სამომავლო iPhone-ებს Google Gemini ნეიროქსელი ექნება

[Magdalena]

Apple-ის აღმასრულებელ დირექტორ ტიმ კუკის დაპირებებით, რომ წლის ბოლომდე ხელოვნური ინტელექტის სისტემებთან დაკავშირებით მნიშვნელოვან განცხადებას გააკეთებდა, ალბათ ბევრი დაინტერესდა, მაგრამ ცოტას შეეძლო წარმოედგინა, რომ კომპანია კონკურენტებთან თანამშრომლობას დაიწყებდა. Bloomberg-ის თანახმად, Google-ის პლატფორმა Gemini შეიძლება გახდეს iPhone-ის ზოგიერთი ახალი ფუნქციის საფუძველი, რომელთა წარდგენა შემოდგომაზეა მოსალოდნელი. 

 

ფოტოს წყარო: Unsplash, Steve Johnson 

Bloomberg-ის წყაროებმა განაცხადეს, რომ Google და Apple აწარმოებენ აქტიურ მოლაპარაკებებს ხელოვნური ინტელექტის პლატფორმა Gemini-ს ლიცენზირებაზე მეორე Apple-ის მოწყობილობებში გამოსაყენებლად. Apple-მა ცოტა ხნის წინ ჩაატარა მსგავსი მოლაპარაკებები OpenAI-თან, იმ იმედით, რომ გამოიყენებდა ამ წარმატებული სტარტაპის განვითარებას ხელოვნური ინტელექტის სფეროში. 

თუ Google-ს დავუბრუნდებით, საძიებო გიგანტის თანამშრომლობა Apple-თან სხვა ფორმით უკვე მრავალი წელია გრძელდება - პირველი კომპანია ფულს იხდის Safari ბრაუზერში თავისი საძიებო სისტემის default-ად გამოყენების უფლებისთვის, რომელიც Apple-ის ბევრ მოწყობილობაზეა დაყენებული. ჯერ არ არსებობს მკაფიო შეთანხმება Gemini-ს გამოყენების პერსპექტივასთან დაკავშირებით. 

რა თქმა უნდა, Apple ამზადებს სპეციფიკურi ხელოვნური ინტელექტის ფუნქციებს თავისი მოწყობილობებისთვის. როგორც ინფორმირებული წყაროები აღნიშნავენ, Apple-ის საკუთარი ჩატ-ბოტები და სხვა აქტუალური ნამუშევრები ფუნქციონირებითა და სიზუსტით ჩამორჩება გარე მხარის გადაწყვეტილებებს. კერძოდ, გასული წლის დასაწყისიდან Apple აწარმოებს საკუთარ ენის დიდ მოდელს, კოდური სახელწოდებით Ajax. ზოგიერთმა თანამშრომელმა ასევე გატესტა Apple-ის საბაზისო ჩატ-ბოტი Apple GPT. 

ამ ფონზე Apple-ს სჭირდება პლატფორმა, რომელიც მუშაობს ქლაუდში და ამ სფეროში Google-თან თანამშრომლობას სწორედ რომ აქვს აზრი. Google-ისთვის მსგავსი გარიგება ასევე მომგებიანია, რადგან ამჟამად Apple-ის 2 მილიარდზე მეტი მოწყობილობა გამოიყენება მთელ მსოფლიოში. კონკურენტმა Samsung-მა კი იანვარში გამოაცხადა Google Gemini-ის გამოყენების შესახებ ახალი თაობის სმარტფონებში. 

ერთადერთი, რამაც შესაძლოა დაჩრდილოს Apple-ისა და Google-ის შესაძლო თანამშრომლობა ამ სფეროში, არის მარეგულირებლების ყურადღება. ყოველ შემთხვევაში, აშშ-ის იუსტიციის სამინისტრო უკვე იძიებს Apple-ისა და Google-ის თანამშრომლობის ფაქტს საძიებო სისტემის გამოყენების სფეროში. ამ სფეროში Apple-ის მიმართ პრეტენზიები ევროპელ ოფიციალურ პირებსაც აქვთ. დიდი ალბათობით, თუ Google-თან გარკვეული ახალი შეთანხმებები იქნება მიღწეული, Apple სავარაუდოდ არ გააკეთებს შესაბამის განცხადებებს ივნისამდე, სანამ არ გაიმართება დეველოპერებისთვის განკუთვნილი კონფერენცია WWDC 2024. 

https://tinyurl.com/3f2czbbb