Intel-მა გამოუშვა Optane P5810X - ბოლო SSD 3D XPoint მეხსიერებით

[Magdalena]

კომპანია Intel-მა დაიწყო Optane P5810X SSD-ების მიწოდება. ტექნოლოგიური გიგანტისთვის, სავარაუდოდ, ეს არის ენერგოდამოკიდებულ მეხსიერება 3D XPoint-ზე დამყარებული SSD-ების ბოლო სერია. 

 

ფოტოს წყარო: Intel 

მიმდინარე წლის ივლისში Intel-მა გადაწყვიტა შეეზღუდა ასეთი მოწყობილობების გამოშვება და თავი დაეღწია ბიზნესის ამ სფეროსთვის. 2020 წელს კომპანიამ განაცხადა, რომ 500 მლნ აშშ დოლარზე მეტი დაკარგა 3D XPoint მეხსიერებისა და მათზე დაფუძნებული Optane SSD-ების გამოშვებით. 

Intel Optane P5810X SSD სერია მოიცავს 400 გბ და 800 გბ მოდელებს. ისინი იწარმოება 2.5-დუიმიანი U.2 მოწყობილობის ფორმ-ფაქტორით და აქვთ PCI Express 4.0 x4 ინტერფეისი. 

 

კომპანია აცხადებს, რომ თანმიმდევრული წაკითხვის სიჩქარეა 7200 მბ/წმ ორივე მოდელში, ხოლო თანმიმდევრული ჩაწერის სიჩქარე - 5400 მბ/წმ 800 გბ ვერსიის შემთხვევაში და 6000 მბ/წმ - 400 გბ მოდელში. ახალი პროდუქტების შემთხვევითი წაკითხვისა და ჩაწერის ოპერაციების შესრულების მაჩვენებელი არის 1.5 და 1.38 მილიონი IOPS, შესაბამისად. რაც შეეხება SSD რესურსს, მათი DWPD ინდიკატორი (სრული გადაწერების რაოდენობა დღის განმავლობაში) 100-ის ტოლია. მოწყობილობას აქვს მწარმოებლის ხუთწლიანი გარანტია. 

Optane P5810X SSD-ების ღირებულების შესახებ არაფერია ცნობილი. ასევე გაურკვეველია, რამდენ ხანს გეგმავს კომპანია მათ მიწოდებას. 

https://tinyurl.com/yfybpe7e