გამოვიდა Honor 30: ხელმისაწვდომი ფლაგმანი Kirin 985-ით

[Magdalena]

კომპანია Honor-მა დააანონსა სმარტფონი Honor 30, რომელიც დღესდღეობით ყველაზე ხელმისაწვდომ ფლაგმანად ითვლება. მახასიათებლების ნაწილი მას მოწინავე მოდელების მსგავსი აქვს, თუმცა მოწყობილობა კომპრომისებს ვერ ასცდა. 

 

სმარტფონს ბრტყელი OLED-ეკრანი აქვს, რომლის გაფართოება Full HD+ ფორმატს შეესაბამება, დიაგონალი კი 6.53 დუიმია. დისპლეიზე ინტეგრირებულია თითის ანაბეჭდის სკანერი, მარცხენა კუთხეში კი მოცემულია ჭრილი, სადაც განთავსებულია სელფი კამერა. უკანა პანელზე მოცემულია ძირითადი კამერის მოდულები და წარწერა “HONOR”. სმარტფონს არ აქვს ყურსასმენის კონექტორი, სამაგიეროდ აქვს სლოტი NM ბარათისთვის. კორპუსის ზომებია 160,3 х 74,2 х 8,1, წონა - 185 გრამი. 

Honor 30-ში გვხვდება ახალი მობილური პროცესორი Kirin 985, რომლის პრემიერა სულ ახლახანს შედგა. იგი დამზადებულია 7-ნანომეტრიანი ტექნოლოგიით და აქვს ინტეგრირებული მოდემი 5G სტანდარტის ქსელში მუშაობის მხარდასაჭერად. ბირთვების კონფიგურაცია ასეთია: ერთი ბირთვი Cortex-A76 სიხშირით 2,58 გჰც, სამი ბირთვი Cortex-A76 სიხშირით 2,4 გჰც, ასევე ოთხი ენერგოეფექტური Cortex-A55 სიხშირით - 1.84 გჰც. გრაფიკაზე პასუხისმგებელია ამაჩქარებელი Mali-G77. მოწყობილობას ასევე გააჩნია გამოსახულების დამუშავების ახალი პროცესორი Kirin ISP 5.0. 

 

სმარტფონის ბატარეის მოცულობაა 4000 მა/სთ, აქვს 40-ვატიანი სადენიანი დატენვის მხარდაჭერა. ოპერაციული სისტემის სახით წარმოდგენილია Android 10, ასევე Magic UI 3.1 და HMS სერვისები. მოწყობილობაში ხელმისაწვდომია USB-C, Bluetooth 5.1, Wi-Fi და GPS. 

უკანა პანელზე განთავსებულია 40-მეგაპიქსელიანი კამერა RYYB ტექნოლოგიით და 8-მეგაპიქსელიანი ტელეობიექტივი ხუთმაგი ზუმით ხარისხის დაკარგვის გარეშე. ფრონტალური კამერა 32-მეგაპიქსელიანია. ორივე კამერას შეუძლია 4K UHD ხარისხის ვიდეოს ჩაწერა, ძირითადი კამერის სიჩქარეა 60 კადრი წამში. 

 

Honor 30-ს შესაძლებელია ეწოდოს ხელმისაწვდომი ფლაგმანი. იგი გაიყიდება 21 აპრილიდან. გამოვა თეთრი, მწვანე, შავი, იისფერი და ვერცხლისფერი მოდელები. 8/128 გბ მეხსიერების მქონე სმარტფონის ფასი 450 აშშ დოლარია, გაორმაგებული მეხსიერების მქონე ვერსია კი გაიყიდება 495 აშშ დოლარად. ასევე ხელმისაწვდომია საბაზისო ვერსია 6/128 გბ მეხსიერებით - მისი ფასი 425 აშშ დოლარი იქნება. 

https://overclockers.ru/blog/mpanasovsky/show/35681/honor-30-predstavlen-oficialno-dostupnyj-flagman-na-kirin-985-za-425-dollarov