წელს AI-კომპიუტერები ბაზრის 2%-ს დაიკავებენ, ხოლო ოთხ წელიწადში - 64%-ს

[Magdalena]

როდესაც ბაზარზე შემოდის პერსონალური კომპიუტერები ხელოვნური ინტელექტის სისტემებისთვის ლოკალური აჩქარების ფუნქციებით, იზრდება იმ ადამიანთა რიცხვი, რომელთაც სურთ ბაზრის გაფართოების ტემპის თავიანთი პროგნოზის ჩამოყალიბება. Morgan Stanley-ის ექსპერტები თვლიან, რომ წელს ასეთი კომპიუტერები მთელი ბაზრის 2%-ს დაიკავებენ, ხოლო 2028 წლისთვის მათი წილი 64%-მდე გაიზრდება. 

 

ფოტოს წყარო: Lenovo 

მათი აზრით, რომელსაც ბევრი სხვა ექსპერტი იზიარებს, თავდაპირველად ე.წ. AI კომპიუტერები ყველაზე პოპულარული იქნება კორპორატიულ სეგმენტში, რადგან ბიზნეს მომხმარებლები უფრო მეტად არიან დაინტერესებულნი წარმადობის გაზრდით, რისი უზრუნველყოფა სწორედ AI სისტემებს შეუძლია. ასეთი კომპიუტერების საშუალო ღირებულება არ იქნება 1000 აშშ დოლარზე ნაკლები, ამიტომ კერძო მომხმარებლების მხრიდან მათზე მოთხოვნა შეზღუდული იქნება. 

როგორც Morgan Stanley-ის ანალიტიკოსები აღნიშნავენ, ამჟამად გამოყენებული კორპორატიული კომპიუტერების რაოდენობა 13%-ით გაიზარდა კოვიდ-პანდემიამდელი პერიოდის შემდეგ არსებულთან შედარებით. ამავდროულად, მომავალი წლის ოქტომბრისთვის Windows 10-ის მხარდაჭერის დასრულების მოახლოების ფონზე კორპორატიული სეგმენტი დაიწყებს მოწყობილობების განახლების ციკლს. ფაქტობრივად, ეს ტენდენცია მიმდინარე წლის პირველ კვარტალში უკვე შესამჩნევი იყო. მოთხოვნა გაიზრდება როგორც წლის მომდევნო ნახევარში, ასევე 2025 წლის განმავლობაში. გამოკითხვის თანახმად აშშ-სა და ევროპაში კორპორაციების ხელმძღვანელების 75% გეგმავს კომპიუტერების შეძენას ხელოვნური ინტელექტის სისტემების აჩქარების ფუნქციით. 

Morgan Stanley-ის ექსპერტები ვარაუდობენ, რომ მიმდინარე წლის ბოლოსთვის ხელოვნური ინტელექტის მქონე კომპიუტერების წილი არ გადააჭარბებს გლობალური კომპიუტერების ბაზრის 2%-ს. მომავალ წელს იგი 16%-მდე გაიზრდება, ერთი წლის შემდეგ - 28%-მდე, 2027 წელს 48%-მდე, 2028 წელს კი 64%-მდე გაიზრდება. კომპიუტერების ბაზარს მთლიანობაში ჯერ არ მიუღწევია პანდემიამდელი დონისთვის. 2021 წელს 343 მილიონი კომპიუტერი იქნა მიწოდებული, 2022 წელს მიწოდების მოცულობა 284 მილიონ ერთეულამდე შემცირდა, ხოლო გასულ წელს კიდევ უფრო მეტად, 247 მილიონ ერთეულამდე შემცირდა. 

მოსალოდნელია, რომ ხელოვნური ინტელექტის სისტემების გამოთვლითი დატვირთვის ნაწილის გადატანას კომპიუტერის ცენტრალურ პროცესორებზე მომდევნო სამი წლის განმავლობაში თან ახლდება ქლაუდ ინფრასტრუქტურაზე დატვირთვის შემცირება. ეს განსაკუთრებით დამახასიათებელია კორპორატიული სეგმენტისთვის, რომელიც დაინტერესებულია მოთხოვნების დამუშავების შეფერხების შემცირებით და რაც მთავარია, უსაფრთხოების მიზნით ცდილობს სენსიტიური ინფორმაციის ლოკალურ დამუშავებას. Dell-ის ხელმძღვანელობის თქმით მოთხოვნების ლოკალური დამუშავება, რომელიც გულისხმობს ლოგიკური დასკვნების ფორმირებას, 75%-ით იაფი იქნება, ვიდრე ქლაუდზე გადასვლა. კორპორატიული სეგმენტის წარმომადგენლები, Michael Dell-ის თქმით, მიმდინარე წელს უკვე შეეცდებიან გამოთვლითი დატვირთვები ქლაუდიდან ადგილობრივ ინფრასტრუქტურაზე გადაიტანონ შემთხვევების 83%-ში, თუ კვლევის შედეგებს დავუჯერებთ. 

https://tinyurl.com/cpsvmhvm