NVIDIA-ს პარტნიორები ემზადებიან GeForce RTX 3060 Ultra-ს გამოშვებისთვის - 12 გბ GDDR6 და ფასი დაახლოებით 450 $

[Magdalena]

როგორც ჩანს, NVIDIA ნამდვილად აპირებს გამოუშვას GeForce RTX 3060 დაფის კიდევ ერთი ვერსია - GeForce RTX 3060 Ultra. ინტერნეტ-წყაროებმა გააზიარეს ASUS-ის მიერ დამზადებული ასეთი დაფის არატრადიციული ვერსიის სურათები. ახალი ვიდეო დაფის მთავარი მახასიათებელი იქნება 12 გბ GDDR6 ვიდეო მეხსიერების არსებობა. ცნობილია, რომ GeForce RTX 3060 Ultra-ს თავდაპირველად უნდა დარქმეოდა უბრალოდ GeForce RTX 3060. 

 

რესურს Wccftech-მა გააზიარა ASUS-ის მიერ დამზადებული, ჯერ არგამოსული GeForce RTX 3060 Ultra ვიდეო დაფის ფოტოები (მოდელი TUF-RTX3060U-O12G-Gaming). როგორც შეფუთვაზე არსებული წარწერა მოწმობს, ეს ამაჩქარებელი უნიკალური იქნება 12 გბ ვიდეომეხსიერებით იმის ფონზე, რომ მოდელების ხაზში მას ზემოთ დგას ვიდეო დაფები GeForce RTX 3060 Ti, GeForce RTX 3070 და GeForce RTX 3080 ნაკლები მოცულობის ვიდეომეხსიერებით (8 ან 10 გბ). დიდი ალბათობით, ამ ფაქტით შესაძლებელია აიხსნას ის, რომ პერსპექტივაში GeForce RTX 3000-სერიაში ასევე შევა GeForce RTX 3070 და GeForce RTX 3080 დაფების Ultra-ვერსიები დიდი მოცულობის მეხსიერებით. 

 

 

წყაროს თანახმად, ASUS ერთდროულად ამზადებს GeForce RTX 3060 Ultra-ს რამდენიმე ვერსიას, მათ შორის, ფლაგმანური ROG Strix სერიის ფარგლებში. რაც შეეხება TUF Gaming GeForce RTX 3060 Ultra-ს, ამ დაფას ექნება გაგრილების მასიური სისტემა სამი ქულერით. არსებული ფოტოების მიხედვით თუ ვიმსჯელებთ, ის კომპიუტერის კორპუსში იგი გაფართოების ორნახევარ სლოტს დაიკავებს. სამწუხაროდ, ვიდეო დაფის კვების ქვესისტემის კონფიგურაციის შესახებ ჯერ არაფერია ცნობილი. თუკი TUF Gaming სერიის სხვა მოდელების მაგალითს მიჰყვება, მასთანაც შესაძლოა გამოიყენებულ იქნას ერთი ან ორი 8-პინიანი დამატებითი კვების კონექტორი. რაც შეეხება ვიდეო კონექტორებს, დაფას ექნება ერთი HDMI ინტერფეისი და სამი DisplayPort. 

მითითებულია, რომ GeForce RTX 3060 Ultra-ს ეტალონური ვერსიის სარეკომენდაციო ღირებულება იქნება 449 აშშ დოლარი. ახალი პროდუქტის ანონსი მოსალოდნელია 12 იანვარს დაგეგმილ NVIDIA-ს ღონისძიების ფარგლებში. 

http://bit.ly/393Qc1t 

[George]

საინტერესო ფასი და კონფიგურაცია აქვს 3060Ti VS 3060 ultra, ვნახოთ აბა რომელი უფრო კარგ ფპს დადებს და უფრო სწრაფი იქნება მაინინგში, ფასში რამე დიდი სხვაობა არაა და მაგიტომ, ახალს 12გბ VRAM ძველ მოდელს მარტო 8გბ მაგრამ წარმადობაზე კუდა კორები და სხვა პარამეტრებიც მოქმედებს კარტის, ზოგადათ ულტრა შეიძლება უფრო მაღალი VRAM იყოს და 3070-3080 გამოვიდეს, 3080Ti კი ისედაც 20გბ VRAM გამოდისო და არა 12 როგორც თავიდან წერდენ, ეგ ბოლო ვითომ თებერვალში გამოვაო 1000$ დიაპაზონში, მთავარი მაინც წარმადობაა და არა მარტო VRAM რაოდენობა, ფასები კი გაიზრდება მაგრამ წარმადობა რამდენით მოემატება მაგას მარტო ტესტები გვაჩვენებს მაგ ახალ კარტებზე