კრიპტო ბაზარი აშშ-ის საპრეზიდენტო დებატების შედეგებს ვარდნით გამოეხმაურა

[Magdalena]

საპრეზიდენტო დებატებში დამაჯერებელი გამარჯვების შემდეგ გაიზარდა კამალა ჰარისის არჩევნებში გამარჯვების შანსი. კრიპტოვალუტების ბაზარი ამ მოვლენას დაცემით გამოეხმაურა, რადგან ჰარისის პოზიცია კრიპტოვალუტებზე, დონალდ ტრამპის პოზიციისგან განსხვავებით, გაურკვეველი რჩება, აცხადებს Reuters. 

 

ჰარისის მოგებაზე ფსონი დებატების შემდეგ გაიზარდა 53%-დან 56%-მდე, ხოლო ტრამპის შანსები 52%-დან 48%-მდე შემცირდა, იტყობინება Reuters ონლაინ ფსონების საიტ PredictIt-ის მონაცემებზე დაყრდნობით. ჰარისის გამოსვლის შემდეგ და შესაძლოა მას შემდეგ, რაც პოპ-ვარსკვლავმა ტეილორ სვიფტმა გამოუცხადა თავისი მხარდაჭერა ჰარისს 280 მილიონი გამომწერის წინაშე, შემცირდა ალბათობა, რომ ტრამპი, კრიპტოვალუტის მგზნებარე მხარდამჭერი, თეთრ სახლში აღმოჩნდეს. 

ჰარისის გამოსვლის შემდეგ Bitcoin-ის ფასი 1.4%-ით შემცირდა, ხოლო Ethereum-ის - 2.1%-ით. ტრამპი ადრე ცდილობდა მოეპოვებინა კრიპტო ინდუსტრიის მხარდაჭერა შემოწირულობებისა და ხმების სანაცვლოდ უფრო რბილი რეგულაციების დაპირებით. „არასოდეს გაყიდოთ თქვენი Bitcoin-ები“, - განაცხადა მაშინ ტრამპმა და აღნიშნა, რომ არჩევის შემთხვევაში აშშ-ის ხელისუფლება Bitcoin-ებს დაგროვების საშუალებად გამოიყენებს. 

დებატების წინ ბაზრის ბევრმა მონაწილემ და ანალიტიკოსმა განიხილა Bitcoin, როგორც აქტივი, რომელსაც თვალყური უნდა ვადევნოთ, თუ რომელი კანდიდატი მოიპოვებს უპირატესობას. „კრიპტოვალუტა პირდაპირ არ განიხილებოდა აშშ-ის საპრეზიდენტო დებატებზე. თუმცა, ბაზრის განწყობა იცვლება კამალა ჰარისის სასარგებლოდ“, - განაცხადა ვალენტინ ფურნიემ, კვლევით კომპანია BRN-ის ანალიტიკოსმა. 

„ეს ყველაფერი Bitcoin-ის მიმართ ოდნავ ნაკლებად ოპტიმისტურ პერსპექტივას ქმნის, ვიდრე ტრამპის უფრო ენთუზიაზმით გაკეთებული პროგნოზები Bitcoin-ის 2024 წლის კონფერენციაზე“. ყოველივე ამის შემდეგ კრიპტო ბაზარი დიდწილად განიხილება, როგორც სარისკო ბიზნესი მაღალი ცვალებადობით, ხოლო აშშ-ის ფასიანი ქაღალდების და ბირჟის კომისია მუდმივად ადანაშაულებს მის მონაწილეებს ფასიანი ქაღალდების კანონების დარღვევაში. თუმცა, კრიპტოვალუტების მიმზიდველობა ფართო საზოგადოებისთვის გაიზარდა ინსტიტუციონალური ინვესტორების მხარდაჭერის გამო უოლ სტრიტსა და კრიპტო ბირჟაზე ვაჭრობის ფონდების დამტკიცების შედეგად. 

Reuters ასევე აცხადებს, რომ დებატების შემდეგ მსხვილი მაინინგ კომპანიების აქციების ღირებულება, როგორებიცაა Riot Platforms, Marathon Digital და Hut 8, წინასაბაზრო ვაჭრობაში 2%-დან 2.6%-მდე შემცირდა. პროგრამული უზრუნველყოფის შემქმნელის და BTC მყიდველის MicroStrategy-ის აქციების ფასი შემცირდა 3%-ით, ხოლო კრიპტო ბირჟა Coinbase Global-ისა და ბლოკჩეინის ფერმის ოპერატორ Bitfarms-ის აქციები - 2%-ით და 2.5%-ით, შესაბამისად. 

https://tinyurl.com/mr259s72 

 

[George]

იმ მომენტისთვის შეიძლება ეცემოდა ყველაფერი, მაგრამ გუშინ კი წამოვიდა ზევით უკვე ბიტკოინი, გაცდა ისევე 60000$, შემდეგი კვირა იქნება მაგ მხრივ საკმაოთ საინტერესო, 19 სექტემბერს ფედერალების შეკრებაა სადაც უნდა გადაწყდეს interest rate რას უპირებენ ახლო მომავალში, იდეაში უნდა დაანონსონ უკვე interest rate დაწევა, ან ეგრევე დაწიონ, 2020 წლის შემდეგ ძირითადათ იზრდებოდა ეგ მაჩვენებელი კოვიდი რაც დაიწყო მაგის შემდეგ უკვე, ეხლა პირველი დაკლება არისო მოსალოდნელი, მაგი ვითომ გააძლიერებსო დოუ ჯონსის ინდექსაც და ბიტკოინსაც, მაგრამ ეგ ყველაფერი პროგნოზებია, ჯერ არავის არაფერი დაუწევია და რამხელა ეფექტი ექნება მინიმუმ შორტ რანში მაგ ყველაფერს არც ეგააა ჯერ ცნობილი, გამოჩნდება მალე მოკლეთ, მაგრამ მაგის გარშემო შეიძლება დიდი ჰაიპი მოაწყონ ტრეიდერებმა როგორც ჩვევიათ ხოლმე, ანუ იქნება კიდე რამდენიმე აწევ-დაწევა ალბათ ოქტომბრამდე ბიტკოინზე, ჯერ-ჯერობით დოუ ჯონსი მარტო იზრდება ბოლო დღეებში, დაცემით აღარ დაცემულა საერთოდ