანზაქციას, რომელიც სრულდება პირდაპირ მომხმარებლის ანგარიშზე დამატებითი დადასტურებების ან ამომხტარი ფანჯრების გარეშე. 

x402 BNB-ის მუშაობის სქემა. წყარო: Quack AI. 

ეს გადაწყვეტილება საშუალებას აძლევს დეველოპერებს დააჯგუფონ მრავალი გადახდა, გაუგზავნონ თანხები რამდენიმე მიმღებს და ერთდროულად გადაიხადონ მრავალი ტოკენით - ყველაფერი ეს ერთი ხელმოწერილი მონაცემთა პაკეტის ფარგლებში. 

გადაწყვეტილება შესაძ₾ებელია გამოყენებულ იქნება შემდეგ შემთხვევებში: 

• • აგენტის ავტომატური გადახდები; 

• • ჯილდოს პროგრამები მრავალი მიმღებით; 

• • გამოწერის განახლება და მომსახურების გადახდები; 

• • სახაზინოან DAO თანხების გაყოფა. 

„წარმოიდგინეთ აგენტები, რომლებსაც შეუძლიათ სერვისების ავტომატურად განახლება, DAO კენჭისყრის ჩატარება, ხაზინის მართვა დადგენილი ლიმიტების ფარგლებში ან გადახდების განაწილება გამჭვირვალე პოლიტიკის შესაბამისად“, - ნათქვამია დეველოპერების ბლოგში. 

შეგახსენებთ, რომ მაისში Coinbase-მა წარმოადგინა x402 ონლაინ გადახდის ინსტრუმენტი, რომელიც განკუთვნილია Stablecoin-ების სტანდარტული ინტერნეტ პროტოკოლების მეშვეობით გადატანისთვის და ხელოვნური ინტელექტის აგენტებს საშუალებას აძლევს, განახორციელონ ავტონომიური ტრანზაქციები. 

ოქტომბერში ხსენებული გადაწყვეტილების ქსელში ონჩეინ-აქტივობა ათჯერზე მეტად გაიზარდა. 

https://tinyurl.com/3tw4usks 

 

[Magdalena]

Bitcoin ოქტომბრის შეჯამებით მინუსში აღმოჩნდა 2018 წლის შემდეგ პირველად 

Bitcoin-მა ოქტომბერი 2018 წლის შემდეგ პირველად დაასრულა მინუსით, რითაც შვიდწლიანი მოგების სერია დაარღვია, რომელიც კრიპტო ტრეიდერების მიერ „იღბლიან“ თვეშია მიჩნეული. მსოფლიოში უდიდესი კრიპტოვალუტის ფასი ოქტომბერში დაახლოებით 5%-ით შემცირდა. 

ფოტოს წყარო: AI 

ციფრული აქტივი ბოლო რამდენიმე კვირის განმავლობაში ბაზრის ზოგადი არეულობასა და ინვესტორების მხრიდან სარისკო ვაჭრობისადმი მადის შემცირების ფონზე სირთულეებს განიცდიდა. Bitcoin-ის ფასის ვარდნის მთავარი მიზეზი აშშ-ის პრეზიდენტ დონალდ ტრამპის მიერ ჩინურ საქონელზე ტარიფების გაზრდისა და კრიტიკულად მნიშვნელოვანი პროგრამული უზრუნველყოფის ექსპორტის კონტროლის შესაძლო შემოღების შესახებ განცხადება იყო. ამან კრიპტო ბაზარზე ისტორიაში ყველაზე დიდი გაყიდვა გამოიწვია, რადგან ინვესტორები სარისკო აქტივების გაყიდვას ცდილობდნენ. 

შედეგად, 10-11 ოქტომბერს Bitcoin-ის ფასმა მინიმალურ 104.782 აშშ დოლარს მიაღწია მიუხედავად იმისა, რომ რამდენიმე დღით ადრე ახალი რეკორდი დამყარდა და ღირებულებამ 126 ათას აშშ დოლარს გადააჭარბა. შეშფოთებული ინვესტორები გაურკვევლობაში არიან გლობალური მონეტარული პოლიტიკის მიმართულებასთან დაკავშირებით უახლოეს მომავალში, რადგან აშშ-ის ფედერალურმა სარეზერვო სისტემამ არ დაადასტურა ბაზრის მოლოდინები საპროცენტო განაკვეთების შემდგომ შემცირებასთან დაკავშირებით მიმინარე წელს. 

ოქტომბერში Bitcoin-ის ფასის ვარდნის მიუხედავად წლის დასაწყისიდან კრიპტოვალუტის ფასი საერთო ჯამში 16%-ზე მეტით გაიზარდა. კრიპტო ბაზარს მხარს უჭერდა აშშ-ის პრეზიდენტის დადებითი დამოკიდებულება ციფრული აქტივების მიმართ. ამან ასევე გამოიწვია კრიპტო პლატფორმებთან დაკავშირებული რამდენიმე სარჩელის გაუქმება და მარეგულირებლების მიერ ამ სეგმენტისთვის სპეციალიზებული რეგულაციების შექმნისკენ გადასვლა. 

https://tinyurl.com/k4uctv6x 

[Magdalena]

Bitcoin-ის ფასი ივნისის შემდეგ პირველად ჩამოვიდა 100 ათას აშშ დოლარზე ქვემოთ 

Bitcoin-მა ზაფხულის „ყველა მოგება დაკარგა“ - მისი ფასი 6.5%-ით შემცირდა 99.963 აშშ დოლარამდე, რაც ივნისის შემდეგ პირველად ფსიქოლოგიურად მნიშვნელოვან 100 ათას აშშ დოლარზე ნაკლებია. სხვა კრიპტოვალუტებმაც მნიშვნელოვანი კლება განიცადეს. წერის მომენტისთვის ფასი ოდნავ აღდგა და 100.678 აშშ დოლარს მიაღწია. 

ფოტოს წყარო: Pixabay 

Bitcoin-ის ფასი ერთი თვის წინ მიღწეულ ყველა დროის მაქსიმუმთან შედარებით 20%-ზე მეტით დაეცა. Ethereum-ის ფასი 9.6%-ით შემცირდა და რამდენიმე Altcoin-მაც მსგავსი კლება განიცადა, შედეგად წელს ბევრი ნაკლებად ლიკვიდური და უფრო მოკრძალებულად მოვაჭრე ტოკენის ზარალმა 50%-ზე მეტს მიაღწია. საერთო ჯამში, კრიპტოვალუტის ბაზარზე მიმდინარე ტენდენცია შეესაბამება საფონდო ბირჟაზე არსებულ განწყობას, სადაც აქციების ფასებიც ეცემა. 

გარდამტეხი მომენტი ოქტომბრის შუა რიცხვებში დადგა, როდესაც ბაზარს ლიკვიდაციების ტალღა მოაწვა - რეკორდული 19 მლრდ აშშ დოლარის ღია გრძელვადიანი პოზიციები სულ რაღაც ერთ დღეში გაქრა. მას შემდეგ სავაჭრო აქტივობა მკვეთრად შემცირდა: ფიუჩერსების მიმართ ინტერესი მინიმალური რჩება და ხელსაყრელი დაფინანსების პირობებიც კი არ უწყობს ხელს ინვესტორების ბაზარზე დაბრუნებას. Bitcoin-ის ღირებულებამ წლის დასაწყისიდან 10%-ზე ნაკლები მოიმატა და კვლავ ჩამორჩება საფონდო ინდექსებს. 

„Bitcoin-ის ივნისის მინიმუმამდე დაცემა ასახავს ოქტომბრის ლიკვიდაციების ტალღის შემდეგ არსებულ ფსიქოლოგიურ ზეწოლას, რამაც შეცვალა ბაზრის ქცევა“, - განაცხადა Ergonia-ს კვლევის დირექტორმა კრის ნიუჰაუსმა. 

მოძრაობის მასშტაბის მიუხედავად გაყიდვები განსაკუთრებული პანიკის გარეშე მიმდინარეობს: ბოლო 24 საათის განმავლობაში, როგორც გრძელი, ასევე მოკლევადიანი პოზიციების ლიკვიდაციამ 1 მლრდ აშშ დოლარი შეადგინა, რაც მნიშვნელოვნად ნაკლებია ოქტომბრის რეკორდულ მაჩვენებელთან შედარებით. ამასობაში, ძირითადი მოთამაშეები აქტიურად იზღვევენ თავს შემდგომი კლებისგან. 

Bitcoin-ის ფასის ვარდნა ტექნოლოგიურ სექტორში კორექციას ემთხვევა: Palantir-ის, Nvidia-სა და ხელოვნური ინტელექტის სხვა ლიდერების აქციების ღირებულებაც მკვეთრად დაეცა ბოლო დღეებში მათი გადაფასების შესახებ შეშფოთების ფონზე. კრიპტოვალუტები კვლავ მოძრაობენ საფონდო ბირჟის განწყობასთან შესაბამისობაში. 

