Intel Arc B სერია - სიახლეები

[Magdalena]

პარტნიორებისთვის ჩატარებულ პრეზენტაციაზე Intel-მა დაადასტურა, რომ გეგმავს გამოუშვას დისკრეტული გრაფიკული ამაჩქარებლები, სახელწოდებით Battlemage, შემდეგი თაობის Arc Xe² გრაფიკული არქიტექტურის საფუძველზე 2024 წელს. 

 

ფოტოს წყარო: Intel 

პრეზენტაციის ფარგლებში Intel-ის მიერ წარმოდგენილი ერთ-ერთი სლაიდი გვიჩვენებს რომელი ახალი პროდუქტების გამოშვებას გეგმავს კომპანია სამომხმარებლო სეგმენტში მომავალ წელს. კერძოდ, კომპანია აპირებს გამოუშვას ახალი პროცესორები კომპიუტერებისთის, ჩიპები სამუშაო სადგურებისთვის, ასევე ახალი გრაფიკული ამაჩქარებლები Battlemage. 

 

ადრეულ გეგმებში Intel-მა აღნიშნა, რომ Battlemage სერიის ვიდეო ბარათების გამოშვება დროის მხრივ უკავშირდება სამომხმარებლო Meteor Lake და Arrow Lake პროცესორების გამოშვებას. Meteor Lake პროცესორების ახალი სერია (იგივე Core Ultra) უკვე გამოვიდა, ხოლო Arrow Lake ჩიპები მოსალოდნელია 2024 წელს. როგორც ჩანს, იმავე დროს შედგება Battlemage-ის წარდგენა. 

 

ადრე გავრცელდა ინფორმაცია, რომ Intel-მა თავის ლაბორატორიებში დაიწყო მინიმუმ ერთი GPU მოდელის ტესტირება ახალი Battlemage სერიიდან. საუბარია გარკვეულ ჩიპზე, სახელწოდებით BMG G10 და იგი სავარაუდოდ გახდება Alchemist ACM-G10-ის მემკვიდრე, რომელიც Arc A770 ვიდეო ბარათში გამოიყენება. არაოფიციალური ცნობებით, ახალ GPU- ექნება ახლანდელ ACM-G10-თან შედარებით ორჯერ მეტი - 64 Xe გრაფიკული ბირთვი. ასევე ცნობილია, რომ Intel-ს სურს შეინარჩუნოს ამ GPU-ზე 256-ბიტიანი მეხსიერების სალტეს მხარდაჭერა. აგრეთვე მოსალოდნელია, რომ Battlemage სერიის GPU-ები წარმოებული იქნება TSMC-ის 4-ნანომეტრიანი ტექნოპროცესის გამოყენებით. 

http://tinyurl.com/47kkwt59 

[Magdalena]

Intel-მა უარყო ინფორმაცია Lunar Lake პროცესორების გამოშვების შესაძლო შეფერხების შესახებ. მანამდე DigiTimes-მა ინდუსტრიის წყაროებზე დაყრდნობით გამოაცხადა ჩიპების გამოშვების შესაძლო გადადება. მედიის ცნობით ახალი პროცესორების გამოშვება სექტემბერში მოხდება, თუმცა თავდაპირველად ივნისში იყო მოსალოდნელი. 

 

ფოტოს წყარო: Intel 

Lunar Lake პროცესორების ანონსისას Intel-მა გამოაცხადა, რომ მათი გაშვება მიმდინარე წლის ივლის-სექტემბერში მოხდებოდა. კომპანიაში ასევე განმარტეს, რომ ჩიპები საკურორტო სეზონის დაწყებამდე გამოჩნდება. Lunar Lake-ის გამოშვება ივნისში რომ ყოფილიყო დაგეგმილი, ასეთ შემთხვევაში Intel უფრო მეტს ისაუბრებდა მათზე Computex 2024-ზე. გამომდინარე იქიდან, რომ არაფერია ცნობილი თავად პროცესორების შესახებ (მოდელები, მახასიათებლები და ფასები), მოსალოდნელია, რომ მწარმოებელი თავიდანვე აპირებდა მათ სექტემბერში გამოშვებას. 

