Apple ამზადებს დაბალბიუჯეტურ ჰედსეტ Vision-ს, რომლის ფასი დაახლოებით 2000 აშშ დოლარი იქნება, თუმცა ფუქნცია EyeSight-ის გარეშე

[Magdalena]

Apple გეგმავს Vision ჰედსეტი უფრო ხელმისაწვდომი გახადოს 2000 აშშ დოლარიანი ვერსიის გამოშვებით. მოდელში გამოყენებული იქნება იაფი მასალები და ნაკლებად მძლავრი პროცესორი, მაგრამ შეინარჩუნებს ძირითად ფუნქციებს. 

 

მარკ გურმანი თავის სიახლეების გზავნილ Power On-ის მეშვეობით იტყობინება, რომ Apple გეგმავს მომავალ წელს Apple Vision ჰედსეტის უფრო ხელმისაწვდომი ვერსიის გამოშვებას. მისი თქმით ახალი მოწყობილობა Vision Pro-სთან შედარებით თითქმის ორჯერ იაფი ეღირება. 

შეგახსენებთ, რომ Apple-ის ჰედსეტი Vision Pro მიმდინარე წლის დასაწყისში 3500 აშშ დოლარად იყო წარმოდგენილი, მაგრამ როგორც ჩანს კომპანია უკვე აქტიურად მუშაობს მის შემდგომ ვერსიაზე. წლის დასაწყისში ზოგიერთმა წყარომ მიუთითა, რომ Apple-მა შეაჩერა Vision Pro-ს განვითარება, რათა ფოკუსირება მოეხდინა უფრო იაფ ვარიანტზე, რადგან აშკარა გახდა, რომ Vision Pro-ს მაღალი ფასის გამო პროდუქტი ბევრისთვის მიუწვდომელი იყო. 

გურმანი აღნიშნავს, რომ ახალ ჰედსეტში სავარაუდოდ გამოყენებული იქნება ნაკლებად მძლავრი პროცესორი და იაფი მასალები. Vision Pro წარმოდგენილია M2 ჩიპით, ხოლო უფრო ხელმისაწვდომ მოდელში, სავარაუდოდ, გამოყენებული იქნება A-სერიის ჩიპი, მაგალითად A18 Pro, რომელიც წარმადობით M1-ის მსგავსია. მასალების მხრივ ბიუჯეტურ ვერსიას სავარაუდოდ მეტი პლასტმასა ექნება Vision Pro მოდელისგან განსხვავებით, რომელიც დამზადებულია ალუმინისა და მინისგან. 

ასევე, მოხსენების თანახმად, ჰედსეტს სავარაუდოდ არ ექნება ფუნქცია EyeSight, რომელიც Vision Pro-ში დაინერგა. ეს ფუნქცია იყენებს ლენტიკულარულ დისპლეებს ჰედსეტის გარე ეკრანზე მფლობელის თვალებზე გამოსახულების გადასაცემად, რაც საშუალებას აძლევს სხვებს „დანახონ“ მფლობელის თვალები. მიუხედავად იმისა, რომ ეს ფუნქცია საინტერესოა, ის ასევე საკმაოდ ძვირია დამატებითი გარე დისპლეის გამოყენების საჭიროების გამო და სავარაუდოდ გამორიცხული იქნება ბიუჯეტური ვარიანტიდან. 

Apple იმედოვნებს, რომ უფრო ხელმისაწვდომი ჰედსეტი Apple Vision ორჯერ უკეთ გაიყიდება Apple Vision Pro-სთან შედარებით. ასევე ცნობილია, რომ უფრო სწრაფ პროცესორზე აგებული Apple Vision Pro 2 მოდელის გამოშვება 2026 წელს იგეგმება. 

https://tinyurl.com/2z38w4jb