iPhone 16 Pro-ზე მოთხოვნა Apple-ის მოლოდინთან შედარებით დაბალი აღმოჩნდა

[Magdalena]

Apple-მა დაიწყო iPhone 16 სერიის სმარტფონების წინასწარი შეკვეთების მიღება, რომელთა გაყიდვები 20 სექტემბერს დაიწყება. როგორც TF Securities-ის ანალიტიკოსმა Ming-Chi Kuo-მ აღნიშნა, ახალი სერიების საერთო მოთხოვნა მოლოდინზე დაბალი აღმოჩნდა. მისი თქმით, მისი დასკვნები ეფუძნება "მომარაგების ჯაჭვის კვლევას" და Apple-ის ონლაინ მაღაზიაში მითითებული მიწოდების დროების შეფასებებს. 

 

ფოტოს წყარო: Apple 

Kuo-ს გამოთვლებით iPhone 16-ის ოთხივე მოდელის გაყიდვებმა მიაღწია დაახლოებით 37 მილიონ ერთეულს წინასწარი შეკვეთების დაწყებიდან პირველ შაბათ-კვირას, რაც თითქმის 13%-ით ნაკლებია iPhone 15 სერიის გაყიდვებთან შედარებით გასული წლის ანალოგიურ პერიოდში. ანალიტიკოსმა აღნიშნა, რომ შემცირების მთავარი მიზეზი Pro მოდელებზე დაბალი მოთხოვნა იყო. iPhone 16 Pro და iPhone 16 Pro Max-ის პირველ შაბათ-კვირას დაფიქსირებული გაყიდვები გასული წლის iPhone 15 Pro და iPhone 15 Pro Max-ის გაყიდვებთან შემცირდა 27%-ით და 16%-ით, შესაბამისად. 

მიუხედავად იმისა, რომ iPhone 16 და iPhone 16 Plus მოდელებზე უფრო მაღალი მოთხოვნა იყო, ვიდრე iPhone 15 და iPhone 15 Plus-ზე მათი წინასწარი შეკვეთების დაწყების შაბათ-კვირას, ეს საკმარისი არ აღმოჩნდა iPhone 16 Pro მოდელებზე დაბალი მოთხოვნის ანაზარურებისთის, აღნიშნა Kuo-მ. 

ანალიტიკოსის აზრით, iPhone 16 Pro და Pro Max მოდელებზე მოსალოდნელზე ნაკლები მოთხოვნის მიზეზი არის Apple Intelligence AI ფუნქციების ნაკლებობა გაყიდვების დაწყებისას. მოგეხსენებათ, Apple Intelligence-ის ხელოვნური ინტელექტის გარკვეული ფუნქციების მხარდაჭერა ახალ პროდუქტებში გამოჩნდება iOS 18.1-ის გამოშვებასთან ერთად ოქტომბერში, თანაც მხოლოდ აშშ-ში, ხოლო სხვა ქვეყნებში - გაცილებით მოგვიანებით. გარდა ამისა, Kuo-მ აღნიშნა მკაცრი კონკურენციის გავლენა ჩინეთში ადგილობრივი მოვაჭრეების მხრიდან iPhone-ებზე მოთხოვნაზე. 

https://tinyurl.com/3ynfm5e3