ინჟინრებმა შექმნეს თუთია-იონური ბატარეები თან სატარებელი გაჯეტებისთვის

[Magdalena]

ჰარვარდის უნივერსიტეტის ინჟინრებმა შეიმუშავეს თუთია-იონური ბატარეების წარმოების ახალი საშუალება. იგი ხელს უწყობს რთული ფორმების შექმნას და მოსახერხებელია მისი გამოყენება სხვადასხვა ტიპის თან სატარებელ მოწყობილობებში - წერს ACS Nano. 

ამ დროისთვის ყველაზე გავრცელებულ ლითიუმ-იონურ ბატარეებში დადებითად დამუხტული ლითიუმის კათიონები - Li2+ გამოიყენება კონტურით ელექტრული მუხტის გასატარებლად. ამგვარ ბატარეებს მთელი რიგი ნაკლოვანებები აქვთ - ლითიუმის მარაგი შეზღუდულია და ძვირი, ბატარეები კი ზოგჯერ შესაძლოა აალდეს მოკლე ჩართვის შედეგად. ამიტომ მეცნიერები ეძებენ ახალ მასალებს ბატარეების წარმოებისთვის, რომლებიც ჩაანაცვლებენ ლითიუმ-იონურ ბატარეებს.  

თუთია-იონური ბატარეა, რომელიც ჰარვარდის მკვლევარებმა შექმნეს, შედგება თუთიის კათოდისა და ანოდისგან, მინაბოჭკოვანი სეპარატორისა და პოლიმიიდის კონტაქტებისგან. ბატარეის კორპუსი დამზადებულია პლასტმასისგან, თავად ბატარეას კი შეუძლია გამოუმუშავოს ძაბვა 0,7-დან 1,7 ვოლტამდე. 

მეცნიერებმა ბატარეის გამოცდა ჩაატარეს სიბნელის დეტექტორზე. ფოტოელემენტის საშუალებით მოწყობილობა განსაზღვრავს განათების დონეს და რთავს LED-განათებას, როდესაც შენობაში არასაკმარისი სინათლეა. გამოცდა წარმატებულად ჩაითვალა. 

https://hightech.fm/2018/12/29/zinc-ion-battery 

https://pubs.acs.org/doi/10.1021/acsnano.8b02744