დამატებით ზეწოლას ქმნის კრიპტოვალუტის საფონდო ბირჟებიდან ინვესტიციების გადინება: როგორც სპოტ Bitcoin ETF-ებზე, ასევე Ethereum-ზე დაფუძნებულ ფონდებში ბოლო თვის განმავლობაში წმინდა გადინება დაფიქსირდა და ამ ინსტრუმენტების მიმართ ინტერესი ზაფხულის აჟიოტაჟის შემდეგ შესამჩნევად შემცირდა. 

ექსპერტები აღნიშნავენ, რომ ბაზარი ამჟამად უფრო მეტად ორიენტირებულია მოკლევადიან ვაჭრობასა და რისკის შემცირებაზე, ვიდრე გრძელვადიან ფსონებზე. ინვესტორები ყურადღებით დააკვირდებიან ბაზრის პირობებს და, სავარაუდოდ, შეეცდებიან წამყვანი კრიპტოვალუტის ფასის ფსიქოლოგიურ 100 ათას აშშ დოლარის ნიშნულთან სიახლოვეს შენარჩუნებას. 

https://tinyurl.com/mwb4t5j2 

 

[Magdalena]

არტურ ჰეისმა შეაფასა Bitcoin-ის უახლოესი პერსპექტივები 

 

ანტრეპრენერის თქმით, სამთავრობო ვალი სულ უფრო მეტად მოითხოვს მეტ დოლარს და ფედერალურ სარეზერვო სისტემას მოუწევს ეროვნული ვალუტის კიდევ უფრო მეტი ბეჭდვა, რაც ბაზარზე დოლარის ლიკვიდურობის ზრდას გამოიწვევს. 

„ისინი, ვინც თავიანთ ტოკენებზე უარს იტყვიან, ამას ინანებენ. ეს არ არის პიკი, არამედ ლიკვიდურობის ახალი ტალღის წინ შესვენებაა. მაგრამ სანამ აშშ-ის მთავრობა დახურულია, ლიკვიდურობა იწურება, ამიტომ ბაზარი „მკვდარივით“ გამოიყურება. ბევრი ტრეიდერი შეცდომით ყურადღებას ამახვილებს ოთხწლიან მოძველებულ ციკლებზე, ამიტომ ისინი ნაადრევად გაყიდიან BTC-ს“, - აღნიშნა ჰეისმა. 

ფინანსურ სისტემაში ლიკვიდურობის დეფიციტის კომპენსირება მოხდება ალტერნატიული მექანიზმებით და არა კლასიკური რაოდენობრივი შემსუბუქებით. ინვესტორი მიიჩნევს, რომ მარეგულირებლის ქმედებები დოლარის მიწოდების გაფართოებას გამოიწვევს და, შედეგად, Bitcoin-ისთვის შემდგომი ზრდის პირობებს შექმნის. 

მოკლევადიან პერსპექტივაში ინვესტორებმა სიფრთხილე უნდა გამოიჩინონ, რადგან აქციებისა და კრიპტოვალუტის ბაზრები შესაძლოა არასტაბილური დარჩეს აშშ-ის მთავრობის დახურვის დასრულებამდე, განაცხადა ბიზნესმენმა. 

მანამდე არტურ ჰეისმა ეჭვქვეშ დააყენა ოთხწლიანი ციკლების გავლენა Bitcoin-ის ფასებზე და წამყვანი კრიპტოვალუტის ზრდა მაკროეკონომიკურ ფაქტორებს დაუკავშირა. 

https://tinyurl.com/h4vcf746 

[Magdalena]

JPMorgan-მა შეადგინა Bitcoin-ის პროგნოზი მომდევნო თვეებისთვის 

საბანკო ექსპერტების აზრით, Bitcoin-ის ფასის მკვეთრი ვარდნა 10-11 ოქტომბერს და 4-5 ნოემბერს დერივატივების ბაზარზე არსებული „არაჯანსაღი და არასტაბილური ფონით“ იყო გამოწვეული. 

„წამყვანი კრიპტოვალუტა ოქროზე 1.8-ჯერ მეტ სარისკო კაპიტალს შთანთქავს, რაც იმას ნიშნავს, რომ მისი საბაზრო კაპიტალიზაცია უფრო მაღალი უნდა იყოს. ეს მიმდინარე 2 ტრლნ აშშ დოლართან შედარებით 60-70%-იან ზრდას გულისხმობს. საბაზრო კაპიტალიზაციის ეს დონე 170 ათას აშშ დოლარამდე ზრდას გულისხმობს“, - განმარტეს JPMorgan-ის ექსპერტებმა. 

ბანკი მიიჩნევს, რომ ოქროს ცვალებადობა შესაძლოა უახლოეს მომავალში გაიზარდოს, რაც პირველ კრიპტოვალუტას კიდევ უფრო მიმზიდველ აქტივად აქცევს ჰეჯ-ფონდების მმართველებისთვის. 

ანალიტიკოსების აზრით აშშ-ის ფედერალური სარეზერვო სისტემის რაოდენობრივი შემსუბუქების პროგრამის (აქტივების სახელმწიფო ხარჯებით შეძენა) ნოემბერში დასრულება არ გამოიწვევს აქციებისა და კრიპტო ბაზრების ცვალებადობის ზრდას აშშ-ის საბანკო ინდუსტრიაში შეზღუდული ლიკვიდურობის გამო. 

ადრე JPMorgan Chase & Co.-ს აღმასრულებელმა დირექტორმა ჯეიმი დაიმონმა განაცხადა, რომ შეწყვეტდა პირველი კრიპტოვალუტის საჯარო კრიტიკას. 

https://tinyurl.com/mr3rx8af 

[Magdalena]

Mastercard, Gemini და Ripple RLUSD ბარათის მეშვეობით Stablecoin-ების გადახდებს გამოცდიან 

 

გადახდების გიგანტი Mastercard, Gemini-სა და Ripple-თან პარტნიორობით გამოცდის ბარათით გადახდებს RLUSD Stablecoin-ის გამოყენებით XRP Ledger-ი (XRPL) განაწილებულ რეესტრში. ამის შესახებ კომპანიების წარმომადგენლებმა განაცხადეს. 

Gemini-ს საკრედიტო ბარათის ემიტენტი WebBank ასევე მონაწილეობს ინიციატივაში. განხორციელების შემდეგ ეს იქნება ერთ-ერთი პირველი შემთხვევა, როდესაც რეგულირებადი აშშ ბანკი ტრადიციულ ბარათით გადახდებს დაამუშავებს Stablecoin-ის გამოყენებით საჯარო ბლოკჩეინზე. 

კრიპტო პლატფორმები ცდილობენ გაზარდონ ტრანზაქციებიდან მიღებული შემოსავალი და ყოველდღიური შესყიდვებისთვის განკუთვნილი ბარათებით ახალი მომხმარებლები მიიზიდონ. Gemini უკვე გვთავაზობს XRP-ზე დაფუძნებულ საკრედიტო ბარათს, რომელიც WebBank-მა გამოუშვა. კომპანიამ ასევე ადრე გამოუშვა ბარათის Solana-ს ვერსია, რომელიც SOL ტოკენებში 4%-მდე ქეშბექით სარგებლობის საშუალებას იძლევა. 

„Gemini-ს საკრედიტო ბარათით ჩვენ ვაუმჯობესებთ ციფრული აქტივების ყოველდღიურ ხარჯებში ინტეგრირების წესს“, - განაცხადა Gemini-ს ფინანსურმა დირექტორმა დენ ჩენმა. 

XRPL არის ღია კოდის ბლოკჩეინი, რომელიც გამოიყენება გადახდის შესაძლებლობების გასაუმჯობესებლად. Ripple მისი მთავარი დეველოპერია. 

„Bloomberg“-ის ცნობით, ძმები უინკლუოსების ხელმძღვანელობით ბირჟა ასევე ემზადება პროგნოზირების ბაზრების გასაშვებად. კომპანია აპირებს პროდუქციის „რაც შეიძლება მალე“ გამოშვებას. 

ამ მიზნით Gemini-მ შესაძლოა საკუთარი დერივატივების ბირჟა გამოიყენოს. მაისში მან შესაბამისი ლიცენზიის მისაღებად აშშ-ის სასაქონლო ფიუჩერსული ვაჭრობის კომისიას (CFTC) მიმართა, თუმცა გადაწყვეტილება ჯერ არ არის მიღებული. 

