Apple წარადგენს ახალ iPhone-ებს 10 სექტემბერს, რათა გაყიდვები დაიწყოს 20-ში

[Magdalena]

Apple-ის გეგმების შესახებ ინფორმირებული  მარკ გურმანი ბოლო შტრიხებს ამატებს იდეას, თუ რომელ ახალ პროდუქტებს გამოუშვებს კომპანია ამ შემოდგომაზე. 10 სექტემბერს Apple-მა, მისი თქმით, დაგეგმა წლის ყველაზე დიდი პრეზენტაცია, რომლის დროსაც წარადგენს არა მხოლოდ ახალ iPhone-ს, არამედ მე-10 სერიის Watch-ს, ასევე განახლებულ უსადენო ყურსასმენ AirPods-ს. 

 

ფოტოს წყარო: Apple 

ეს თარიღი Apple-ს საშუალებას მისცემს დაიწყოს iPhone 16 სერიის გაყიდვები ოცი სექტემბრისთვის და კომპანიის შემოსავალზე მიიღოს ამ მოვლენის დადებითი გავლენა მესამე კვარტალში, რომელიც დასრულდება სექტემბრის ბოლოს. Apple-ის პროგნოზით, მისი მესამე კვარტლის შემოსავალი გასულ წელთან შედარებით 5%-ით გაიზრდება. iPhone-ის შემოსავლის ძირითადი ნაწილი მეოთხე კვარტალში იქნება უზრუნველყოფილი - ანალიტიკოსები ვარაუდობენ, რომ ის გაიზრდება 7%-ით წელიწადში 128.4 მლრდ აშშ დოლარამდე. 

Bloomberg-ის ინფორმაციით მოსალოდნელია, რომ iPhone 16 სერიას ექნება უფრო დიდი ეკრანი Pro მოდელებში და კამერის ახალი ფუნქციები, მათ შორის გამოყოფილი ღილაკი გადაღებისთვის. ბუნებრივია, განსაკუთრებული სიახლე იქნება ხელოვნური ინტელექტის ფუნქციები. დანარჩენი თვალსაზრისით iPhone 16 სერია მნიშვნელოვნად არ იქნება განსხვავებული წინამორბედებისგან. 

Apple Watch Series 10-ის მოწყობილობებს ექნება უფრო დიდი ეკრანი, მაგრამ უფრო თხელი კორპუსი. უსადენო ყურსასმენ AirPods-ს რაც შეეხება, შემოდგომაზე წარმოდგენილი იქნება საბაზისო დონის ახალი მოდელი და უფრო ახალი საშუალო დონის ვარიანტი. ყურსასმენის საბაზისო ვერსია 2019 წლის შემდეგ პირველად განახლდება. 

უფრო მოგვიანებით დებიუტისთვის შემოდგომაზე, გურმანის თქმით, Apple ასევე ამზადებს Mac კომპიუტერების ახალ მოდელებს, რომლებიც დამყარებულია M4 სერიის პროცესორებზე. ტესტერების მიერ მოწოდებულ ჟურნალებში უკვე დაფიქსირდა ასეთი კომპიუტერების მინიმუმ ოთხი მოდელი. როგორც მოსალოდნელი იყო, ისინი დაფუძნებულია M4 პროცესორის შედარებით მოკრძალებულ მოდიფიკაციებზე. ამ სიაში შესული Mac-ის სამ მოდელს აქვს 10 ბირთვი, ხოლო ყველაზე უმცროსს - 8. ვარაუდობენ, რომ მათი წარმადობა თანაბრად იყოფა მაღალსიჩქარიან და ეკონომიურად. გამოთვლით ბირთვებს ახლავს გრაფიკული ბირთვების პროპორციული რაოდენობა: უფროს მოდელებს აქვთ 10 GPU, უმცროსებს - 8 GPU. ოპერატიული მეხსიერების მოცულობა მერყეობს 16-დან 32 გბ-მდე. 

ათბირთვიანი პროცესორები აერთიანებს 4 მაღალი წარმადობის გამოთვლით ბირთვს და ექვს ეკონომიურს, ამ მხრივ მათში გამეორებულია iPad Pro-ში გამოყენებული M4 პროცესორი. ამა წლის ბოლოსთვის, Bloomberg-ის თანახმად, Apple-მა უნდა წარადგინოს უფრო კომპაქტური Mac mini, ახალი MacBook Pro და iMac All-in-one კომპიუტერები, რომლებიც დაყარებული იქნება M4 პროცესორებზე. სავარაუდოდ, Apple ამ თაობის კომპიუტერების დაანონსებას დაიწყებს არა უადრეს ოქტომბრისა.  

https://tinyurl.com/439p86tu