ევროპაში Ryzen 9000-ზე არსებულმა დაბალმა მოთხოვნამ განაპირობა ოფიციალური ფასის კლება გაყიდვების პირველივე კვირაში

[Magdalena]

საცალო სავაჭრო ობიექტებმა გერმანიაში დაბალი მოთხოვნის გამო Ryzen 9 9900X პროცესორების ფასების შემცირება დაიწყეს. ფრანგული გამოცემა Hardware & Co-ს ცნობით Ryzen 9 9900X მოდელის ღირებულება, რომელიც ახლახანს გამოვიდა გაყიდვაში, იყო 539 ევრო გერმანიაში და ოდნავ უფრო ძვირი - საფრანგეთში (დღგ-ს გამო). თუმცა გერმანელმა საცალო მოვაჭრეებმა უკვე დაიწყეს მითითებული პროცესორის ჩამოფასება და ის ამჟამად იყიდება 499 ევროდ, რაც სარეკომენდაციო ფასზე 7.4%-ით ნაკლებია. 

 

ფოტოს წყარო: ComputerBase 

პორტალ VideoCardz-ის თანახმად გერმანიის ბაზარზე ძალიან ძლიერი კონკურენციაა AMD პროცესორების გაყიდვების სეგმენტში. არცერთ ევროპულ ქვეყანას არ აქვს AMD-ის პროდუქციის ამდენი ოფიციალური საცალო სავაჭრო დაწესებულება (მონაცემები თავად AMD-ის ოფიციალური ვებ-გვერდიდანაა). ეს ნიშნავს იმას, რომ ამ მაღაზიებიდან ბევრი მუშაობს ძალიან დაბალ მარჟაზე. 

ComputerBase-ის მიხედვით გერმანიაში Ryzen 9000 პროცესორების სხვადასხვა მოდელის ფასების დიაპაზონი 309 ევროდან 709 ევრომდე უნდა მერყეობდეს, მაგრამ გამყიდველები უკვე ამცირებენ ფასებს ჩიპებზე - მათი ფასი ოფიციალური ფასი 1.4-დან 7.4%-მდე დაეცა. კერძოდ, ახალი Ryzen 9 9900X ახლა შემოთავაზებულია 499 ევროდ (446$ დღგ-ს გარეშე). 

ცხადი ხდება, რომ თავად Ryzen 9000 პროცესორებმა ვერ გამოიწვა მნიშვნელოვანი ენთუზიაზმი პოტენციური მყიდველებისგან, ყოველ შემთხვევაში, გერმანიაში. როგორც პირველი მიმოხილვები აჩვენებს, წარმადობის ზრდა, განსაკუთრებით კი თამაშებში, მინიმალურია ახალ ჩიპებში წინა თაობის მოდელებთან შედარებით.  

 

თუ გადავხედავთ მსხვილ გერმანულ საცალო მოვაჭრე Mindfactory-ის გაყიდვების უახლეს სტატისტიკას, შეინიშნება, რომ ქსელმა ჯერჯერობით გაყიდა მხოლოდ რამდენიმე ათეული ახალი პროცესორი. ასე რომ, საცალო სავაჭრო პლატფორმის ოფიციალური ვებ-გვერდის მიხედვით (სურათებში ზემოთ და ქვემოთ), Ryzen 5 9600X მოდელი გაიყიდა 20 ერთეულზე ცოტა მეტი რაოდენობით, Ryzen 7 9700X მოდელი იყიდა 50-ზე მეტმა ადამიანმა, Ryzen 9 9900X მოდელი იყიდა 10-ზე მეტმა ადამიანმა, ხოლო ფლაგმანური Ryzen 9 9950X სულ რაღაც 60-ზე მეტმა ადამიანმა შეიძინა. 

 

როგორც VideoCardz წერს, შეერთებულ შტატებში საცალო მოვაჭრეები, ყოველ შემთხვევაში, მსხვილი დაწესებულებები, ჯერ კიდევ არ იღებენ სასოწარკვეთილ ზომებს პროცესორებზე ფასების შემცირების სახით. მაგრამ Ryzen 9 9000 სერიის ჩიპების ფასები უპირობოდ შემცირდება უახლოეს თვეებში, რადგან სავარაუდოდ მალე გამოჩნდება „სუფთა“ გეიმერული Ryzen 9000X3D. 

https://tinyurl.com/2uescwab