Meta - სიახლეები

[Magdalena]

Meta უნდა წარდგეს სასამართლოს წინაშე აშშ-ის ფედერალური სავაჭრო კომისიის (FTC) მხრიდან შეტანილ ანტიმონოპოლიურ სარჩელთან დაკავშირებით, რომელშიც კომპანიას ბრალი ედება კონკურენციის ჩახშობასა და სოციალური ქსელების ბაზარზე დომინანტური პოზიციის უზრუნველყოფაში Instagram-ის და WhatsApp-ის შეძენით. სასამართლომ შესაძლოა აიძულოს კომპანია - გაყიდოს აქტივები, წერს The Verge. 

 

ფოტოს წყარო: VBlock/Pixabay 

FTC-მ უკვე შეიტანა სარჩელი Meta-ს წინააღმდეგ ჯერ კიდევ 2020 წელს იმის მტკიცებით, რომ კომპანიამ კონკურენციის ჩახშობის მცდელობის მიზნით იყიდა კონკურენტები Instagram და WhatsApp. DC-ის რაიონული სასამართლოს მოსამართლე James Boasberg-მა თავდაპირველად სარჩელი არ დააკმაყოფილა 2021 წელს, რის შემდეგაც ფედერალურმა სააგენტომ შეიტანა შესწორებული საჩივარი და საქმე აღადგინა. 2023 წლის გაზაფხულზე Meta-მ კვლავ სთხოვა სასამართლოს უარეყო FTC-ის სარჩელი, მაგრამ ბოასბერგმა მიიღო გადაწყვეტილება FTC-ის სასარგებლოდ, თუმცა უარყო პრეტენზია, რომ Meta მოქმედებდა არაკეთილსინდისიერად და წვდომა მისცა დეველოპერებს თავის API-ზე იმ პირობით, რომ უარს იტყოდნენ მის აპლიკაციებთან კონკურენციაზე. 

ახლა FTC შეეცდება დაამტკიცოს, რომ Meta მოქმედებდა არაკეთილსინდისიერად და რომ Instagram-ისა და WhartsApp-ის შეძენამ ზიანი მიაყენა კონკურენციას და მომხმარებლებს. 

Meta-ს წარმომადგენელმა კრისტოფერ სგრომ The Verge-სთვის მიცემულ განცხადებაში გამოთქვა რწმენა, რომ Meta სასამართლოში დაამტკიცებს, რომ Instagram-ისა და WhatsApp-ის შესყიდვები მომხმარებლებისთვის "სასარგებლო" იყო. „FTC-მ განიხილა და დაამტკიცა ეს ტრანზაქციები 10 წელზე მეტი ხნის წინ და მიუხედავად იმისა, რომ ჩვენი სერვისები სამართლიან კონკურენციას უწევს YouTube-ს, TikTok-ს, X-ს, Apple-ის iMessage-ს და ბევრ სხვას, კომისია აგრძელებს მტკიცებას, რომ შეძენა უკანონო იყო, განაცხადა მან. 

მიუხედავად იმისა, რომ FTC-ის მიერ ანტიმონოპოლიური სარჩელი დონალდ ტრამპის პრეზიდენტობის დროს იქნა შეტანილი, მისი ადმინისტრაცია, სავარაუდოდ, უფრო რბილ პოზიციას დაიკავებს კომპანიების შერწყმისა და შესყიდვების მიმართ, ხოლო Meta-ს აღმასრულებელმა დირექტორმა მარკ ცუკერბერგმა სხვა მსხვილ ტექნოლოგიურ კომპანიებთან ერთად უკვე დაიწყო ურთიერთობების ნელ-ნელა გაუმჯობესება ტრამპთან, რომელიც, როგორც მოსალოდნელია, თანამდებობიდან გაათავისუფლებს FTC-ის ხელმძღვანელ Lina Khan-ს. 

https://tinyurl.com/mvt8tdeu 

[Magdalena]

Threads-ში გამოჩნდა „საზოგადოებები“ – (community), რომლებიც საერთო ინტერესების საფუძველზე ადამიანებთან დასაკავშირებლად არის განკუთვნილი 

სოციალურმა პლატფორმა Threads-მა დაიწყო ახალ ფუნქცია community-ს გლობალური ტესტირება, რომელიც შექმნილია მომხმარებლების საერთო ინტერესების ირგვლივ გასაერთიანებლად. დღეიდან პლატფორმის წევრებს შეუძლიათ შეუერთდნენ თემატურ საზოგადოებებს, რომლებიც ეძღვნება ისეთ თემებს, როგორიცაა პროფესიონალური კალათბურთი, წიგნები, სატელევიზიო შოუები, ხელოვნური ინტელექტი და სხვა, წერს The Verge. 

ფოტოს წყარო: Meta 

Threads-ის საზოგადოებები ცალკე სივრცეების სახით მოქმედებენ, სადაც კონკრეტულ თემასთან დაკავშირებული პოსტებია ნაჩვენები, Reddit-ის არხების ან X-ის საზოგადოებების მსგავსად. თემაში გაწევრიანებით თქვენს პროფილს დაემატება თეგი, რომელიც სხვა წევრებისთვის ხილული იქნება და საზოგადოების არხი თქვენი არხის მენიუში იქნება მიმაგრებული. 

ნავიგაციის გასამარტივებლად, თუ თემატიკას საკუთარი საზოგადოება აქვს, მისი სახელის მარცხნივ გამოჩნდება სამი წერტილის მქონე ხატულა. თავად თემების პოვნა პლატფორმის ძიების საშუალებით არის შესაძლებელი. 

დეველოპერები მომავალში გეგმავენ სხვა ფუნქციების დანერგვას, რომლებიც თემატურ საკითხებზე იქნება ორიენტირებული. ესენია ახალი ნიშნულები, რომლებიც ყველაზე აქტიურ წევრებს გამოკვეთს, ასევე თემებში პოსტების რეიტინგის ალგორითმების დახვეწა ძირითადი რეკომენდაციების არხში „თქვენთვის“, რათა მომხმარებლებმა ნახონ უფრო რელევანტური კონტენტი. 

https://tinyurl.com/27j66ft9