სიტუაციის გასაგებად პორტალ DigitalTrends სთხოვა Intel-ს კომენტარი. 

„ჩვენ ვადასტურებთ, რომ Lunar Lake-ის გამოშვება 2024 წლის მესამე კვარტალში დაიწყება, როგორც ეს გამოცხადდა Computex-ზე. სადღესასწაულო გაყიდვების სეზონის დაწყების წინა დღეს“, - განუცხადეს Intel-ის პრეს-სამსახურმა პორტალის ჟურნალისტებს. 

მიუხედავად იმისა, რომ Lunar Lake არ შეყოვნებულა, ისინი გაყიდვაში უფრო გვიან გამოჩნდება, ვიდრე Qualcomm-ისა და AMD-ის ახალი გადაწყვეტილებები. Intel-ის ახალი ჩიპებიც დაიკავებს ადგილს Copilot Plus PC კონცეფციაში, ანუ ხელოვნური ინტელექტის ტექნოლოგიებით აღჭურვილ სისტემებში, მაგრამ ისინი ბაზარზე გამოჩნდება კონკურენტების გამოსვლის შემდეგ. Qualcomm Snapdragon X Elite პროცესორებზე აგებული ლეპტოპების პირველი თაობის გაყიდვები ცოტა ხნის წინ დაიწყო. AMD, თავის მხრივ, გვპირდება, რომ მისი ახალი Ryzen AI 300 პროცესორები ლეპტოპებში ხელმისაწვდომი გახდება ივლისში. Intel-მა ოფიციალურად არ დაადასტურა, რომ Lunar Lake სექტემბერში გამოჩნდება, მაგრამ ეს არის ყველაზე სავარაუდო თარიღი მათი გამოშვებისთვის. 

Lunar Lake პროცესორების ანონსიდან მხოლოდ ის ვიცით, რომ მათში გამოყენებულია ახალი გამოთვლითი მაღალი წარმადობის P-ბირთვები Lion Cove და ენერგოეფექტური E-cores Skymont-ბირთვები, ახალი ინტეგრირებული გრაფიკული არქიტექტურა Battlemage (Xe2), ასევე ინტეგრირებული მეხსიერება და ახალი NPU 48 TOPS (ტრილიონი ოპერაცია წამში) წარმადობით. გარდა ამისა, Lunar Lake-ში კომპანიამ უარი თქვა Hyper-Threading ტექნოლოგიის მხარდაჭერაზე, რომელიც საშუალებას იძლევა შესრულდეს ორი გამოთვლითი ნაკადი ერთ ბირთვზე. ამავდროულად, არ არის ცნობილი პროცესორების მოდელების დიაპაზონი, ასევე უცნობია მათი მახასიათებლები და, კერძოდ, ენერგომოხმარება. 

https://tinyurl.com/3dt4pv9s 

[Magdalena]

ერთ თვეზე ცოტა მეტი ხნის წინ შედგა Intel Arc B580-ის დებიუტი, რომელმაც რეცენზენტები ფეხზე წამოაყენა - ყველა ერთმანეთს ეჯიბრებოდა, რათა შეექო ვიდეო ბარათი მისი შესანიშნავი ფასი-ეფექტურობის თანაფარდობისთვის. დღეს გამოჩნდა მისი უმცროსი ვერსიის, Battlemage არქიტექტურაზე აგებული Arc B570-ის მიმოხილვები. ამ შემთხვევაში ახალი პროდუქტი იძლევა გარკვეული კრიტიკის საფუძველს. 

 

ფოტოს წყარო: TechSpot 

ვიდეო ბარათ Intel Arc B570-ს აქვს გრაფიკული პროცესორი 18 Xe2 ბირთვით (2304 შეიდერ ძრავით), 144 ტექსტურული ერთეული, 72 რასტერიზაციის ერთეული, 144 ტენსორული ბირთვი და 18 ბირთვი მეორე თაობის რეითრეისინგისთვის: წარმოდგენილია ორით ნაკლები Xe2 ბირთვი Arc B580-თან შედარებით. ეტალონური ვერსიის GPU-ის სიხშირეა 2500 მჰც. Arc B580-თან შედარებით ახალი პროდუქტის ვიდეო მეხსიერების მოცულობა 12-დან 10 გბ-მდე შემცირდა, მეხსიერების სალტეს სიგანე - 192-დან 160 ბიტამდე და სიჩქარე - 456-დან 380 გბ/წმ-მდე. ამავდროულად, შემცირდა ენერგომოხმარებაც - 190-დან 150 ვატამდე. 

