Intel 14 მარტს გამოუშვებს Core i9-14900KS პროცესორს 6.2 გჰც-მდე სიხშირით და გაზრდილი ენერგომოხმარებით

[Magdalena]

რჩეული ფლაგმანური პროცესორი Intel Core i9-14900KS 14 მარტს იქნება წარმოდგენილი და გაყიდვაში იმავე დღეს გამოვა, აცხდებს VideoCardz. როგორც ჩანს, ახალი პროდუქტი იქნება ბოლო მნიშვნელოვანი პროცესორი Intel LGA 1700 პლატფორმისთვის. 

 

ფოტოს წყარო: VideoCardz 

ჩვეულებრივი Core i9-14900K-ს მსგავსად Core i9-14900KS-საც აქვს 24 ბირთვი (8 მაღალი წარმადობის და 16 ენერგოეფექტური) 32 ვირტუალური ნაკადის მხარდაჭერით. პროცესორი წარმოდგენილი იქნება ჩვეულებრივი მუყაოს კოლოფით, Core i9-14900K მოდელის შეფუთვის მსგავსად. ძირითადი განსხვავება შეფუთვებს შორის იქნება წარწერა „Special Edition“ KS მოდელზე. 

 

ფოტოს წყარო: pakhtunov/OCN 

ჩვეულებრივი Core i9-14900K მოდელისგან Core i9-14900KS განსხვავდება 200 მჰც-ით გაზრდილი ტაქტის სიხშირით. ახალი პროცესორი შეძლებს 6.2 გჰც-მდე ავტომატურ აჩქარებას 6.0 გჰც-ის ნაცვლად, თუმცა 6.2 გჰც სიხშირე მიღწეული იქნება მხოლოდ ერთ ბირთვზე. ჩიპის საბაზისო სიხშირე უცვლელია და შეადგენს 3.2 გჰც-ს. ახალ ჩიპს ექნება ნომინალური სიმძლავრის უფრო მაღალი ზღვარი და შეადგენს 150 ვატს Core i9-14900K-ის 125 ვატისგან განსხვავებით. 

 

Intel-ს ჯერ ოფიციალურად არ დაუდასტურებია Core i9-14900KS-ის გამოშვების გეგმა, თუმცა ასეთი მარკეტინგული მიდგომა დამახასიათებელი იყო მისი რჩეული ფლაგმანური პროცესორების სპეციალური ვერსიების ყველა წინა გამოშვების შემთხვევებისთვის. ასევე უცნობია Core i9-14900KS-ის ფასი. ორი წინა რჩეული ფლაგმანის, Core i9-12900KS-სა და Core i9-13900KS-ის ფასი 739 აშშ დოლარს შეადგენდა. 

https://tinyurl.com/2nbmpspw