Apple მარტში გამოუშვებს განახლებულ MacBook Air-ს M4 ჩიპით

[Magdalena]

Apple ემზადება გამოუშვას MacBook Air ლეპტოპის განახლებული 13- და 15-დუიმიანი ვერსიები, რომლის აპარატული საფუძველი იქნება საფირმო Apple M4 პროცესორი. Bloomberg-ის ჟურნალისტ მარკ გურმანის ინფორმაციით ახალი პროდუქტების ოფიციალური პრეზენტაცია მიმდინარე წლის მარტში გაიმართება. 

 

ფოტოს წყარო: 9to5Mac 

ხმები Apple-ის განზრახვის შესახებ - გამოუშვას განახლებული MacBook Air M4 ჩიპით, საკმაოდ დიდი ხანია ვრცელდება. ამის შესახებ ნახსენებია macOS 15.2-ის ბეტა ვერსიაშიც, რომელიც დეკემბერში გამოვიდა. მანამდე გურმანმა დაწერა, რომ MacBook Air უფრო ადრე იქნება წარმოდგენილი, ვიდრე Apple-ის სხვა საგაზაფხულო ახალი პროდუქტები, როგორებიცაა iPhone 16e და iPad Air. თუმცა Apple-მა ცოტა ხნის წინ წარმოადგინა iPhone 16e, რომელიც გახდა კომპანიის ყველაზე ხელმისაწვდომი სმარტფონი მიმდინარე თაობაში, MacBook Air კი ჯერ არ წარმოგენილა. 

სიტუაცია შეიძლება მალე შეიცვალოს. გურმანის თქმით, ლეპტოპი გაყიდვაში მარტში გამოვა და მარკეტინგის დეპარტამენტის თანამშრომლები და კომპანიის საცალო ქსელის თანამშრომლები ამ დროისთვის მისი პოპულარიზაციისთვის ემზადებიან. მან ასევე დაამატა, რომ M2 და M3 ჩიპების მქონე MacBook Air-ის მოდელების მარაგი მაღაზიებში ამჟამად დიდწილად ამოწურულია. ეს შეიძლება მიუთითებდეს მოწყობილობის განახლებული ვერსიის გარდაუვალ გამოშვებაზე. 

https://tinyurl.com/2jx44b2d