Arc B570-ის სარეკომენდაციო ფასია 219 აშშ დოლარი, უფროსი Arc B580 ვერსიის - 249 აშშ დოლარი. ახალი პროდუქტი პოზიციონირებს, როგორც ვიდეო ბარათი ხელმისაწვდომი გეიმინგ კომპიუტერებისთვის და შესაფერისია Full HD გაფართოების თამაშებისთვის, ასევე შეუძლია თამაშების გაშვება 1440p-ზე. 

 

Tom's Hardware-ის გეიმინგ ტესტების მიხედვით Intel Arc B570 გრაფიკული ბარათი Full HD გაფართოების პირობებში აფიქსირებს წარმადობის თითქმის იმავე დონეს, რასაც GeForce RTX 3060 12 გბ მეხსიერებით. ამავდროულად, ახალი პროდუქტი დამაჯერებლად აღემატება უფრო ძვირადღირებულ Radeon RX 7600-ს, მაგრამ აშკარად ჩამორჩება RTX 4060-ს. გასათვალისწინებელია, რომ პორტალ ComputerBase-ის ტესტები ზოგადად ადასტურებს ამ სურათს, მაგრამ მის შემთხვევაში Radeon RX 7600 მაინც უფრო სწრაფი აღმოჩნდა. შედეგები შეიძლება დამოკიდებული იყოს თამაშების კომპლექტზე და ტესტის სისტემის კონფიგურაციას აშკარად აქვს ეფექტი (დაწვრილებით ამის შესახებ ქვემოთ). ასევე უნდა ითქვას, რომ Arc B570 საშუალოდ 18%-ით ნელია Arc B580-თან შედარებით. 

გეიმინგ ტესტები 1080p-ზე 

 

1440p გაფართოებაზე გადასვლისას კი Intel Arc B570-ის მდგომარეობა შესამჩნევად უმჯობესდება. Tom's Hardware ტესტებში Intel-ის ახალი ვიდეო ბარათი საშუალოდ 10%-ზე ნაკლებად ნელი იყო GeForce RTX 4060-თან შედარებით, ხოლო TechSpot-ის ტესტებში მიაღწია პარიტეტს. 4K-გაფართოების პირობებში Intel-ის ახალ პროდუქტს შეუძლია RTX 4060-ის გასწრებაც კი, მაგრამ ვერს ერთი მათგანი ვერ აფიქსირებს წარმადობის მისაღებ დონეს. 

გეიმინგ ტესტები 1440p-ზე 

 

TechSpot-მა ასევე შეამოწმა ვიდეო ბარათი ორ განსხვავებულ სისტემაში: ფლაგმანურ Ryzen 7 9800X3D-სა და ბიუჯეტურ Ryzen 5 5600-თან. ახალი პროდუქტი საკმაოდ დაბალბიუჯეტური ვიდეო ბარათია და უმეტეს შემთხვევაში იგი შესაბამის პროცესორთან ერთად იქნება წარმოდგენილი. აღმოჩნდა, რომ ახალი ბარათი არ მუშაობს ისე კარგად ძველ პროცესორებთან, როგორც ახალთან. "ასე რომ, თუ თქვენ გაქვთ Ryzen 5 5600 ან უფრო დაბალი მაჩვენებლების მქონე CPU, კონკურენტი GPU-ის არჩევით, როგორიცაა Radeon RX 7600, გარანტირებულია უკეთესი საერთო წარმადობა," აღნიშნავს TechSpot. 

 

ენერგომოხმარების თვალსაზრისით Arc B570 მართლაც უფრო ეკონომიურია Arc B580-თან შედარებით. TechPowerUp-ის თანახმად ახალი ბარათი თამაშებში მოიხმარს დაახლოებით 155 ვატს, რაც Arc B580-ზე 30 ვატით ნაკლებია. 

