დრეკადი ეკრანის მქონე დასაკეც Samsung Galaxy Z Flip 4-ს ექნება Snapdragon 8 Gen 1 Plus და უფრო დიდი მოცულობის ბატარეა, ვიდრე Flip 3-ს

[Magdalena]

ინტერნეტ-წყაროების ინფორმაციით კომპანია Samsung ამზადებს მომდევნო თაობის დასაკეც სმარტფონს, რომელსაც დრეკადი დისპლეი ექნება. ახალი სმარტფონი ჩაანაცვლებს მოდელ Galaxy Z Flip 3-ს. 

 

ფოტოებზე: Galaxy Z Flip 3 

სამომავლო სმარტფონი ამჟამად ფიგურირებს არაოფიციალური დასახელებით Galaxy Z Flip 4 (კოდი SM-F721). მიიჩნევა, რომ Galaxy Z Flip 3-თან შედარებით ახალ სმარტფონში გაიზრდება ბატარეის მოცულობა: იგი იქნება 3400 მა/სთ წინა მოდელის 3300 მა/სთ-სგან განსხვავებით. 

 

სმარტფონში სავარაუდოდ წარმოდგენილი იქნება პროცესორი Qualcomm Snapdragon 8 Gen 1 Plus. დიდი ალბათობით, ამ ჩიპს ექნება Snapdragon 8 Gen 1-ის მსგავსი არქიტექტურა: რვა ბირთვი ტაქტის სიხშირით 3.0 გჰც-მდე, მეშვიდე თაობის ხელოვნური ინტელექტის ძრავი Qualcomm AI Engine, ახალი თაობის გრაფიკული ამაჩქარებელი Adreno და მოდემი Snapdragon X65 5G. ამასთან, გაიზრდება გამომთვლელი ბირთვებისა და გრაფიკული ნოუდების მაქსიმალური სიხშირეები. 

არაოფიციალური ცნობების თანახმად Galaxy Z Flip 4-ს ექნება 6.7-დუიმიანი დრეკადი დისპლეი და 1.9-დუიმიანი დამხმარე გარე ეკრანი. სმარტფონის სხვა მახასიათებლები ჯერ არ ხმაურდება. 

https://tinyurl.com/2p8rccpx