Apple-მა წარადგინა A18 და A18 Pro პროცესორები - 30%-მდე უფრო სწრაფი წინამორბედებთან შედარებით

[Magdalena]

Apple-მა წარმოადგინა A18 პროცესორი და მისი უფრო ძლიერი მოდიფიკაცია, A18 Pro. პირველი მათგანი გახდა ახალი iPhone 16 და iPhone 16 Plus სმარტფონების საფუძველი, ხოლო უფროს მოდიფიკაციაზე დამყარებულია ფლაგმანური iPhone 16 Pro და iPhone 16 Max-ები. 

 

ფოტოს წყარო: Apple 

A18 პროცესორი დაფუძნებულია TSMC-ის მეორე თაობის 3-ნანომეტრიან ტექნოპროცესზე. იგი აერთიანებს ორ მაღალი წარმადობის და ოთხ ენერგოეფექტურ ბირთვს, ასევე 16 ნეირონულ ძრავის ბირთვს, რომლებიც, Apple-ის თანახმად, მანქანურ სწავლებაში ორჯერ უფრო ეფექტურია წინა ჩიპებთან შედარებით. ახალი ჩიპი ასევე უზრუნველყოფს მეხსიერების 17%-ით მაღალ სიჩქარეს. 

 

Apple ადარებს A18-ს A16 Bionic-ს, რომელიც გამოიყენება iPhone 15-ში და აღნიშნავს წარმადობის 30%-ით ზრდას ახალ პროცესორში. A18-ის შემადგენლობაში შედის ხუთბირთვიანი გრაფიკული პროცესორი, რომელიც 40%-მდე უფრო სწრაფია, ვიდრე GPU A16 Bionic-ში. ახალი GPU ასევე 35%-ით უფრო ენერგოეფექტურია წინამორბედთან შედარებით. 

 

Apple-ის თქმით A18 უზრუნველყოფს 30%-ით უფრო მაღალ, მდგრად გეიმინგ წარმადობას, ვიდრე წინამორბედები. კომპანიამ ასევე გამოაქვეყნა ახალი სმარტფონების დედა დაფების რამდენიმე სურათი, სადაც ნაჩვენებია კომპონენტების ახალი ოპტიმიზებული განლაგება, რომელიც უფრო ეფექტური გაგრილების საშუალებას იძლევა. 

 

 

Apple-მა აღნიშნა, რომ ახალ ჩიპზე მხარდაჭერილია ანარეკლებისა და ჩრდილების აპარატული რეითრეისინგი და აჩვენა iPhone-ის თამაში Honor of Kings: World, რომელიც დებიუტი იყო iPhone-ზე და მუშაობდა ულტრა პარამეტრებზე iPhone 16-ზე. Apple-მა ასევე აღნიშნა, რომ ყველა AAA თამაში იყო ადრე მხოლოდ iPhone 15 Pro-სა და Pro Max-ზე იყო ხელმისაწვდომი, ახლა კი იმუშავებს ჩვეულებრივ iPhone 16-ზეც. 

 

ფლაგმანურ iPhone 16 Pro-სა და iPhone Pro Max-ში წარმოდგენილია A18 Pro პროცესორი. ის ასევე დამყარებულია TSMC-ის მეორე თაობის 3-ნმ ტექნოპროცესზე და აქვს CPU ბირთვების ანალოგიური კონფიგურაცია: ორი მაღალი წარმადობის და ოთხი ენერგოეფექტური. 

 

პროცესორი შეიცავს ნეიროძრავის 16 ბირთვს, რომელთაც შეუძლია შეასრულოს 35 ტრილიონი ოპერაცია წამში. GPU-ის კონფიგურაცია მოიცავს ექვს ბირთვს. ჩიპი უზრუნველყოფს მეხსიერების 17%-ით მაღალ სიჩქარეს. 

https://tinyurl.com/yjrh6wd4