 

მიმომხილველები ერთხმად აღნიშნავენ, რომ 250 აშშ დოლარიანი Arc B580 ბევრად უფრო საინტერესო არჩევანია, ვიდრე 220 აშშ დოლარიანი Arc B570. ბევრი მიმომხილველი აღნიშნავს, რომ თუ ახალი პროდუქტი 200 აშშ დოლარი ეღირება, ის ბევრად უფრო მიმზიდველი გახდება. "კარგი წარმადობა, არა საუკეთესო ღირებულება" და "ფასის შემცირების გარეშე მომავლის არმქონე გრაფიკული ბარათი", - ასე აფასებდა ვიდეო ბარათს TechSpot. მეორე მხრივ, თუ ფასი გადამწყვეტი ფაქტორია ვიდეო ბარათის ყიდვისას, მაშინ Arc B570 შეიძლება კარგი ვარიანტი იყოს - ამ ფასად მას უბრალოდ არ ჰყავს პირდაპირი კონკურენტები და ნაკლებად სავარაუდოა, რომ გამოუჩნდეს. 

დაბოლოს, დავამატებთ, რომ მიმომხილველები კვლავ უჩივიან Intel-ის დრაივერების გარკვეულ პრობლემებს. ასევე, ბევრმა ახსენა Arc B580-ის მთავარი პრობლემა - რომელიც შესაძლოა Arc B570-საც ელოდეს - ამ ვიდეო ბარათების გაყიდვაში პოვნა ძალიან რთულია. ასე რომ, იმის გათვალისწინებით, რომ Arc B580 დიდად ხელმისაწვდომი არ არის მაღაზიების თაროებზე, ახალ პროდუქტს აქვს გაყიდვის შანსი. 

https://tinyurl.com/4v4h6cw4 

[George]

Maxsun Intel Arc B570 Milestone 10გბ ვიდეოკარტის მიმოხილვა რუსულათ: https://www.ixbt.com/3dv/intel-arc-b570-review.html

[Magdalena]

Intel-მა გამოუშვა საბაზისო დონის პროფესიონალური ვიდეო ბარათი Arc B50 349 აშშ დოლარად 

მაისში Intel-მა წარადგინა საბაზისო დონის ორი პროფესიონალური ვიდეო ბარათი Arc B60 და Arc B50 დაპირებით, რომ თავდაპირველად გამოუშვებდა მათ, როგორც გამოსაყენებლად მზა სამუშაო სადგურების ნაწილს მიმდინარე წლის მესამე კვარტალში, ხოლო მეოთხე კვარტალში - როგორც დამოუკიდებელ პროდუქტებს. Intel-მა Arc B60 ტესტირებისთვის არ გააზიარა და უბრალოდ გამოუშვა გასულ თვეში. მწარმოებელმა განსხვავებული მიდგომა გამოიყენა ნაკლებად მძლავრი Arc B50-ის მიმართ, რომელიც მედიის ზოგიერთმა წარმომადგენელმა გატესტა. 

 

ფოტოს წყარო: Intel 

Arc Pro B50 მთელ Battlemage ხაზში Xe2 გრაფიკული ბირთვების ყველაზე მცირე რაოდენობას გვთავაზობს. მიუხედავად იმისა, რომ გეიმინგ Arc B570-ს BMG-G21 გრაფიკულ ჩიპში 18 Xe2 ბირთვი აქვს, ხოლო პროფესიონალურ Arc Pro B60-ს - 20 Xe2 ბირთვი, Arc Pro B50 მოდელი მხოლოდ 16-ით არის წარმოდგენილი. თუმცა, Arc Pro B50-ს იმავე გეიმინგ Arc B570-თან შედარებით მეტი მეხსიერება აქვს - 16 გბ 12-ის ნაცვლად. თუმცა, ეს მიიღწევა B570-ში არსებულ 160-ბიტიანთან შედარებით უფრო ვიწრო 128-ბიტიანი მეხსიერების სალტეს წყალობით. 