ეს ნაბიჯი პლატფორმას პირდაპირ კონკურენციაში აყენებს ისეთ კომპანიებთან, როგორებიც არიან Kalshi და Polymarket. Coinbase, აშშ-ის უდიდესი კრიპტო ბირჟა, ასევე გეგმავს ამ სივრცეში ოპერაციების გაფართოებას. ტრადიციული ბირჟები, მათ შორის Intercontinental Exchange, აგრეთვე იჩენენ ინტერესს პროგნოზირების ბაზრების მიმართ. 

პროგნოზირების ბაზრები კვლავ მნიშვნელოვან მარეგულირებელ გაურკვევლობას განიცდიან. მიუხედავად იმისა, რომ CFTC-მ ზოგიერთ პლატფორმას ფუნქციონირების გაგრძელების ნებართვა მისცა, ცალკეული შტატების მარეგულირებლები ამას სასამართლოში აპროტესტებენ. მარეგულირებლისგან ახალი ლიცენზიის მიღების პროცესს შეიძლება თვეები ან წლები დასჭირდეს. 

შეგახსენებთ, რომ 5 ნოემბერს Ripple-მა გამოაცხადა, რომ მან ძირითადი ინსტიტუციური მონაწილეებისგან სტრატეგიული ინვესტიციების სახით 500 მლნ აშშ დოლარი მოიზიდა, რის შედეგად კომპანია 40 მლრდ აშშ დოლარად იქნა შეფასებული. 

https://tinyurl.com/yckaa967 

[Magdalena]

კავშირშია თუ არა ვალუტის კურსის რყევები და კრიპტოვალუტებზე მოთხოვნა? 

არსებობს თუ არა კორელაცია ვალუტის ბაზრებზე მაღალ ცვალებადობასა და კრიპტოვალუტებზე მზარდ მოთხოვნას შორის, რაც იმაზე მიუთითებს, რომ ციფრული აქტივები ინვესტორებისთვის უსაფრთხო თავშესაფრად აღიქმება? 

ეს არის კითხვა, რომელიც Morgan Stanley-ის ანალიტიკოსებმა მომხმარებლებისთვის ამ კვირის დასაწყისში გაგზავნილ წერილში დასვეს. 

მათი თქმით, კვლევა განპირობებული იყო იმ ახალი შეხედულებით, რომ კრიპტოვალუტებს შეუძლიათ იმოქმედონ, როგორც „ღირებულების საცავმა“ ან უსაფრთხო თავშესაფარმა ინფლაციური ზეწოლისგან, ხელისუფლების ხარჯებისა და „სხვა მაკროეკონომიკური ან გეოპოლიტიკური რისკებისგან, რომლებმაც პოტენციურად შეიძლება გააუფასურონ“ ფიატური ვალუტები დროთა განმავლობაში. 

ამ იდეის შესამოწმებლად ანალიტიკოსებმა, მათ შორის ჯეიმს ლორდმა და საიმონ უივერმა, შეისწავლეს, შეინიშნა თუ არა კრიპტოვალუტაზე მოთხოვნის ისტორიული მაქსიმუმები „მაღალი მაკროეკონომიკური გაურკვევლობისა და ფინანსური სტრესის“ პერიოდებში. 

მათ თავიანთი კვლევა ვალუტის ბაზრის არეულობასა და ციფრული ტოკენების მიმართ ინვესტორების ინტერესს შორის შესაძლო კავშირზე გაამახვილეს. 

განსაკუთრებული ყურადღება დაეთმო კრიპტოვალუტის გამოყენების მგრძნობელობას ვალუტის რყევების მიმართ განვითარებად ბაზრებზე, „რადგან ზოგადად ითვლება, რომ ამ რეგიონებში უფრო მეტი სტიმული აქვთ, მიმართონ ციფრულ აქტივებს“, რათა დაიცვან თავი თავიანთ ქვეყნებში არსებული ეკონომიკური გაურკვევლობისგან. 

Apple-ის App Store-სა და Google Play-ში აპლიკაციების აქტივობის მონაცემების გამოყენებით, როგორც განვითარებულ, ასევე განვითარებად ბაზრებზე, ასევე 81 ქვეყანაში 20 ყველაზე პოპულარული კრიპტოვალუტის საფულისა და გაცვლითი აპლიკაციის მომხმარებელთა ყოველთვიური აქტივობის ტენდენციების მიხედვით ანალიტიკოსებმა დაადგინეს, რომ მათ კითხვაზე პასუხი მათი ვარაუდის საპირისპირო იყო. 

„ჩვენ ვპოულობთ მეტ მტკიცებულებას, რომ კრიპტოვალუტებზე მოთხოვნა მცირდება, როდესაც სავალუტო ბაზრებზე ცვალებადობა იზრდება, რაც იმაზე მიუთითებს, რომ ეს აქტივების კლასი უფრო რისკის შემცველ აქტივად განიხილება, ვიდრე შიდა მაკროეკონომიკური ცვალებადობისგან დაცვის საშუალებად“, - დაწერეს მათ. 

თუმცა, მათ აღნიშნეს, რომ მათი კვლევა მიუთითებს „სტრუქტურულ განსხვავებებზე“ ქვეყნებს შორის, რაც იმას ნიშნავს, რომ „კრიპტოვალუტის მოთხოვნის მგრძნობელობა გაცვლითი კურსის რყევების მიმართ, სავარაუდოდ, ერთგვაროვანი არ იქნება“ და აღნიშნეს, რომ ეს მოითხოვს „უფრო ღრმა შესწავლას იმისა, ფუნქციონირებს თუ არა კრიპტოვალუტა, როგორც უსაფრთხო აქტივისკენ გადასვლის საშუალება, თუ როგორც რისკის ინდიკატორი სხვადასხვა მონეტარულ და პოლიტიკურ კონტექსტში“. 

https://tinyurl.com/32mr6szb 

[Magdalena]

Coinbase აამოქმედებს ლისტინგამდე ტოკენების გასაყიდ პლატფორმას  

 

Coinbase Global-მა გამოაცხადა ახალი პლატფორმის გაშვების გეგმების შესახებ, რომელიც საცალო ინვესტორებს საშუალებას მისცემს შეიძინონ ციფრული ტოკენები კრიპტო ბირჟაზე მათ ლისტინგამდე. სიახლემ კომპანიის აქციების ფასის დილის ვაჭრობაში 4%-ით გაზრდა განაპირობა. 

პლატფორმა თვეში ტოკენების დაახლოებით ერთ გაყიდვას განახორციელებს, ინვესტორებს შორის ტოკენების განაწილების დასადგენად ალგორითმის გამოყენებით. მონაწილეებს ერთკვირიანი ფანჯარა ექნებათ შესყიდვის შეკვეთების წარსადგენად. 

„დღეს ბაზარზე შემოსული ტოკენების ემიტენტები სირთულეებს აწყდებიან თავიანთი ტოკენების რეალურ მომხმარებლებზე განაწილებისას და ამავდროულად, ბირჟებზე ღრმა ლიკვიდურობის შექმნისას. Coinbase ამას ცვლის“, - განაცხადა კრიპტო ბირჟამ თავის ბლოგში. 

Coinbase-ის თანახმად, ეს გაშვება აშშ-ის მომხმარებლებს 2018 წლის შემდეგ პირველად მისცემს ფართო შესაძლებლობას, მონაწილეობა მიიღონ ტოკენების საჯარო გაყიდვებში. 

2017 წლის კრიპტოვალუტების ბუმის დროს თანხების მოზიდვის პოპულარული მეთოდი იყო კრიპტოვალუტის საწყისი შეთავაზება (ICO), მაგრამ მათი პოპულარობა შემცირდა მას შემდეგ, რაც მარეგულირებლებმა შეშფოთება გამოთქვეს ინვესტორების დაცვასა და ინფორმაციის გამჟღავნებასთან დაკავშირებით. 

Coinbase გეგმავს ტოკენების გაყიდვის პლატფორმის გაუმჯობესებას მომდევნო თვეებში ისეთი ფუნქციების დამატებით, როგორიცაა ლიმიტირებული შეკვეთები და ემიტენტების სამიზნე მომხმარებელთა ბაზებზე განაწილების გაზრდა. 

Wall Street Journal-ის ცნობით, რომელმაც პირველად გაავრცელა ინფორმაცია პლატფორმის გაშვების შესახებ, ინვესტორები ტოკენებს შეიძენენ USD Coin-ის გამოყენებით, რომელიც დოლარზე მიბმული Stablecoin-ია და გამოშვებულია Circle Internet Group-ის მიერ. 

ბლოკჩეინ სტარტაპი Monad იქნება პირველი პროექტი, რომელიც მომავალ კვირას თავის ტოკენს პლატფორმის მეშვეობით შესთავაზებს საზოგადოებას. 

