Apple-ს პრობლემები შეექმნა Siri-ში ხელოვნური ინტელექტის ინტეგრირებისას - განახლებული ასისტენტის გამოშვების თარიღმა გადაიწია

[Magdalena]

ონლაინ წყაროების თანახმად Apple არაერთ ტექნიკურ სირთულეს წააწყდა ხმოვან ასისტენტ Siri-ს ხელოვნურ ინტელექტზე დაფუძნებულ ალგორითმებთან ინტეგრირების პროცესში. Bloomberg-ის ჟურნალისტ მარკ გურმანის თქმით Siri-სთან დაკავშირებული AI-ის ბევრი ფუნქცია გამოვა უფრო გვიან, ვიდრე თავდაპირველად იყო დაგეგმილი. 

ფოტოს წყარო: Apple 

გასული წლის ბოლოს მარკ გურმანმა განაცხადა, რომ Apple ავითარებდა ახალ ძირითად ენის მოდელს (LLM), რომელიც გახდებოდა Siri-ს საფუძველი iOS 19-ში. განახლებული ხმოვანი ასისტენტი სავარაუდოდ გააერთიანებდა ამჟამინდელ შესაძლებლობებს და დაემატებოდა ახალი ფუნქციები, ხოლო iOS 19-ის გამოშვებამდე დეველოპერები შეიტანდნენ მთავარ განახლებას Siri-ში, რაც მას OpenAI-ის ChatGPT-ს დაამსგავსებდა. თუმცა გურმანი ახლა აცხადებს, რომ ეს განახლება არ გამოვა ივნისში, როგორც ადრე ვარაუდობდნენ. 

უფრო მეტიც, Apple-ის ხელოვნური ინტელექტის განყოფილებაში ზოგიერთი თვლის, რომ Siri-ის უფრო მოწინავე, სასაუბრო ვერსია შეიძლება არ გახდეს მომხმარებლებისთვის ხელმისაწვდომი iOS 20-ის გამოსვლამდე - და ეს ოპტიმისტური სცენარია. ამავდროულად, iOS 18-ისთვის გამოცხადებული სამი AI-ფუნქციის გაშვება ჯერ კიდევ მოსალოდნელია მაისში iOS 18.5-ის განახლებასთან ერთად. 

Apple-ის შიდა მონაცემებზე დაყრდნობით გურმანი აღნიშნავს, რომ Apple Intelligence-ის რეალური გამოყენების სიხშირე უკიდურესად დაბალია, რაც მიუთითებს მომხმარებლის მცირე ინტერესზე კომპანიის ამჟამინდელი AI შესაძლებლობების მიმართ. ის ასევე აღნიშნავს, რომ iOS 19-ს შეიძლება არ შეეხოს მნიშვნელოვანი გაუმჯობესება ხელოვნური ინტელექტის მხრივ. 

„ყველაფერი რაც მოვისმინე იმაზე მეტყველებს, რომ iOS 19 არ უზრუნველყოფს მომხმარებელზზე ორიენტირებულ მნიშვნელოვან ცვლილებებს Apple Intelligence-ში. ეს იმიტომ ხდება, რომ Apple ჯერ კიდევ ორიენტირებულია გასულ წელს გამოცხადებული ფუნქციების გამოშვებაზე. რთულია მომავალ ფუნქციებზე მუშაობა მანამ, სანამ მომხმარებლებისთვის ხელმისაწვდომი არ გახდება მიმდინარე განახლებები“, - წერს გურმანი. 

მიუხედავად იმისა, რომ ეს მდგომარეობა შეიძლება იმედის გამაცრუებელი ჩანდეს, გასაკვირი არ არის: Apple-ის სირთულეები ხელოვნური ინტელექტის განვითარებასთან დაკავშირებით ადრეც იყო მოხსენებული. თუმცა, თუ გურმანის პროგნოზები სწორია, Apple Intelligence-ის მნიშვნელოვანი განახლებები შეიძლება არ გახდეს ხელმისაწვდომი iOS 20-მდე, რომლის გამოსვლა 2027 წელს არის დაგეგმილი. 

https://tinyurl.com/yc8zbek7