 

Arc Pro B50-ის ენერგომოხმარება 70 ვატია. გარე ვიდეო კონექტორების ნაკრები მოიცავს ოთხ mini-DisplayPort 2.1-ს. დასაკავშირებლად გამოიყენება 8 PCIe 5.0 არხი. შედარებისთვის, გეიმინგ Arc B570 მხარს უჭერს PCIe 4.0 ინტერფეისს. Arc Pro B50 არის დაბალი პროფილის ბარათი, რომელიც იკავებს გაფართოების ორ სლოტს. ახალი პროდუქტი თავსებადია მცირე ფორმ-ფაქტორის სისტემებთან და კვების კონექტორების არარსებობა მას პრაქტიკულ არჩევნად აქცევს ასეთი მოწყობილობებისთვის. 

 

კომპანია აცხადებს, რომ Arc Pro B50-ს გრაფიკული წარმადობა 3.4-ჯერ აღემატება მის წინამორბედ A50-ს. Intel-ი Nvidia RTX 1000-ს თავის მთავარ კონკურენტად ასახელებს, რომლის ფონზე მისი ვიდეო ბარათი თითქმის ორჯერ უფრო სწრაფია. 

 

Intel-მა ოფიციალურად დააახელა Arc Pro B50-ის ფასი 349 აშშ დოლარი. მაისში სხვა ფასი - 299 აშშ დოლარი გამოცხადდა. მწარმოებელმა Arc Pro B60 მოდელის ღირებულების შესახებ არ გაავრცელა ინფორმაცია, თუმცა მაისში 500 აშშცდოლარის ოდენობის ფასი გამოაცხადა. 

არაერთმა ინდუსტრიულმა გამოცემამ მიიღო Arc Pro B50 ტესტირებისთვის და გამოცადა იგი გამოთვლითი და ხელოვნური ინტელექტის მუშაობასთან დაკავშირებულ სხვადასხვა ბენჩმარკზე. „მიუხედავად იმისა, რომ Arc Pro B50 მნიშვნელოვნად აღემატება RTX A1000-ს ხელოვნური ინტელექტის ტესტებში, მათ შორის ისეთ მაჩვენებლებში, როგორიცაა წამში ტოკენების რაოდენობა (TPS) და პირველ ტოკენამდე დრო (TTFT), ორივე მოდელი გამოთვლითი წარმადობის ტესტებში ერთმანეთთან მიახლოებულ შედეგებს აჩვენებს“, - წერს HardwareLuxx. 

https://tinyurl.com/3txtatmz 

[George]

Maxsun Intel Arc B580 iCraft 12G ვიდეოკარტის მიმოხილვა რუსულათ: https://www.ixbt.com/3dv/maxsun-intel-arc-b580-icraft-12g-review.html

Acer Nitro Intel Arc B580 OC 12GB ვიდეოკარტის მიმოხილვა რუსულათ: https://www.ixbt.com/3dv/acer-nitro-intel-arc-b580-oc-review.html

[Magdalena]

Intel-მა წარადგინა Arc B390, კომპანიის ყველაზე მძლავრი ინტეგრირებული გრაფიკული ბარათი, რომელსაც შეუძლია კონკურენცია გაუწიოს მობილურ RTX 4050-ს 

Intel-მა წარმოადგინა ახალი თაობის მობილური პროცესორები, Core Ultra 300, რომელიც ასევე ცნობილია, როგორც Panther Lake. მათთან ერთად წარმოდგენილი იყო Intel-ის უახლესი ფლაგმანური ინტეგრირებული გრაფიკა, Arc B390, რომელიც დისკრეტული გრაფიკის მსგავს წარმადობას გვპირდება. 

 

ფოტოს წყარო: Intel 

Intel Arc B390 აგებულია 12 Xe ბირთვზე, აქვს 96 XMX ძრავი და რეითრეისინგის აჩქარების 12 ბლოკი 16 მბ L2 ქეშით. გრაფიკულ ბირთვს გააჩნია 2.5 გჰც-მდე ტაქტის სიხშირე, რაც INT8 ოპერაციებში მაქსიმალურ 122 TOPS წარმადობას უზრუნველყოფს. მხოლოდ Core Ultra X7 358H, Core Ultra X7 368H და Core Ultra X9 388H პროცესორებს აქვთ ასეთი ინტეგრირებული გრაფიკა. შედარებისთვის, Panther Lake-ის სხვა პროცესორების უმეტესობის ინტეგრირებულ გრაფიკულ ბირთვებს მხოლოდ ოთხი Xe ბირთვი აქვთ. 