ეს გაფართოება ხდება საცალო და ინსტიტუციური ინვესტორების მზარდი ინტერესის ფონზე, რამაც ხელი შეუწყო ციფრული აქტივებით ვაჭრობის ზრდას და სექტორის დამკვიდრებული მონაწილეები აიძულა გააფართოვონ თავიანთი მომსახურება მრავალტრილიონიან ბაზარზე შესასვლელად. 

https://tinyurl.com/3t33ua4n 

 

[Magdalena]

Coinbase-ის ანალიტიკოსებმა კრიპტო ბაზრის გადატვირთვის შესახებ განაცხადეს 

ბირჟის ექსპერტების აზრით ფუნდამენტური მაჩვენებლები სტაბილური რჩება და კორპორატიული მონაწილეები თანდათანობით ბრუნდებიან ბაზარზე. Coinbase-ის წარმომადგენლების თქმით მსხვილი მოთამაშეები კონცენტრირებულნი არიან შემოსავლიანობის პროტოკოლებზე, რაც შესაძლოა მიანიშნებდეს მათ ბაზრიდან გასვლის სურვილზე და სარისკო აქტივებზე შერჩევით დაბრუნებაზეც კი. 

მომდევნო სამიდან ექვს თვემდე პერიოდში წამყვანი კრიპტოვალუტის ფასი, სავარაუდოდ, 90000-დან 160000 აშშ დოლარამდე დიაპაზონში შენარჩუნდება, „ზომიერი ზრდის ტენდენციით“. Coinbase-ის ანალიტიკოსებმა კრიპტო ბაზრის მხარდამჭერი დამატებითი ფაქტორები გამოავლინეს: აშშ-ში სესხების დაბალი განაკვეთები, ლიკვიდურობის გაუმჯობესებული პირობები და ახალი მარეგულირებელი მიდგომები. ექსპერტების აზრით, ამ ფაქტორებმა შეიძლება ხელი შეუწყოს ზრდის ციკლის განახლებას ერთ წელიწადში. 

„კრიპტოვალუტების ბაზარზე არსებული შიშის მიუხედავად ჩვენ გვჯერა, რომ ოქტომბრის ლიკვიდაციების ტალღა უფრო საშუალო და გრძელვადიანი ზრდის წინაპირობა იყო, ვიდრე შესუსტების. ეს გზას უხსნის მეოთხე კვარტალში შესაძლო აღმავლობას“, - განაცხადეს Coinbase-ის ანალიტიკოსებმა. 

ბაზრის სრულ სტაბილიზაციას ორიდან სამ თვემდე დასჭირდება. ანალიტიკოსების დასკვნით, თანდათანობითი აღდგენა მოსალოდნელია მომდევნო რამდენიმე კვირაში, მაგრამ არა „Bitcoin-ისა და სხვა წამყვანი კრიპტოვალუტების სწრაფი ზრდა ახალ მაქსიმუმებამდე“. 

ადრე საინვესტიციო ფონდ CMCC Crest-ის თანადამფუძნებელმა კრიპტოანალიტიკოსმა ვილი ვუმ განაცხადა, რომ Bitcoin-ის ფასი შესაძლოა მომდევნო ორ კვირაში გაიზარდოს. მიზეზი კრიპტო ბაზარზე ლიკვიდურობის შემოდინების ზრდა იქნება. 

https://tinyurl.com/y2wsd85j 

[Magdalena]

Coinbase ხუთი ტოკენის დელისტინგს განახორციელებს 

 

ბირჟის მმართველმა გუნდმა ეს გადაწყვეტილება ბოლო დროს მომხმარებლების გამოხმაურების საფუძველზე მიიღო. ტოკენები 26 ნოემბერს მოიხსნება ბირჟიდან და ამოღებული იქნება Coinbase Exchange-ისა და Coinbase Prime პლატფორმებიდან. 

პლატფორმებიდან ტოკენების ამოღება, როგორც წესი, უარყოფითად მოქმედებს დაზარალებულ კრიპტოაქტივებზე, რადგან ამცირებს მათ ლიკვიდურობას და ხელმისაწვდომობას და აზიანებს მათ რეპუტაციას. ამიტომ, ბირჟის ქმედებებმა გამოიწვია ამ ტოკენების ფასის მნიშვნელოვანი ვარდნა. ყველაზე მეტად დაზარალდა MUSE, რომლის ფასი სიახლიდან ბოლო 24 საათის განმავლობაში 24%-ით შემცირდა. LOKA 13%-ით შემცირდა, ხოლო WCFG - 9%-ით. 

Coinbase ვალდებულია, თავის პლატფორმას ახალი, პერსპექტიული აქტივები დაამატოს. ივლისში კომპანიამ წინასაფონდო ბირჟაზე გასვლის გეგმას BankrCoin (BNKR), Jito Staked SOL (JITOSOL) და Metaplex (MPLX) დაამატა. 

ერთი თვის წინ Coinbase-მა თავის გეგმაში BNB, უმსხვილეს კრიპტო ბირჟა Binance-ის კრიპტოვალუტა შეიტანა. Binance-ის ყოფილმა აღმასრულებელმა დირექტორმა ჩანგპენ ჟაომ ამაში ვერაფერი ცუდი ვერ დაინახა. მან დაწერა, რომ Binance-მა ბოლო წლებში Coinbase-ის ეკოსისტემიდან რამდენიმე პროდუქტი განათავსა. ამიტომ, ჟაომ მოუწოდა კონკურენტ ბირჟას, აქტიურად დაემატებინა BNB Chain-ზე დაფუძნებული პროექტები. 

Coinbase-მა ცოტა ხნის წინ მოუწოდა აშშ-ის ფინანსთა სამინისტროს, არ აეკრძალა ბირჟების მიერ Stablecoin-ების მფლობელებისთვის პროცენტის გადახდა; Coinbase-ის მტკიცებით, პროცენტის გადახდის აკრძალვა მხოლოდ ემიტენტებზე უნდა გავრცელდეს. 

https://tinyurl.com/2ppy2yz5 

[Magdalena]

მოსაზრება: Stablecoin-ები ცვლიან განვითარებად ბაზრებს 

აშშ-ის ფედერალური სარეზერვო სისტემის თავმჯდომარე სტივენ მირანი მიიჩნევს, რომ Stablecoin-ები აძლიერებს დოლარის ჰეგემონიას საერთაშორისო დონეზე და წყვეტს პრობლემას, რომლის მოგვარება ტრადიციული ფინანსური ინსტრუმენტებით შეუძლებელია. 

მისი სიტყვები მკვეთრად ემთხვევა აშშ-ის პრეზიდენტის სიტყვებს, რომელიც ასევე მიიჩნევს, რომ კრიპტოვალუტები აშშ დოლარზე მოთხოვნის ახალ ტალღას იწვევს. 

მირანმა აღიარა, რომ Stablecoin-ები უკვე ზრდის აშშ-ის სახაზინო ობლიგაციებზე საზღვარგარეთ მოთხოვნას, თუმცა აღნიშნა, რომ ამ ტიპის კრიპტოვალუტების ერთ-ერთი უპირატესობა მათი თავისუფალი ვაჭრობაა მსოფლიოს ნებისმიერ წერტილში. 

მირანის თქმით, Stablecoin-ები შესაძლოა ფინანსურად დაუცველი ჯგუფებისთვის გლობალურ საზოგადოებრივ სიკეთეებზე წვდომის უფრო მარტივ გზად იქცეს და თავიდან აიცილონ მათ ფინანსებზე მკაცრი შეზღუდვები, და აღნიშნა, რომ ტრანსფორმაცია ყველაზე თვალსაჩინოა აშშ-ს გარეთ, განვითარებად ბაზრებზე. 

მან ასევე ივარუდა, რომ გლობალური აშშ აქტივების მოთხოვნა მომდევნო რამდენიმე წლის განმავლობაში 1 ტრილიონიდან 3 ტრლნ აშშ დოლარამდე გაიზრდება. 

ამგვარად, მირანი Stablecoin-ებს აშშ დოლარის ფულადი ექსპანსიის და აშშ ვალუტის, როგორც დანაზოგებისა და გადახდის ინსტრუმენტის სტატუსის გაძლიერების ინსტრუმენტად მიიჩნევს. 

ეს შეხედულება ემთხვევა თეთრი სახლის პოზიციას, რომელმაც ეს შემთხვევა იანვარში გამოცემულ აღმასრულებელ ბრძანებაში „ამერიკის ლიდერობის გაძლიერება ციფრულ ფინანსურ ტექნოლოგიებში“ შეიტანა. 

https://tinyurl.com/46tfn3bh 

[Magdalena]

კრიპტო ინვესტორებს შორის ნეგატიური განწყობა ბაზრის შესაძლო ფსკერზე მიუთითებს 

 

სოციალურ ქსელებში განწყობა უკიდურესად ნეგატიური გახდა და „იყიდე ვარდნის შემდეგ“ მენტალიტეტი თანდათან ქრება - კლასიკური ნიშნები, რომლებიც წინ უსწრებს ბაზრის შეცვლას, როგორც ამას Santiment-ის ანალიტიკოსები აღნიშნავენ. 

