Intel-მა წარადგინა საავტომობილო ვიდეო ბართი Arc A760A - 28 Xe ბირთვი და 16 გბ მეხსიერება

[Magdalena]

Intel-მა წარმოადგინა Alchemist არქიტექტურაზე დამყარებული დისკრეტული გრაფიკული ამაჩქარებელი Arc A760A, რომელიც განკუთვნილია საავტომობილო ინდუსტრიისთვის - პრეზენტაცია შედგა ჩინეთში ღონისძიება AI Cockpit Innovation Experience-ზე. ახალი პროდუქტი შეავსებს მანქანის ბორტ კომპიუტერს და დაამუშავებს ხელოვნურ ინტელექტთან დაკავშირებულ ამოცანებს. 

 

Intel მოელის, რომ მისი SDV (Software Defined Vehicles) აპარატული პლატფორმა გავრცელდება ბევრ მანქანაში, საშუალო და პრემიუმ კლასის მოდელების სხვადასხვა დონის აღჭურვილობაში. ვიდეო ბარათი შექმნილია ძირითადად ხელოვნური ინტელექტის სისტემებიდან მონაცემების დასამუშავებლად. „ Intel-ის სტრატეგია არის ხელოვნური ინტელექტის სიმძლავრის მიწოდება ყველა ზომისა და ფორმის მოწყობილობებზე და ჩვენ მოხარული ვართ ამ შესაძლებლობებით და ჩვენი ფართო ღია AI-ეკოსისტემის გამოყენებით საავტომობილო ინდუსტრიაში. ჩინეთის ელექტრომობილების განვითარების სწრაფი ტემპი და უახლესი ტექნოლოგიების დანერგვა მას იდეალურ საცდელ პოლიგონად აქცევს ჩვენი შემდეგი თაობის ტექნოლოგიებისთვის“, - განაცხადა Intel Automotive-ის ვიცე-პრეზიდენტმა და გენერალურმა მენეჯერმა ჯეკ უესტმა (Jack Weast). 

Intel Arc Graphics for Automotive A760A დისკრეტული გრაფიკული ბარათი წარმოდგენილია 28 Xe ბირთვის მქონე გრაფიკული პროცესორით, 2რეითრეისინგია აჩქარების 28 ერთეულით და 448 XMX/Vector Engine ერთეულით, ხოლო ტაქტის სიხშირეა 1953 მჰც - შედარებისთვის Arc A750-ის სიხშირე 2.05 გჰც-ია. ხელმისაწვდომია 16 გბ ვიდეო მეხსიერება 256-ბიტიანი სალტეთი. ბარათის დასაკავშირებლად გამოიყენება PCIe 4.0 x16 ინტერფეისი. GPU უზრუნველყოფს 14 Tflops-ამდე ერთჯერადი სიზუსტის (FP32) წარმადობას. 

გრაფიკული ბარათის ხელოვნური ინტელექტის შესაძლელობები უზრუნველყოფს 229 TOPS წარმადობას, რაც საშუალებას იძლევა ერთდროულად გაეშვას AAA თამაშები და AI PC აპლიკაციები. ავტოინდუსტრიის შემთხვევაში, ეს ნიშნავს ხელოვნური ინტელექტის დამხმარეებს, რომლებიც იყენებენ ენის დიდ მოდელებს, სამგანზომილებიანი მომხმარებლის ინტერფეისის დახატვას, ექვსამდე კამერას და ოთხ დისპლეისთან დაკავშირებას. გრაფიკული ბარათი მოიხმარს 225 ვატამდე ენერგიას, მხარდაჭერილია პოპულარული ვიდეო ფორმატების კოდირება და დეკოდირება, მათ შორისაა HEVC, VP9 და AV1. Intel A760A გამოვა 2025 წლის დასაწყისში, ჯერჯერობით არცერთ ავტომწარმოებელს არ განუცხადებია მისი გამოყენების განზრახვის შესახებ. 

https://tinyurl.com/3ave5sep