Magdalena Posted February 17, 2025 Posted February 17, 2025 28 თებერვალს AMD გააზიარებს ყველა დეტალს ახალი RDNA 4 გრაფიკული არქიტექტურის, ასევე მასზე დაფუძნებული Radeon RX 9000 ვიდეო ბარათების შესახებ. ამის შესახებ X-ის გვერდის საშუალებით განაცხადა დევიდ მაკაფიმ, AMD-ის სამომხმარებლო პროცესორებისა და Radeon Graphics განყოფილების გენერალურმა მენეჯერმა. ფოტოს წყარო: VideoCardz „ლოდინი თითქმის დასრულდა. შემოგვიერთდით 28 თებერვალს დილის 8 საათზე აღმოსავლეთის დროით, ჩვენი ახალი თაობის AMD Radeon RX 9000 ვიდეო ბარათების გამოქვეყნებასთან დაკავშირებით", - დაწერა მაკაფიმ. მან დაამატა, რომ ახალი Radeon ბარათები გაყიდვაში მარტის დასაწყისში გამოვა. თუმცა არ დააკონკრეტა ახალი პროდუქტების გაყიდვების დაწყების ზუსტი თარიღი. Radeon გრაფიკის ახალი თაობის სრული პრეზენტაცია AMD YouTube არხზე გადაიცემა. კომპანია სავარაუდოდ გამოავლენს ახალი გრაფიკული ბარათების სრულ მახასიათებლებს, მათ წარმადობას და ფასებს. AMD-მ პრეზენტაცია დააანონსა რამდენიმე საათის შემდეგ, რაც Nvidia-მ გამოაცხადა GeForce RTX 5070 Ti და RTX 5070 ვიდეო ბარათების გაშვების თარიღები - როგორც ჩანს, სწორედ ამას ელოდა „წითელი გუნდი“. AMD-მ შეცვალა ვიდეო ბარათის მოდელის დასახელების სქემა, რომ უფრო მეტად შეესაბამებოდეს Nvidia-ს გრაფიკულ ბარათებს. ახალი Radeon RX 9070 XT და RX 9070 ბარათები, სავარაუდოდ, GeForce RTX 5070 Ti და RTX 5070-ის უშუალო კონკურენტები იქნებიან, შესაბამისად. ადრე AMD-მ განაცხადა, რომ RDNA 4 არქიტექტურისა და მასზე დაფუძნებული პროდუქტების ანონსი ცალკე მოვლენას იმსახურებს. სწორედ ამიტომ კომპანიამ არ დააანონსა ახალი გრაფიკული გადაწყვეტილებები CES 2025-ზე, რომელიც ძირითადად მიეძღვნა ახალ მობილურ და დესკტოპ პროცესორებს. მოახლოებული პრეზენტაციის გამოცხადების ფონზე AMD-ის გეიმინგ მიმართულებვვის ხელმძღვანელმა ფრენკ ეიზორმა უარყო ინტერნეტში გავრცელებული ხმები, რომ კომპანია ასევე ემზადება Radeon RX 9070 XT-ის გამოშვებისთვის 32 გბ მეხსიერებით. https://tinyurl.com/mryk6mfx Quote
Recommended Posts
Join the conversation
You can post now and register later. If you have an account, sign in now to post with your account.