 

Intel-ის თქმით, წარმადობის თვალსაზრისით Arc B390 მნიშვნელოვნად აღემატება AMD-ის ფლაგმანურ ინტეგრირებულ გრაფიკას, Radeon 890M-ს, რომელიც გამოიყენება Ryzen AI 300 და 400 სერიის მობილური პროცესორების უფროს მოდელებში. აქვე აღსანიშნავია, რომ AMD-ს აქვს უფრო მძლავრი ინტეგრირებული მობილური გრაფიკაც: Ryzen AI Max+ ჩიპები, რომელთა გამოყენება ლეპტოპებშია შესაძლებელი. მათში წარმოდგენილია მნიშვნელოვნად უფრო მძლავრი გრაფიკული პროცესორი Radeon 8060S. თუმცა, ეს გადაწყვეტილებები ტექნიკურად ოდნავ განსხვავებულ კლასს მიეკუთვნება, ვიდრე Intel-ის ახალი ჩიპები. 

 

 

მიუხედავად ამისა, Intel აღნიშნავს, რომ Arc B390 საშუალოდ 76%-ით აღემატება Arc 140T GPU-ს, რომელიც ცოტა ხნის წინ Intel-ის ყველაზე მძლავრი ინტეგრირებული GPU-ს ტიტულს იკავებდა. 

 

 

 

Radeon 890M-თან შედარებით, გამოსახულების მასშტაბირების ტექნოლოგიების გამოყენებისას საშუალო უპირატესობა 73%-ია, ხოლო ასეთი ხრიკების გარეშე რენდერინგისას - 82%-მდე. Intel ასევე აცხადებს, რომ პირველი თაობის Qualcomm X პროცესორების გრაფიკასთან შედარებით 2.6-ჯერ მეტი უპირატესობა აქვს. და ბოლოს, კომპანია აცხადებს, რომ მისი ახალი GPU კონკურენციას უწევს დისკრეტულ ვიდეო ბარათ Nvidia GeForce RTX 4050-ს.  

 

 

Intel-მა ასევე აღნიშნა, რომ Arc B390 იქნება პირველი ინტეგრირებული გრაფიკული პროცესორი, რომელიც მხარს დაუჭერს ხელოვნური ინტელექტით მომუშავე კადრების გენერირებას (სამამდე) თითოეული რენდერირებული კადრისთვის Intel XeSS 3-ის მეშვეობით XeSS-MFG-ის გამოყენებით. კომპანია ასევე გვპირდება მაღალი ხარისხის გამოსახულებას და დინამიურობას. 

 

 

Intel-მა ასევე დაადასტურა ინფორმაცია, რომ პორტატული გეიმინგ კონსოლებისთვის პროცესორების სპეციალურ ვერსიას ქმნის. ეს ჩიპები არ აღჭურვილი იქნება სრულადფუნქციური B390 გრაფიკული პროცესორით, არამედ შემოგთავაზებენ გამარტივებულ ვერსიას - სავარაუდოდ B380-ს ნაკლები ბირთვით. მათ ასევე შეიძლება ჰქონდეთ ნაკლები CPU ბირთვი ენერგოეფექტურობის გასაუმჯობესებლად. ისეთი კომპანიები, როგორიცაა Acer, MSI და GPD, უკვე მუშაობენ Intel-თან ასეთი ჩიპების ადრეულ ვერსიებზე. ეს ჩიპი, სავარაუდოდ, AMD Ryzen Z2 Extreme-ის რეალურ კონკურენტს წარმოადგენს. 

https://tinyurl.com/4ycs37wd 

[Magdalena]

Intel-ის მძლავრი ინტეგრირებული Panther Lake გრაფიკის პირველი ტესტები - Arc B390-მა Cyberpunk 2077-ში 80 FPS დააფიქსირა 

Intel Panther Lake პროცესორებზე დაფუძნებული ლეპტოპები CES 2026-ის დემო სტენდებზე გამოჩნდა. Tom's Hardware-მა გატესტა Lenovo-ს ეტალონური სისტემა Core Ultra X9 388H პროცესორით და ინტეგრირებული Arc B390 გრაფიკით, რომლის შემადგენლობაში 12 Xe3 ბირთვი შედის. 

