28 ნოემბერს SpaceX გაუშვებს იაპონურ კომპანია Ispace-ის მთვარის მოდულ Hakuto-R-ს

[Magdalena]

იაპონურ კომპანია Ispace-ის მთვარის მოდულ Hakuto-R-ის გაშვება 28 ნოემბერს მოხდება. ამ მისიის წარმატებული რეალიზების შემთხვევაში ისტორიაში პირველად ჩვენი პლანეტის თანამგზავრზე განთავსდება კერძო კომპანიის მოდული. კოსმოსში სასარგებლო ტვირთის გატანისთვის გამოყენებული იქნება ამერიკულ კომპანია SpaceX-ის რაკეტა. 

 

ფოტოს წყარო: Ispace 

მოდული Hakuto-R კოსმოსში გაეშვება რაკეტა Falcon 9-ის მეშვეობით, რომელიც ფლოდიაში არსებული კეიპ კანავერალის კოსმოსური საფრენი პლატფორმიდან აფრინდება. მთვარემდე მოგზაურობა გაგრძელდება რამდენიმე თვე - მომავალი წლის აპრილში Hakuto-R მთვარის ზედაპირზე უნდა დაეშვას. იაპონური მოდული მთვარეზე წაიღებს არაბთა გაერთიანებულ ემირატებში აწყობილ მინიატურულ როვერს, სახელწოდებით Rashid. მას გამოიყენებენ გარემოს შესწავლისთვის მაღალი გაფართოების კამერების, თერმოგამომსახველის და სხვა აღჭურვილობის მეშვეობით. 

 

პარალელურად მუშავდება მთვარის კიდევ რამდენიმე პროექტი. NASA-მ კონტრაქტი დადო კომპანია Intuitive Machines-თან მთვარის აპარატ Nova-C-ს გაგზავნასთან დაკავშირებით. ამ მისიის დაწყება 2023 წლის მარტისთვისაა დაგეგმილი, გარდა ამისა, კომპანია Astrobotic-ის მთვარის მოდული Peregrine კოსმოსში გაიგზავნება მომავალი წლის პირველ კვარტალში. ამ დროისთვის უცნობია, ამ მოწყობილობებიდან პირველი რომელი მიაღწევს მთვარის ზედაპირს. 

https://tinyurl.com/4bddamp8