„ფრთხილად იყავით, როდესაც ხედავთ ფართო კონსენსუსის ჩამოყალიბებას კონკრეტული ფასის ფსკერის ირგვლივ. ნამდვილი ფსკერი ხშირად მაშინ ყალიბდება, როდესაც უმრავლესობა შემდგომ ვარდნას ელის“, - გაფრთხილება გამოთქვეს ექსპერტებმა. 

Bitcoin-ის შესახებ დადებითი და უარყოფითი კომენტარების თანაფარდობამ ბოლო თვის განმავლობაში ყველაზე დაბალ ნიშნულს მიაღწია. მისი ფასის კლების კვალდაკვალ წამყვანი კრიპტოვალუტის „დომინირებამ“ სოციალურ მედიაში 40%-ზე მეტს მიაღწია და „შფოთვითი საუბრების“ მთავარ თემად იქცა. 

წყარო: Santiment.  

მკვლევარების აზრით, ბოლოდროინდელმა კორექტირებამ მნიშვნელოვანი ლიკვიდაციები არ გამოიწვია და მუდმივი კონტრაქტების ღია ინტერესი „ოქტომბრის დონის მხოლოდ მცირე ნაწილს შეადგენდა“. ეს იმაზე მიუთითებს, რომ ბაზარმა ამოწურა ზედმეტად ლევერიჯირებული გრძელი პოზიციების მარაგი, რაც დინამიკის შესაძლო შემობრუნებაზე მიუთითებს. 

მიუხედავად იმისა, რომ Bitcoin-ის 100 ათასი აშშ დოლარის ფსიქოლოგიურ დონეს ქვემოთ დაცემამ შიშის ტალღა გამოიწვია, ზოგიერთმა ინვესტორმა მაინც 90 ათას აშშ დოლარიანი ნიშნული შეაფასა კრიტიკულად. 

Santiment-მა ასევე დაადგინა საფულეების ქცევაში აშკარა განსხვავება. მსხვილი მფლობელები (10-10.000 BTC) სტაბილურად ყიდიან მონეტებს ოქტომბერში ყველა დროის მაქსიმუმის მიღწევის შემდეგ. ამასობაში, მცირე საცალო საფულეები (10 BTC-მდე) კლების პერიოდშიც განაგრძობდნენ დაგროვებას. 

წყარო: Santiment.  

„ფსკერის რეალური სიგნალი, სავარაუდოდ, ამ ტენდენციის შეცვლა იქნება“, - აღნიშნეს ანალიტიკოსებმა. 

ამავდროულად, Bitcoin-ის დიაგრამაზე 30-დღიანი MVRV რვა თვის განმავლობაში პირველად -10%-მდე დაეცა. ეს მიუთითებს, რომ მოკლევადიანი ტრეიდერები დიდ ზარალს განიცდიან. ისტორიულად, ინვესტორების ასეთი მაღალი სტრესი დაბალი რისკის მქონე შესყიდვის ზონებს შეესაბამება. 

Santiment-მა აღნიშნა, რომ ბოლო კვირის განმავლობაში Bitcoin ETF-ებიდან მნიშვნელოვანი გადინება ასევე შეიძლება იყოს Bitcoin-ის სპოტური ფასის დადებითი ნიშანი. 

წყარო: Santiment.  

„მსხვილი თანხების შემოდინება ხშირად ადგილობრივი ფასების პიკს აღნიშნავდა, ხოლო მნიშვნელოვანი გატანა ბაზრის მინიმუმებს ემთხვეოდა, რაც საცალო გამყიდველებს შორის პანიკაზე მიუთითებს“, - ხაზგასმით აღნიშნეს ანალიტიკოსებმა. 

შეგახსენებთ, რომ CryptoQuant-მა კრიპტო ბაზარზე პანიკური გაყიდვების დასრულების შესახებ განაცხადა. მათი მონაცემებით, ბოლო ექვსი თვის განმავლობაში პირველი კრიპტოვალუტის შეძენის მსურველი ინვესტორების დანაკარგები 13%-ს მიუახლოვდა, რაც კაპიტულაციას შეესაბამება. 

https://tinyurl.com/2j94h8ws 

[Magdalena]

Mastercard-მა დადასტურებული მომხმარებლის სახელების გამოყენებით კრიპტო გადარიცხვების დასაწყებად Polygon აირჩია 

Mastercard-მა თავისი CryptoCredential სისტემის განვითარების ახალი ფაზა დაიწყო, რომელიც ციფრული აქტივების გაგზავნის საშუალებას იძლევა დადასტურებულ მომხმარებლის სახელებზე და არა გრძელვადიან საფულეზე. ამ მიზნით კომპანიამ აირჩია Polygon-ის ბლოკჩეინი, რომელიც მაღალ სიჩქარეს და დაბალ საკომისიოებს უზრუნველყოფს. 

Mastercard-ის პრესრელიზის თანახმად გადაწყვეტილება სტანდარტიზაციას უწევს მისამართების ჯაჭვის დადასტურების მექანიზმს და უსაფრთხოების დამატებით დონეს უმატებს საფულეების დაცვას. მომხმარებლებს ახლა შეეძლებათ შექმნან ერთი ფსევდონიმი და მასთან დააკავშირონ თავიანთი მისამართები მრავალ ბლოკჩეინზე. 

კომპანია Mercuryo შეასრულებს KYC შემოწმებებს და მომხმარებლებზე გასცემს გადამოწმებულ ფსევდონიმებს. ეს ფსევდონიმები შეიძლება დაუკავშირდეს რამდენიმე საფულეს და შემდეგ გამოყენებულ იქნას მისამართის რთული სტრიქონების ნაცვლად. 

ტექნოლოგია ასევე მოიცავს სპეციალურ ტოკენს Polygon-ზე, რომელიც ადასტურებს, რომ საფულე მხარს უჭერს გადარიცხვებს CryptoCredential-ის მეშვეობით. ეს დაეხმარება აპლიკაციებს ავტომატურად გადაამისამართონ ტრანზაქციები სწორ ქსელში და დაბლოკონ აქტივების შეუთავსებელ ჯაჭვში გაგზავნის მცდელობები. 

გრძელი კრიპტო მისამართები ხშირად მიდრეკილია შეცდომებისკენ, განსაკუთრებით დამწყებთათვის - ერთი არასწორი სიმბოლოც საკმარისია თანხების დასაკარგად. ახალი სისტემა პროცესს მომხმარებლის სახელის გამოყენებით ჩვეულებრივი ფულადი გზავნილების მსგავსს ხდის. 

Mastercard აღნიშნავს, რომ CryptoCredential-ის გამოყენება ზოგავს დროს და ამცირებს შეცდომების ალბათობას მისამართების კოპირებისა და ჩასმისას. დადასტურებული ავტორიზაციის მქონე მომხმარებლებს შორის ყველა ტრანზაქცია ორჯერ მოწმდება: სისტემა ადასტურებს მიმღების ვინაობას და ქსელის თავსებადობას და შეუსაბამობის შემთხვევაში გასცემს გაფრთხილებას. 

სერვისთან დაკავშირებისთვის აუცილებელია: 

• • შეასრულოთ KYC Mercuryo-ს მეშვეობით; 

• • შექმნათ კრიპტო სერთიფიკატის მომხმარებლის სახელი; 

• • დააკავშიროთ ჯაჭვის მისამართები; 

• • გამოიყენოთ მომხმარებლის სახელი სისტემის დადასტურებულ მონაწილეებს შორის გადარიცხვებისთვის; 

• • სურვილისამებრ, გაუშვათ Soulbound ტოკენი საფულის თავსებადობის დასადასტურებლად. 

Soulbound ტოკენები არ არის გადაცემადი და ემსახურება ციფრული საფულის ID-ს სახით, რაც ადასტურებს, რომ მისამართი მხარს უჭერს დადასტურებულ გადარიცხვებს. 

Polygon იქნება ტრანზაქციების დამუშავების მთავარი ქსელი. Mastercard-ი აცხადებს, რომ ბლოკჩეინს შეუძლია არსებული გადახდის სისტემების მსგავსი ტრანზაქციების ნაკადების დამუშავება, რაც მას მასობრივი გამოყენებისთვის შესაფერისს ხდის. 