 

ფოტოს წყარო: Tom's Hardware 

Intel-ის წარმომადგენლები ყურადღებით აკვირდებოდნენ ტესტის მონაწილეებს. ჟურნალისტებს არ ჰქონდათ უფლება თავისუფლად ჩაეტარებინათ ექსპერიმენტები ეტალონურ სისტემასთან. ამიტომ, ბუნებრივია, ეს მხოლოდ წინასწარი ტესტებია, რომლებიც ზოგად წარმოდგენას გვიქმნის გეიმინგ ბაზარზე Intel Arc B390-ის ადგილის შესახებ. 

Tom's Hardware-ის გეიმინგ ტესტებში გამოყენებული იყო 1080p ან 1200p გაფართოება XeSS მასშტაბირებით და გარე PCIe Gen 4 SSD, რომელიც დაკავშირებული იყო USB-C-ის საშუალებით. Intel-მა ასევე დაადასტურა, რომ Core Ultra X9 388H-ის ენერგომოხმარების ლიმიტი PL1 რეჟიმში 65 ვატია, ხოლო PL2 რეჟიმში მთელი პაკეტისთვის მოკლევადიანი ზრდა 85 ვატამდეა. გეიმინგ ბენჩმარკინგის შედეგები ქვემოთ არის მოცემული. 

 

ფოტოს წყარო: Tom's Hardware 

YouTube არხ ETA Prime-მა, რომელმაც იგივე Lenovo ლეპტოპი იმავე გეიმინგ პარამეტრებით გამოსცადა, გამოაქვეყნა ვიდეო. იგი აჩვენებს Spider-Man 2-ის გეიმპლეის, სადაც კადრების სიხშირე 80 FPS-ზე მეტია XeSS მასშტაბირების ჩართვის შემდეგ. Shadow of the Tomb Raider-ში სისტემამ საშუალოდ 74 FPS აჩვენა 1200p გაფართოებისას მაღალი პარამეტრებით და მასშტაბირების გარეშე. 

 

ფოტოს წყარო: ETA Prime / YouTube 

 

 

ორივე ტესტი ერთსა და იმავე პრობლემაზე მიუთითებს: Intel-ის პროგრამული უზრუნველყოფის არასტაბილურობა. Tom's Hardware-მა აღნიშნა XeSS-ის არათანაბარი მუშაობა სხვადასხვა თამაშში, მონაცემთა შეგროვების პრობლემები ზოგიერთ თამაშში PresentMon-ის არასწორი პარამეტრების გამო და დამატებითი ხარვეზები, როგორიცაა შეფერხება Monster Hunter Wilds-ის პირველივე თამაშის დროს. 

 

Cyberpunk 2077: მაღალი პარამეტრები, 1200p, მასშტაბირების გარეშე. წყარო: PCGamer 

დემონსტრირებული თამაშები არ იყენებდა კადრების გენერირებას - Intel-მა მხოლოდ XeSS მასშტაბირებით ტესტირება დაუშვა. თავის მარკეტინგულ მასალებში კომპანია აქებს Arc B390 ინტეგრირებული გრაფიკის მაღალ წარმადობას XeSS-ის გამოყენებისას. კომპანია ასევე აღნიშნავს, რომ მისი ინტეგრირებული გრაფიკა პირველია თავის სეგმენტში, რომელიც მხარს უჭერს ხელოვნურ ინტელექტზე დაფუძნებულ მრავალკადრიან გენერირებას. 

Core Ultra Series 3 პროცესორებზე დაფუძნებული სხვადასხვა მწარმოებლის ლეპტოპების მოდელები, სავარაუდოდ, 27 იანვრიდან გახდება ხელმისაწვდომი. 

https://tinyurl.com/yt5ta6c2