Samsung-მა ფლაგმანების მსგავსად შეწყვიტა დაბალბიუჯეტური სმარტფონების დამტენებით დაკომპლექტება

[Magdalena]

როდესაც Apple-მა შვიდი წლის წინ iPhone-ში აუდიოკონექტორი გააუქმა, სმარტფონების ბევრმა მწარმოებელმა ეს გადაწყვეტილება სასაცილოდ მიიჩნია, მაგრამ მალე 3.5-მილიმეტრიანი აუდიოკონექტორი მათი გაჯეტებიდანაც გაქრა. იგივე ხდება კომპლექტში შემავალ დამტენ მოწყობილობებთან დაკავშირებითაც - Apple-ის მსგავსად ბევრმა ვენდორმა ამოიღო დამტენები თავიანთი ფლაგმანების შეფუთვებიდან. კომპანია Samsung-მა, როგორც ჩანს, მსგავსი პრაქტიკა დაბალბიუჯეტურ მოდელებზეც გაავრცელა. 

 

ფოტოს წყარო: twitter.com/AhmedQwaider888 

ინტერნეტ ინფორმატორ Ahmed Qwaider-ის მონაცემებით, რომელმაც Twitter-ზე გამოაქვეყნა Samsung Galaxy A14-ის შეფუთვის ფოტოები, დაბალბიუჯეტური მოდელი წარმოდგენილია დამტენი მოწყობილობის გარეშე - არც ისე საუკეთესო მახასიათებლით, რომელიც ფლაგმანებთან მიმართებაში გამოიყენებოდა. ყუთის ზომიდან გამომდინარე მასში სმარტფონისა და დოკუმენტაციის გარდა მხოლოდ USB Type-C სადენისთვის თუ იქნება ადგილი დარჩენილი - სხვა ნივთისთვის სივრცე ფიზიკურად არ არის. აღსანიშნავია, რომ ჩინური ბრენდები ამდრომდე აკომპლექტებენ დამტენებით დაბალ და საშუალობიუჯეტურ სმარტფონებს, ზოგიერთი კომპანია კი - ფლაგმანებსაც. 

ვენდორები აცხადებენ, რომ სმარტფონების დამტენის გარეშე მიწოდების გადაწყვეტილება აიხსნება ნარჩენების შემცირების მიზნით, მაგრამ მათი უმეტესობა დამტენებს ცალკე შეფუთვებში ყიდის, რაც ირიბად ხელს უწყობს გარემოს დაბინძურებას. ამავე დროს კომპანიები მოგებას ნახულობენ იმის ხარჯზეც, რომ სმარტფონები მოცემულია უფრო კომპაქტურ ყუთებში - შესაბამისად, სატრანსპორტო კონტეინერებში მეტი ერთეული ეტევა, რისი წყალობით თვალშისაცემად მცირდება მიწოდების ღირებულება. ამავდროულად, კომპანიები ცალკე შემოსავალს იღებენ დამტენების გაყიდვით. 

 

ფოტოს წყარო: twitter.com/AhmedQwaider888 

Galaxy A14 4G-ს პრემიერა გასულ თვეში შედგა. გარკვეულ ბაზრებზე დასტურდება ინფორმაცია, რომ სმარტფონს მოყვება მხოლოდ ინსტრუქცია და დამტენი სადენი დამტენი მოწყობილობის გარეშე. თუმცა არ არის გამორიცხული, რომ გამოდიოდეს კომპლექტაციის ორი ვარიანტი - ზოგ პლატფორმაზე წარმოდგენილია მოდელები, რომელთა აღწერაში შედის დამტენი მოწყობილობაც. 

https://tinyurl.com/5x8x35zx