Apple-ის მაღაზიებში თითქმის აღარ დარჩა iPhone SE - კომპანია შემცვლელს ამზადებს

[Magdalena]

კომპანიის ბრენდულ მაღაზიებში ამჟამინდელი თაობის iPhone SE-ს (რომელიც Apple-მა 2022 წელს წარადგინა) მიწოდება სწრაფად მცირდება. ამის შესახებ Bloomberg-ის ჟურნალისტმა მარკ გურმანმა განაცხადა. iPhone SE-ს მიწოდების შემცირების ტენდენცია გასაკვირი არ არის, რადგან სმარტფონის განახლებული ვერსიის დებიუტი მოსალოდნელია რამდენიმე თვეში. 

 

მოსალოდნელი, რომ Apple ახალ iPhone SE-ს გაზაფხულზე, სავარაუდოდ აპრილში გამოუშვებს. ზოგიერთი წყაროს თანახმად სმარტფონს შესაძლოა iPhone 16E ეწოდოს. სავარაუდოდ, ეს იქნება ყველაზე დიდი რედიზაინი iPhone SE-ს ისტორიაში: განახლებული ვიზუალი 6.1-დუიმიანი OLED დისპლეით, გაუმჯობესებული Face ID ტექნოლოგია, USB Type-C ინტერფეისი დამტენის დასაკავშირებლად და მრავალი სხვა. 

ახალ iPhone SE-ს ექნება ხელოვნურ ინტელექტ Apple Intelligence-ე დაფუძნებული საფირმო ფუნქციების მხარდაჭერა. თუმცა, ყველა ეს განახლება იმას ნიშნავს, რომ ახალი iPhone SE-ს ფასი უფრო მაღალი იქნება წინა თაობის მოდელთან შედარებით. გავრცელებული ინფორმაციით, სმარტფონის საცალო ფასი არანაკლებ 499 აშშ დოლარი იქნება. 

როგორც წესი, როდესაც Apple უშვებს ახალ სმარტფონებს უფრო მაღალ ფასად, ძველი მოდელები რჩება ბაზარზე, რაც საშუალებას აძლევს მას მიაღწიოს პოტენციურ მყიდველთა დიდ რაოდენობას. როგორც ჩანს, ეს არ მოხდება iPhone SE 3-თან მიმართებაში, მიუხედავად იმისა, რომ ხელმისაწვდომ iPhone-ს ჰყავს თავისი აუდიტორია. თუმცა, iPhone SE-ს მარაგების შემცირება Apple Stores-ში, როგორც ჩანს, მიუთითებს იმაზე, რომ მოდელის წარმოების მოცულობა უკვე შემცირდა. 

„მარაგების დონის კლება სარწმუნო ნიშანია იმისა, რომ ახალი მოდელი გამოდის. მაგრამ ასევე სავარაუდოა, რომ Apple, როგორც ჩანს, არ გეგმავს მიმდინარე ვერსიაზე ხელმისაწვდომი ფასის შენარჩუნებას ახალი მოდელის გამოსვლის შემდეგ. როგორც ჩანს, ეს არის ხელიდან გაშვებული შესაძლებლობა, რადგან იაფფასიან iPhone-ს შეეძლო ხელი შეეწყო Apple-სთვის გარკვეულ ბაზარზე შეღწევაში. ამჟამინდელი SE ღირს 429 აშშ დოლარი, ხოლო ახალი შეიძლება უფრო ძვირი ღირდეს მისი მოწინავე მახასიათებლების გათვალისწინებით, ”- აღნიშნა გურმანმა. 

https://tinyurl.com/5xysbhu4