AMD-მ წარადგინა მობილური ჩიპები Ryzen AI Max, რომელთა ინტეგრირებული გრაფიკა უფრო სწრაფია RTX 4090 AI-ში არსებულთან შედარებით

[Magdalena]

AMD-მ CES 2025-ზე წარმოდგენილი ფართომასშტაბიანი პრეზენტაციის ფარგლებში წარადგინა მრავალი ახალი პროცესორი, მათ შორის Ryzen AI Max და Ryzen AI Max PRO სერიის ჩიპები ხელოვნური ინტელექტის მქონე მღალი წარმადობის ლეპტოპებისთვის. ახალი პროდუქტები გამოირჩევა მაღალი წარმადობის ინტეგრირებული გრაფიკით, ძლიერი ცენტრალური პროცესორით და ძლიერი AI ძრავით. 

 

ფოტოს წყარო: AMD 

AMD-მ წარადგინა Ryzen AI Max სერიის სამი პროცესორი, რომლებშიც მოცემულია 8, 12 ან 16 Zen 5 ბირთვი და 16-დან 32-მდე ნაკადის მხარდაჭერა. ჩიპების ტაქტის სიხშირე 5.1 გჰც-ს აღწევს. Ryzen AI Max PRO სერია, რომელიც განკუთვნილია ბიზნეს ლეპტოპებსა და სხვა სამუშაო სისტემებზე, მოიცავს მოდელებს მსგავსი მახასიათებლებით, ასევე უმცროს მოდელ Ryzen AI Max PRO 380--ს ექვსი ბირთვით, 12 ნაკადით და 4.9 გჰც-მდე სიხშირით. 

 

XDNA2 არქიტექტურაზე აგებული ინტეგრირებული ნეიროპროცესორის წარმადობა აღწევს შთამბეჭდავ 50 TOPS-ს (ტრილიონი ოპერაცია წამში). შედეგად ახალ პროცესორებზე დამყარებული კომპიუტერები დააკმაყოფილებენ Copilot+PC მოთხოვნებს. 

 

განსაკუთრებულ ყურადღებას იპყრობს ინტეგრირებული გრაფიკა. ფლაგმანურ ინტეგრირებულ გრაფიკას, რომელიც წარმოდგენილია AMD Radeon 8060S, AMD Ryzen AI Max+ 395 და Ryzen AI Max+ 395 PRO პროცესორებში, აქვს RDNA 3.5 არქიტექტურის 40 გამოთვლითი ერთეული და 2900 მჰც-მდე სიხშირე. ასევე აღვნიშნავთ მეხსიერების კონტროლერის მაღალ სიჩქარეს - 256 გბ/წმ, რაც ასევე დადებითად აისახება გრაფიკის წარმადობაზე. 

 

 

AMD ხაზს უსვამს, რომ ძლიერი ინტეგრირებული გრაფიკის წყალობით ახალი პროდუქტები შესანიშნავია რენდერისთვის, სათამაშოდ და თუნდაც ხელოვნური ინტელექტის დიდი ენის მოდელებთან მუშაობისთვის. ამოცანების შესრულებისას პროცესორები საშუალოდ 2.6-ჯერ უფრო სწრაფია, ვიდრე ინტეგრირებული Intel Arc გრაფიკა, რომელიც შედის Core Ultra 9 288V-ში. 3Dmark-ის სინთეთიკური ტესტების პაკეტში უპირატესობა დაახლოებით 40%-ს შეადგენს. გარდა ამისა, AMD აცხადებს, რომ მისი პროცესორები უფრო სწრაფია Apple M4 Pro-სთან შედარებით, რომელიც MacBook M4 Pro-ში გამოიყენება. 

 

 

თუმცა, ყველაზე შთამბეჭდავია AMD Ryzen AI Max+ 395-ის შედარება Nvidia GeForce RTX 4090 დესკტოპ ვიდეო ბარათთან - AMD-ის თქმით მისი ჩიპი 2.2-ჯერ უფრო სწრაფია Nvidia-ს ფლაგმანთან შედარებით, ამასთან TDP-ის დონე AMD-ის ჩიპის შემთხვევაში 87%-ით დაბალია. 

 

უნდა აღინიშნოს, რომ Ryzen AI Max პროცესორები არ შემოიფარგლება მობილური ჩიპებისთვის დამახასიათებელი დაბალი TDP-ის დონეებით. ენერგომოხმარების დონე შეიძლება დარეგულირდეს მწარმოებლის მიერ 45-დან 120 ვატამდე დიაპაზონში, რაც მათ შესაფერისს გახდის როგორც მძლავრი ლეპტოპების, ასევე კომპაქტური, მაგრამ მაღალი წარმადობის დესკტოპ კომპიუტერებისთვის. 

AMD Ryzen AI Max-სა და AMD Ryzen AI Max PRO-ზე დაფუძნებული ლეპტოპები გაყიდვაში გამოვა მიმდინარე წლის პირველ და მეორე კვარტალში. შესაბამისი სისტემების ფასის შესახებ ჯერ არაფერია ნათქვამი. 

https://tinyurl.com/2wjyebak