Samsung ამზადებს მსოფლიოში ყველაზე სწრაფ OLED მონიტორს - 27 დუიმი, 1440p და 500 ჰერცი

[Magdalena]

ETNews-ის თანახმად Samsung ავითარებს მსოფლიოში პირველ 27-დუიმიან OLED მონიტორს 1440p გაფართოებით და 500 ჰერცი კადრის განახლების სიხშირით. მოწყობილობის მიზანია OLED მონიტორების მუშაობის ახალი სტანდარტის დაწესება. დღემდე, ყველაზე სწრაფი OLED მონიტორებია LG UltraGear 27GX790A-B და Asus ROG Swift PG27AQDP, რომლებსაც 480 ჰერცი კადრის განახლების სიხშირე აქვთ. 

 

ფოტოს წყარო: Samsung 

მიუხედავად იმისა, რომ Samsung-ის მონიტორის ტექნიკური მახასიათებლები უცნობია, ინდუსტრიის წყაროები ვარაუდობენ, რომ ახალ პროდუქტში გამოყენებული იქება Samsung-ის მოწინავე QD-OLED მატრიცა. Quantum Dot ტექნოლოგიით გაუმჯობესებული პანელი უზრუნველყოფს ფერების შესანიშნავ გადმოცემას, უფრო ღრმა კონტრასტს და გაუმჯობესებულ წარმადობას ტრადიციულ LCD პანელებთან შედარებით. 

სამხრეთკორეული ETNews-ის თანახმად Samsung-ის OLED მონიტორი 500 ჰერცი კადრის განახლების სიხშირით განვითარების ბოლო სტადიაშია. კომპანია ასევე აწარმოებს მოლაპარაკებებს მონიტორების სხვა წამყვან მწარმოებლებთან მათ პროდუქტებში ახალი OLED პანელის გამოყენების შესაძლებლობის შესახებ. 

პირველი 500-ჰერციანი OLED მონიტორები სავარაუდოდ მომავალ წელს გამოჩნდება. თუმცა, მწარმოებლებს შორის კონკურენცია არ შემოიფარგლება მხოლოდ სიჩქარის მხრივ. მომავალ წელს ასევე მოსალოდნელია გამოვიდეს 27-დუიმიანი QD-OLED მონიტორები 4K გაფართოებით, 240 ჰერცი კადრის განახლების სიხშირით და 1000 cd/m2 მაქსიმალური სიკაშკაშით, ასევე უფრო დიდი 45-დუიმიანი WOLED მონიტორები 5120 x 2160 პიქსელამდე გაფართოებით (ამჟამადამ ზომის ეკრანისთვის მაქსიმუმია 3440 × 1440 პიქსელი). ასეთი მონიტორის მინიმუმ ერთი მოდელი, LG 45GX950A, ახლახანს აღმოაჩინეს სამხრეთ კორეის მარეგულირებელი ორგანოს მონაცემთა ბაზაში, წერს Tom's Hardware. 

https://tinyurl.com/z8hw9uuy 

 

[George]

ეგეთი არა მაგრამ ამ შაშობაო სეილებზე შეიძლება 240 გერციანი QD-OLED მოდელი ლამის 600$ კი იყიდო ამაზონზე, რაც საკმაოთ იშვიათი მოვლენაა, უფრო ძვირიანებიც 800-850$ იქნება უკვე, ეგ მართლა ძალზე სწრაფი მატრიცით იქნება, თუმცა უკვე 240 გერციანიც კი სისწრაფით ჯობიაო ლამის 360 გერციან იპს