Mastercard ასევე იკვლევს Zerohash პლატფორმის 1.5-2 მლრდ ააშშ დოლარად შეძენის შესაძლებლობას, რათა გააძლიეროს თავისი პოზიცია Stablecoin-ების ბაზარზე. Zerohash-ის ინტეგრაცია კომპანიას ფიატური და ციფრული აქტივების გაცვლაზე პირდაპირ კონტროლს მიანიჭებს. Keyrock და Bitso პროგნოზირებენ, რომ Stablecoin-ებით გადახდების ბაზრის მოცულობა 2030 წლისთვის შეიძლება 1 ტრლნ აშშ დოლარამდე გაიზარდოს. 

https://tinyurl.com/85cu5rxf 

[Magdalena]

კრიპტო ბირჟა Coinbase პროგნოზირების საკუთარ პლატფორმას გამოუშვებს 

კრიპტო ბირჟა Coinbase პროგნოზირების ბაზრისთვის განკუთვნილ ვებ-გვერდზე მუშაობს. ეს ინფორმაცია ტექნოლოგიების მკვლევარმა და ბლოგერმა ჯეინ მანჩუნ ვონგმა გამოაქვეყნა, რომელიც ცნობილია მსხვილ ტექნოლოგიურ საიტებზე შემუშავების პროცესში მყოფი ფუნქციების აღმოჩენით. 

მან გააზიარა სკრინშოტები, რომლებსაც თან დაურთო განცხადება, რომ Coinbase „პროგნოზირების ბაზარზე მუშაობს“. 

ერთ-ერთ სკრინშოტში ნათქვამია, რომ პროდუქტი მომხმარებლებს შესთავაზებს Coinbase Financial Markets-ს, ბირჟის დერივატივების განყოფილებას „Kalshi-ს მეშვეობით“, რაც იმაზე მიუთითებს, რომ სერვისი დაფუძნებული იქნება Kalshi-ს მარეგულირებელ ჩარჩოზე. სხვა სურათებზე ნაჩვენებია პროგნოზირების ბაზრის ინტერფეისი, რომელიც, როგორც ჩანს, მომხმარებლებს საშუალებას მისცემს ივაჭრონ USDC-ით ან აშშ დოლარით. კატეგორიებია ეკონომიკა, სპორტი, მეცნიერება, პოლიტიკა და ტექნოლოგიები. 

კომპანიამ ადრე გამოთქვა ინტერესი პროგნოზირების ბაზრების მიმართ, „უნივერსალურ ბირჟად“ გადაქცევის გეგმის ფარგლებში. 13 ნოემბერს Coinbase-მა და Kalshi-მ გამოაცხადეს პარტნიორობის შესახებ, რომელიც ბირჟას საშუალებას მისცემს, იმოქმედოს როგორც Kalshi-ს USDC-ზე დაფუძნებული კონტრაქტების მეურვემ. 

Crypto.com-მა ცოტა ხნის წინ Trump Media-სთან პარტნიორობით გამოუშვა პროგნოზირების ბაზრის პროდუქტი, ხოლო ბირჟა Gemini-იმ გამოაცხადა მსგავსი პლატფორმის შექმნის გეგმების შესახებ, როგორც მისი მომავალი აპლიკაციის ნაწილი. 

კრიპტო კომპანიების მხრიდან ეს ინტერესი გასაკვირი არ არის. პროგნოზირების ბაზრები წელს ერთ-ერთ ყველაზე პოპულარულ კრიპტო შეთავაზებად იქცა, ვაჭრობის მოცულობა გაიზარდა კი ისეთ პლატფორმებზე, როგორებიცაა Kalshi და Polymarket. 

https://tinyurl.com/333462aa 

[Magdalena]

ანალიტიკოსები ფედერალური სარეზერვო სისტემის გამო Bitcoin-ის ფასის 60 ათას აშშ დოლარამდე ვარდნის რისკებს ასახელებენ 

XWIN Research-ის ანალიტიკოსების აზრით, თუ ფედერალური სარეზერვო სისტემა დეკემბერში ძირითად განაკვეთს არ შეამცირებს, ციფრული ოქროს ფასი წლის ბოლომდე შესაძლოა 60000-80000 აშშ დოლარის დიაპაზონამდე შემცირდეს. 

ექსპერტებმა ფედერალური სარეზერვო სისტემის მოახლოებულ შეხვედრას ბოლო წლების ერთ-ერთი ყველაზე გაურკვეველი უწოდეს. მთავრობის ბოლოდროინდელი დახურვის გამო, აშშ-ის ხელისუფლებამ ვერ შეძლო შრომის ბაზრის ანგარიშების გამოქვეყნება, რამაც ფედერალურ სარეზერვო სისტემას გადაწყვეტილების მისაღებად საჭირო მონაცემები წაართვა. ამ ფონზე, განაკვეთის შემცირების მოლოდინები შესუსტდა და თავად ხელისუფლების წარმომადგენელ პირებსაც არ გააჩნიათ ერთიანი აზრი.  

კურსის უცვლელად შენარჩუნება ბაზრებზე დაბალ ლიკვიდურობას და სარისკო აქტივებისმიმართ დაბალ ინტერესს ნიშნავს. მკაცრი მონეტარული პოლიტიკის პერიოდებში ინვესტორები, როგორც წესი, ნაკლებად აქტიურად იყენებენ ბერკეტს. 

მეორე მხრივ, კრიპტო ბირჟებმა დააგროვეს Stablecoin-ების რეკორდული რეზერვები, რაც ჯამში 72 მლრდ აშშ დოლარს შეადგენს. ანალიტიკოსებმა აღნიშნეს, რომ მსგავსი სიტუაცია წინ უძღოდა წამყვანი კრიპტოვალუტის ყველა მნიშვნელოვან ზრდას 2025 წელს. ეს ვითარება მიუთითებს შეკავებულ მოთხოვნაზე. 

ამგვარად, ფასის კლების პოტენციალი შეზღუდულია შესაძენად ხელმისაწვდომი Stablecoin-ების უზარმაზარი მოცულობით. შემდგომ ზრდას ხელს უშლის მაკროეკონომიკური სიტუაცია, რაც ხელს უშლის ამ კაპიტალის ბაზარზე შესვლას, დაასკვნა XWIN Research-მა. 

Ethereum-ს რაც შეეხება, ფასმა 2800 აშშ დოლარის დონის ახლოს მთავარი მხარდაჭერის დონე გამოსცადა. ისტორიულად, ეს დონე ბაზრის ციკლებში ფსკერს წარმოადგენდა, რაც პოტენციურ აღდგენაზე მიანიშნებდა. ეს ანალიტიკოსების თქმით, რეალიზებული ფასი ხშირად მხარდაჭერას წარმოადგენს. 

სტატიის წერის მომენტისთვის სიდიდით მეორე კრიპტოვალუტა დაახლოებით 3 ათას აშშ დოლარად იყიდება. 

 

ETH/USDT-ის 15-წუთიანი გრაფიკი ბირჟა Binance-ზე. წყარო: TradingView. 

შეგახსენებთ, Glassnode-ის ანალიტიკოსებმა განაცხადეს, რომ ბაზრის დაღმავალი ფაზის რისკი წარმოიშობოდა, თუ წამყვანი კრიპტოვალუტის ფასი ძირითად ჯაჭვურ ინდიკატორებზე დაბლა დაეცემა. 

https://tinyurl.com/mwtx2zc8 

[Magdalena]

5 დეკემბერს Coinbase აამოქმედებს Altcoin-ებით ფიუჩერსულ ვაჭრობას 24/7 რეჟიმში 

Coinbase Derivatives, ბირჟა Coinbase-ის ფიუჩერსული განყოფილება, 2025 წლის 5 დეკემბრიდან ძირითად Altcoin-ებზე ფიუჩერსების ახალ ნაკრებს გამოუშვებს. ეს აშშ-ში რეგულირებადი კრიპტოვალუტის დერივატივების ერთ-ერთი უდიდესი გაფართოება იქნება. 

გამოშვების შემდეგ Coinbase Derivatives მომხმარებლებს შესთავაზებს ფიუჩერსების ახალ ნაკრებს Cardano-ზე (ADA), Avalanche-ზე (AVAX), Dogecoin-ზე (DOGE), Shiba Inu-სა (SHIB) და რამდენიმე სხვა Altcoin-ზე. ექსპერტები თვლიან, რომ ეს მნიშვნელოვნად გააფართოვებს Coinbase-ის შესაძლებლობას, შექმნას ინსტიტუციური დონის დერივატივების ინფრასტრუქტურა. 

კომპანიამ განმარტა, რომ ახალი კონტრაქტები იფუნქციონირებს უვადო სვოპების მსგავსად, საპროცენტო განაკვეთის მექანიზმით, რათა შეინარჩუნოს ფასები სპოტ ბაზრის დონეზე. თუმცა, ტრადიციული უვადო სვოპებისგან განსხვავებით ამ პროდუქტებს ექნებათ ხუთწლიანი დაფარვის ვადა, რომელიც აერთიანებს გრძელვადიან ფიუჩერსებს მუდმივი სვოპის სტილის ფასწარმოქმნასთან. 

