AMD-მ წარადგინა ინტეგრირებული პროცესორები 192 ბირთვით და 500 ვატამდე ენერგომოხმარებით

[Magdalena]

AMD-მ გამოუშვა Turin თაობის ინტეგრირებული პროცესორების სერია EPYC Embedded 9005, რომლებიც დამზადებულია BGA შეფუთვაში. ეს ჩიპები განკუთვნილია სასერვერო სისტემებისთვის, რომლებიც არ საჭიროებენ ცენტრალური პროცესორის შეცვლას ან განახლებას - ეს კომპონენტი დადუღებულია დედა დაფაზე. 

 

ფოტოს წყარო: TechPowerUp / AMD 

ჩვეულებრივი EPYC 9005 სერიის ჩიპების მსგავსად EPYC Embedded 9005 პროცესორებში გამოყენებულია ჩიპლეტური დიზაინი, მაგრამ წარმოდგენილია დამატებითი ფუნქციებით, რომლებიც მორგებულია მათი ფორმ-ფაქტორისა და მიზნობრივი გამოყენების შემთხვევებზე. მაგალითად, მათზე მხარდაჭერილია Non-Transparent Bridge (NTB), რაც მნიშვნელოვანია ორმაგი კონტროლერის მქონე პლატფორმების ფორმირებისთვის. NTB არ იყენებს Infinity Fabric-ს ან თუნდაც CXL-ს, არამედ ჩვეულებრივ PCI-Express 5.0 x16 კავშირს. ის არ არის გამიზნული ქეშის თანმიმდევრულობის უზრუნველსაყოფად, არამედ მეხსიერების სხვადასხვა დომენებში წარუმატებლობის მოგვარებისთვის. 

 

 

EPYC Embedded 9005 სერიაზე ასევე მხარდაჭერილია DRAM dump ფუნქცია, რაც მნიშვნელოვანია ენერგიის დაკარგვისადმი მდგრადობისა და სწრაფი აღდგენისთვის. კვების დაკარგვის გამოვლენის შემთხვევაში პროცესორი დაუყოვნებლივ ასუფთავებს მეხსიერებას NVMe საცავში, სანამ მანქანა გამორთულია. როდესაც სისტემა გადაიტვირთება, BIOS აკოპირებს ამ მეხსიერების ამონაწერს NVMe დისკიდან DRAM-ში. 

 

 

გარდა ამისა, პროცესორების ამ სერიას აქვს ორი SPI ფლეშ მეხსიერების ინტერფეისის მხარდაჭერა, რაც საშუალებას აძლევს სისტემის არქიტექტორებს ჩასვან მსუბუქი ოპერაციული სისტემები პირდაპირ 64მბ SPI ფლეშ ROM-ში, გარდა ძირითადი SPI ფლეშ მეხსიერებისა, რომელიც სისტემურ BIOSში ინახება. ამ მსუბუქ ოპერაციულლ სისტემას შეუძლია იმოქმედოს, როგორც ჩამტვირთავმა ოპერაციული სისტემებისთვის სხვა ლოკალურ სანახ მოწყობილობებზე. 

 

AMD EPYC Embedded 9005 სერია მოიცავს პროცესორებს 8-დან 192 ბირთვამდე, 512 მბ-მდე L3 ქეშით, 160-მდე PCIe 5.0 არხის მხარდაჭერით და 614 გბ/წმ-მდე მეხსიერების სიჩქარით 12 DDR5 არხზე. 

 

სერია მოიცავს ჩიპებს არა მხოლოდ Zen 5 ბირთვით (8-მდე Zen 5 ბირთვი თითო CCD ბლოკზე), არამედ მოდელებს Zen 5c ბირთვით (16-მდე Zen 5c ბირთვი CCD ბლოკზე). ქვემოთ მოცემულ ცხრილში შეგიძლიათ იხილოთ უფრო დეტალური ინფორმაცია ჩიპების მოდელების, მათი ბირთვების რაოდენობის, სიხშირისა და TDP-ის დონეების შესახებ. 

 

აღსანიშნავია, რომ Zen 5c ბირთვის მქონე მოდელებში წარმოდგენილია უფრო მეტი ბირთვი. მაგალითად, ისინი მოიცავს 128-ბირთვიან EPYC Embedded 9745, 160-core EPYC Embedded 9845 და 192-core EPYC Embedded 9965 მოდელებს. ყველაზე მეტბირთვიანი Zen 5 პროცესორია 128-ბირთვიანი მოდელი EPYC Embedded EP59edY. 

https://tinyurl.com/4w7tzcs7