AMD-მ წარადგინა EPYC 4004 დესკტოპ პროცესორები - Socket AM5, 16-მდე Zen 4 ბირთვი და ინტეგრირებული გრაფიკა

[Magdalena]

AMD-მ წარმოადგინა Zen 4 არქიტექტურაზე დაფუძნებული EPYC 4004 პროცესორების სერია, რომელიც განკუთვნილია მცირე და საშუალო ბიზნესისთვის. EPYC 4004 ჩიპების საინტერესო მახასიათებელი ის არის, რომ სასერვერო სეგმენტისთვის განკუთვნილი სხვა EPYC პროცესორებისგან განსხვავებით ახალ პროდუქტებს სჭირდება ჩვეულებრივი დედა დაფები Socket AM5 პროცესორის სოკეტით, რაც მნიშვნელოვნად ამარტივებს მათ ინტეგრაციას. 

 

ფოტოს წყარო: AMD 

EPYC 4004 სერია მოიცავს ჩიპებს ბირთვების რაოდენობით 4-დან 16-მდე, 8-დან 32-მდე ვირტუალური ნაკადით, საბაზისო სიხშირით 3.7-დან 4.5 გჰც-მდე, მაქსიმალური სიხშირით 5.1-დან 5.7 გჰც-მდე და ნომინალური TDP-ის დონით - 65-დან 170 ვატამდე. 

 

 

ახალი სერიის ორ ჩიპს (12-ბირთვიანი 4484PX და 16-ბირთვიანი 4584PX) აქვს დამატებითი 3D V-Cache, რის შედეგად მთლიანი L3 ქეშის მოცულობა 128 მბ-ს მიაღწევს. სხვა მოდელების L3 ქეშის მოცულობა მერყეობს 16-დან 64 მბ-მდე. ასევე, EPYC 4004 პროცესორები წარმოდგენილია RDNA 2 არქიტექტურაზე დამყარებული ინტეგრირებული გრაფიკით. 

 

EPYC 4004-ზე მხარდაჭერილია 192 გბ-მდე ორარხიანი DDR5-5200 ოპერატიული მეხსიერება ECC შეცდომის კორექტირებით, 28 PCI Express 5.0 არხი, ასევე AMD RAIDXpert2 ტექნოლოგიები RAID-მასივების შესაქმნელად და TSME დაშიფვრისთვის. 

შედარება Intel Xeon E-2400-თან: 

 

AMD EPYC 4004 სერიის პროცესორებს Intel Xeon E-2400 ჩიპებთან ადარებს. AMD პროცესორები გვთავაზობენ ორჯერ მეტ ბირთვს, შედარებით სიიაფეს თითო ბირთვზე, აქვთ უფრო მაღალი საბაზისო და მაქსიმალური სიხშირეები და მხარდაჭერილია უფრო სწრაფი და ტევადი ოპერატიული მეხსიერება. AMD ჩიპების უპირატესობაა აგრეთვე მეტი წარმადობა გამოყენების სხვადასხვა სცენარში. 

EPYC 4004 პროცესორების ფასი მერყეობს 149 აშშ დოლარიდან (ოთხბირთვიანი 4124P) 699 აშშ დოლარამდე (16-ბირთვიანი EPYC 4564P და EPYC 4584X 3D V-Cache-ით). ახალი პროცესორები უკვე გაყიდვაშია. 

https://tinyurl.com/yx352cmk