Coinbase-მა განაცხადა, რომ მომავალი გაშვება მომხმარებლებს ახალი ფიუჩერსებით 24/7 რეჟიმში ვაჭრობის საშუალებას მისცემს, რაც ტრეიდერებს ნებისმიერ დროს მაღალ ლიკვიდურობაზე წვდომას მიანიჭებს. იგი შეესაბამება Coinbase Derivatives-ის ფიუჩერსების არსებულ სტრუქტურას Bitcoin-ზე, Ethereum-ზე, Solana-სა და XRP-ზე, რომელიც წელს გამოვიდა და სწრაფად მოიპოვა პოპულარობა ინსტიტუციონალურ ინვესტორებს შორის. 2025 წლის მარტში Coinbase-მა ასევე დაამატა ADA, როგორც გირაოს აქტივი თავის საერთაშორისო ფიუჩერსების პლატფორმაზე. 

https://tinyurl.com/bdzmspdt 

[Magdalena]

Bitcoin ETF-ებმა ნოემბერში 3.5 მლრდ აშშ დოლარი დაკარგეს - ეს ბოლო ორი წლის განმავლობაში ყველაზე ცუდი თვე იყო 

Bitcoin-ში ინვესტირებადი საფონდო ბირჟაზე მოვაჭრე ფონდები (ETF) კაპიტალის გადინების ყველაზე უარესი თვის დაფიქსირებას გეგმავენ მათი გაშვების შემდეგ. Bloomberg-ის ცნობით, თანხების მასიური გატანა ზეწოლას ახდენს ისედაც დაზარალებულ კრიპტო ბაზარზე. 

ნოემბრის დასაწყისიდან ინვესტორებმა ამერიკული სპოტ Bitcoin ETF-ებიდან 3.5 მლრდ აშშ დოლარი გაიტანეს. ეს მაჩვენებელი თებერვალში დაფიქსირებულ აბსოლუტურ ანტირეკორდს, 3.6 მლრდ აშშ დოლარს, უახლოვდება. 

ბაზრის ლიდერი BlackRock-ის ფონდი IBIT (რომელიც სექტორის აქტივების დაახლოებით 60%-ს აკონტროლებს), ყველაზე მეტად დაზარალდა. ინვესტორებმა ნოემბერში მისგან 2.2 მლრდ აშშ დოლარი გაიტანეს. თუ ტენდენცია მკვეთრად არ შეიცვლება, ფონდი თვეს ყველაზე ცუდი მაჩვენებლით დაასრულებს. 

მასშტაბური გადინება თავად Bitcoin-ის სუსტი მაჩვენებლების ფონზე მოხდა, რომელიც ასევე 2022 წლის კრიპტო ინდუსტრიის კრახის (FTX გაკოტრების) შემდეგ ყველაზე ცუდი ყოველთვიური მაჩვენებლით ხასიათდება. 

„IBIT-დან გადინება ადასტურებს, რომ წლის დასაწყისში დაფიქსირებული ეიფორია სრულიად გაქრა“, - აღნიშნა LVRG Research-ის დირექტორმა ნიკ რაკმა. 

სპოტ ETF-ები კრიპტოინდუსტრიაში განწყობის წამყვან ინდიკატორად იქცა და თვითგანმტკიცების მექანიზმს ქმნის: შემოდინება აჩქარებს ფასების ზრდას, ხოლო გადინება ამწვავებს კლებას. 

„Citi Research“-ის ანალიტიკოსებმა გამოთვალეს ეს კორელაცია: Bitcoin ETF-დან ყოველი 1 მლრდ აშშ დოლარის გატანა კრიპტოვალუტის ფასის დაახლოებით 3.4%-ით ვარდნას იწვევს. Citi-ს წარმომადგენელი ალექს სანდერსი, რომელმაც ადრე ვარაუდობდა, რომ პირველი კრიპტოვალუტის ფასი წლის ბოლომდე ფასი 82 ათას აშშ დოლარამდე დაეცემოდა, აღნიშნავს, რომ ამჟამინდელი მასიური გადინება კიდევ უფრო ღრმა ვარდნის პირობებს ქმნის. 

Bitcoin-ის მდგომარეობა რისკის თავიდან აცილების უფრო ფართო ტენდენციას ასახავს. სარისკო აქტივები - ხელოვნური ინტელექტის აქციებიდან დაწყებული მემ-კოინებით დამთავრებული - პოზიციებს კარგავს. მარტის შემდეგ ყველაზე ცუდი თვისთვის ემზადება ინდექსი S&P 500-იც. 

https://tinyurl.com/3fv536vs 

 

[Magdalena]

Glassnode: Bitcoin-ის ბაზარი ახალ ფაზაში შედის 

ექსპერტების აზრით, მიუხედავად იმისა, რომ საერთო ტენდენცია კლებადია, Bitcoin-ის 80 ათას აშშ დოლარიანი დონის დაცვა მიუთითებს, რომ გამყიდველების მხრიდან ზეწოლა შესუსტდა. 

„გასულ კვირას გადადგმულმა ნაბიჯმა გაამწვავა მიმდინარე ვარდნა, მაგრამ ასევე გადაიტანა აქტივი ზონაში, სადაც მოთხოვნა ისტორიულად გაძლიერებისკენ მიისწრაფვის“, - აღნიშნავენ ანალიტიკოსები. 

მათ ხაზგასმით აღნიშნეს, რომ სპოტური ბაზრის აქტივობა კვლავ შემცირებულია. ეს განპირობებულია ვაჭრობის დაბალი მოცულობით და საფონდო ბირჟაზე ვაჭრობადი ფონდებიდან (ETF) მიმდინარე გადინებით, რაც თავის მხრივ მიუთითებს აგრესიული გაყიდვიდან რისკის შემცირების უფრო მოწესრიგებულ ფაზაზე გადასვლაზე. 

ანალიტიკოსების აზრით, გადარიცხვების მოცულობა, საკომისიოებიდან მიღებული შემოსავალი და რეალიზებული საბაზრო კაპიტალიზაცია შემსუბუქდა. ეს ყველაფერი ბაზრის უფრო მშვიდ პირობებზე მიუთითებს. Bitcoin-ისქცევის ეს ნიმუში დამახასიათებელია გვიანი ეტაპის კორექციებისთვის. 

მიუხედავად იმისა, რომ ინვესტორების შემოსავალი კვლავ ზეწოლის ქვეშ რჩება, კაპიტალის გადინების ზომიერი შემცირება და არასტაბილურობის დარეგულირება მიუთითებს, რომ ბაზარი ფსკერიდან აღდგა, დაასკვნეს ექსპერტებმა. 

მანამდე, ანალიტიკური კომპანია CryptoQuant-ის აღმასრულებელმა დირექტორმა Ki Young Ju-მ განაცხადა, რომ კრიპტო ბაზარზე სიტუაცია მოსალოდნელზე უარესია და Bitcoin-ის ზრდის განახლება მხოლოდ რამდენიმე თვეში იქნება შესაძლებელი. 

https://tinyurl.com/2738dt4p 

[Magdalena]

Solana Spot ETF-ებმა გაშვების დღიდან 568 მლნ აშშ დოლარი მოიზიდეს 

აშშ-ის სპოტ Solana ETF-ებმა ზედიზედ ოცი დღის განმავლობაში დააფიქსირეს წმინდა კაპიტალის შემოდინება. სეგმენტში დადებითი ტენდენცია ოქტომბრის ბოლოს ინსტრუმენტების გამოშვების შემდეგ გაგრძელდა. 

წყარო: SoSoValue 

ფონდებში დღიური შემოდინება 57.99 მლნ აშშ დოლარს შეადგენდა. Bitwise-ის BSOL-მა ლიდერობა დააფიქსირა - 39.47 მლნ აშშ დოლარი მოიზიდა. ეს რეკორდულად მაღალი შედეგია და ყველაზე მაღალი მაჩვენებელი - 3 ნოემბრის შემდეგ. 

BSOL-ის დებიუტის შემდეგ Solana ETF-ში ჯამურმა შემოდინებამ 568.24 მილიონ აშშ დოლარს მიაღწია. ექვსი ფონდი მართავს 843.81 მლნ აშშ დოლარის აქტივებს, რაც SOL-ის საბაზრო კაპიტალიზაციის დაახლოებით 1.09%-ს შეადგენს. 

LVRG-ის კვლევის დირექტორმა ნიკ რაკმა აღნიშნა სექტორის მდგრადობა. ინსტიტუციურმა ინტერესმა ანალიტიკოსების კონსერვატიულ პროგნოზებს გადააჭარბა ბაზრის ვარდნის ფონზე. 

