Hybrid Air Vehicles-მა თავისი დირიჟაბლი „flying bum“-ი ექსპლუატაციიდან მოხსნა

[Magdalena]

რამოდენიმე წლის წინ ბრიტანულმა Hybrid Air Vehicles-მა მსოფლიოზე დიდი შთაბეჭდილება მოახდინა, როდესაც წარადგინა Airlander 10 - მსუბუქი საჰაერო ხომალდი, რომელიც შემუშავებულ იქნა როგორც თვითმფრინავებისა და ვერტმფრენების ალტერნატივა. ამჯერად კი, The Guardian-ის ინფორმაციით, პირველი დირიჟაბლის პროტოტიპი აღარასოდეს აფრინდება: კომპანია აცხადებს, რომ აღარ აპირებს დირიჟაბლის გამოყენებას“. 

Airlander 10 - მეტსახელად „flying bum” - თავდაპირველად, 2010 წელს, დაპროექტებული იყო აშშ-ის არმიის მიერ, როგორც პლატფორმა დაზვერვისა და თვალთვალისთვის (იწოდებოდა, როგორც „Long Endurance Multi-intelligence Vehicle“). დირიჟაბლს შეეძლო ჰაერში გაჩერებულიყო კვირების მანძილზე. როდესაც ბიუჯეტის შემცირებამ პროექტის მომავალი კითხვის ნიშნის ქვეშ დააყენა, Hybrid Air Vehicles-მა მოიპოვა დირიჟაბლის პროტოტიპი და იგი დიდ ბრიტანეთში გადაიტანა, რათა გარდაექმნა საზოგადოებრივი  მოხმარების ტრანსპორტად: დირიჟაბლი უნდა მომსახურებოდა მგზავრებს და გადაეტანა ტვირთი.  

დირიჟაბლი დამზადებულია ნახშირბად-პლასტმასის ბოჭკოებისგან, კევლარისა (პარა-არამიდის ბოჭკოვანასა (პოლიპარაფენილენ-ტერაფტალამიდი) და მაილარისგან (Biaxially-oriented polyethylene terephthalate). ტრანსპორტი ივსება ჰელიუმით და ასევე იყენებს დიზელის ძრავს აფრენისთვის, მიმართულების მართვისა და დაშვებისთვის. 

კომპანიამ რამოდენიმე გრანტი მიიღო დიდი ბრიტანეთის ხელისუფლებისა და ევროკავშირისგან, რათა განეხორციელებიდა ტრანსპორტის ტესტირებები. დირიჟაბლმა პირველი საგამოცდო გაფრენა განახორციელა 2016 წელს, წარმატებით აფრინდა, დაბრუნდა და დაეშვა მიწაზე. მაგრამ მეორე გაფრენა ვერ აღმოჩნდა ასეთივე წარმატებული: დირიჟაბლი მიწას დაენარცხა და დაზიანდა. შეკეთების შემდეგ საფრენმა აპარატმა კიდევ რამოდენიმე დამატებითი სატესტო გაფრენა განახორციელა, თუმცა 2017 წელს მოხდა კიდევ ერთი ინციდენტი, რომლის შედეგადაც ორი ადამიანი დაშავდა. სატრანსპორტო საშუალებამ მნიშვნელოვანი დაზიანება მიიღო და საბოლოოდ კომპანიამ გადაწყვიტა იგი ექსპლუატაციიდან მოეხსნა. 

https://www.theverge.com/2019/1/13/18180790/hybrid-air-vehicles-flying-bum-airlander-10-airship