„კაპიტალის მდგრადი შემოდინება ადასტურებს Solana-ს, როგორც „ლურჯი მონეტის“ სიმწიფეს. კვალიფიციური ინვესტორები Bitcoin-ისა და Ethereum-ის მიღმა დივერსიფიკაციას ეძებენ“, - განაცხადა ექსპერტმა. 

რაკმა აღნიშნა, რომ ETF-ის აქტივობა აქტივისთვის ფუნდამენტურ მხარდაჭერას შექმნის და ბაზრის მიწოდებას შეამცირებს. ეს გზას გაუხსნის ფასების აღდგენას, როგორც კი ინდუსტრიაში საერთო სიტუაცია დარეგულირდება. 

BTSE-ის ოპერაციების დირექტორმა ჯეფ მეიმ Solana-ს ქსელში ტრადიციული აქტივების ტოკენიზაციის ტენდენციაზე მიუთითა. თუმცა, მან ხაზი გაუსვა, რომ SOL-ის ფასები კვლავ მჭიდრო კორელაციაშია კრიპტოვალუტების საერთო ბაზართან. ETF-ის გაშვებას დრო დასჭირდება, რომ პირდაპირ გავლენა მოახდინოს ტოკენის ფასზე. 

ამავე დროს, XRP-ზე დაფუძნებულმა სპოტ ფონდებმა 164.04 მლნ აშშ დოლარი მოიზიდეს. 

წყარო: SoSoValue 

ეს სიდიდით მეორე შედეგია 14 ნოემბერს დამყარებული 243 მლნ აშშ დოლარის რეკორდის შემდეგ. Grayscale-მა და Franklin Templeton-მა თითოეულმა 60 მლნ აშშ დოლარზე მეტი მიიღო. 

Grayscale-მა ასევე გამოუშვა პირველი სპოტური Dogecoin ETF NYSE-ზე GDOG ტიკერის ქვეშ. პროდუქტი წარმოადგენს ადრე შექმნილი ტრასტის კონვერტაციას. ვაჭრობის პირველ დღეს ინსტრუმენტმა არ დააფიქსირა წმინდა შემოდინება, მოცულობამ კი 1.41 მლნ აშშ დოლარი შეადგინა. 

წყარო: SoSoValue 

Bloomberg-ის უფროსმა ანალიტიკოსმა Eric Balchunas-მა ივრაუდა, რომ DOGE-ზე დაფუძნებული ფონდის ვაჭრობის მოცულობამ შესაძლოა 11 მლნ აშს დოლარს მიაღწიოს. 

ექსპერტი ასევე ვარაუდობს, რომ Grayscale Chainlink Trust მალე, სავარაუდოდ, მომავალ კვირას დამტკიცდება. 

შეგახსენებთ, რომ Fidelity-ის (FSOL) და Canary Capital-ის (SOLC) Solana-ზე დაფუძნებული სპოტ-ბირჟაზე ვაჭრობა 18 ნოემბერს დაიწყო, NYSE Arca-სა და Nasdaq-ის ბირჟებზე, შესაბამისად. 

https://tinyurl.com/bdcr4avu 

[Magdalena]

Altcoin-ები გარღვევის პირასაა, რადგან BTC-ის დომინირება კრიტიკულ ზღვარს აღწევს 

ტრეიდერ Merlijn The Trader-ის ტექნიკური ანალიზის თანახმად კრიპტოვალუტების ბაზრის ინდიკატორები ავლენენ მსგავს ნიმუშებს, რომლებიც წინ უძღოდა 2017 და 2021 წლების Altcoin-ების ძირითად ზრდას. 

 

ექსპერტის ანალიზი ეფუძნება Bitcoin-ის დომინირებასა და ETH/BTC სავაჭრო წყვილს შორის ურთიერთობას - ორ ინდიკატორს, რომლებიც ისტორიულად მიუთითებდნენ კაპიტალის ნაკადების გასვლაზე Bitcoin-იდან ალტერნატიულ კრიპტოვალუტებში. დიაგრამის მონაცემების თანახმად, ფლაგმანური აქტივის დომინირება მიუახლოვდა დიდი ხნის დიაგონალურ წინააღმდეგობის ხაზს, ხოლო ETH/BTC წყვილი ციკლურ მინიმუმების სიახლოვეს იყიდება. 

ისტორიული ტენდენციები აჩვენებს, რომ 2017 და 2021 წლებში, როდესაც Bitcoin-ის დომინირება მსგავსი წინააღმდეგობის დონეზე შეიცვალა და ETH/BTC-ის ფასმა მხარდაჭერის ზონებში ყველაზე დაბალ წერტილს მიაღწია, ამას მოჰყვა Altcoin-ების მრავალთვიანი ზრდა. ეს შებრუნების წერტილები დიაგრამაზე წითელი წრეებით არის მონიშნული, რომელთაგან თითოეული შეესაბამება Altcoin-ების სეზონების სახელით ცნობილი პერიოდების დასაწყისს. 

ETH/BTC წყვილი ამჟამად ისტორიული მხარდაჭერის ზონაშია. Bitcoin-ის დომინირება, რომელიც იზომება კრიპტო ბაზრის კაპიტალიზაციაში Bitcoin-ის წილით, წინააღმდეგობის დონეებიდან პოტენციური უკან დახევის ნიშნებს აფიქსირებს. 

Altcoin-ების წინა სეზონები, რომლებიც დიაგრამაზე მწვანე ზონებით არის მონიშნული, დაიწყო მაშინ, როდესაც Bitcoin-ის დომინირება შესუსტდა და ETH/BTC წყვილი ჭარბი გაყიდვის ზონიდან გავიდა. კრიპტო ანალიტიკოსის თქმით, ორივე ინდიკატორის ამჟამინდელი პოზიცია წინა გარდამტეხ მომენტებს მოგვაგონებს. 

https://tinyurl.com/2ymxkv39 

[Magdalena]

Bitcoin ზრდის დინამიკით Nasdaq-ის ინდექსს ჩამორჩება - K33 Research 

ექსპერტის თქმით, წამყვანი კრიპტოვალუტა ამჟამად საფონდო ინდექსთან შედარებით ზრდის დინამიკის თვალსაზრისით დაახლოებით 30%-ით სუსტია, ვიდრე ოქტომბრის დასაწყისში იყო. 

„კრიპტოვალუტა მჭიდრო კავშირშია აქციების ფასების მოძრაობასთან, მაგრამ ვარდნის დროს უფრო მკვეთრ ვარდნას და ზრდის პერიოდში უფრო სუსტ აღდგენას აჩვენებს. ეს ტენდენცია ასახავს გაყიდვების მუდმივ ზეწოლას რისკის საწინააღმდეგო ინვესტორთა ზოგად გარემოში.  Bitcoin-ის ამჟამინდელი ფარდობითი ფასი სხვა სარისკო აქტივებთან შედარებით მნიშვნელოვნად განსხვავდება ფუნდამენტური ინდიკატორებისგან“, - განმარტა ლუნდემ. 

მან ხაზი გაუსვა, რომ ბოლო კვირების განმავლობაში მოკლევადიან და გრძელვადიან მფლობელებს შორის განსხვავება გაფართოვდა. მაკროეკონომიკური გაურკვევლობის ფონზე სპეკულაციური კაპიტალი აგრძელებს ბაზრიდან გასვლას, ხოლო მსხვილი ინვესტორები ინარჩუნებენ დაგროვილ Bitcoin-აქტივებს და პანიკის ნიშნებს არ ავლენენ. 

ეს ქმნის სიტუაციას, როდესაც მოკლევადიანი რყევები უფრო მკვეთრი ხდება და ფასების აღდგენა მოსალოდნელზე მნიშვნელოვნად ნელია. ამ დინამიკის შესაცვლელად ბაზარს სჭირდება მკაფიო გარე სიგნალი - ან ლიკვიდურობის მნიშვნელოვანი შემოდინება, ან გაყიდვების ზეწოლის შემცირება. 

მხოლოდ ამის შემდეგ შეძლებს Bitcoin ტექნოლოგიურ აქციებთან კორელაციის შემცირებას და უფრო ძლიერ ტრაექტორიაზე დაბრუნებას, დაასკვნა ექსპერტმა. 

ადრე XWIN Research-ის ექსპერტებმა განაცხადეს, რომ წელს კრიპტოვალუტების ბაზარი Zebra Market-ის ფაზაშია, როდესაც ციფრული აქტივების ფასები მკვეთრი, მონაცვლეობითი აღმავლობითა და დაღმასვლით მოძრაობს, როგორც შავი და თეთრი ზოლები. 

https://tinyurl.com/suxuf9z4