Dell-მა წარადგინა პირველი 49 დუიმიანი ულტრაფართე მონიტორი QHD გაფართოებით

[Magdalena]

Dell UltraSharp U4919DW – ეს პირველი სუპერფართე QHD მონიტორია, რომელიც დიდ აღფრთოვანებას იწვევს. სხვა ფართე დისპლეის მქონე მონიტორებს, რომელთა გვერდების შეფარდებაა 32:9-ზე, აქვთ ვერტიკალური 1080p გაფართოება. შედეგად, ვიღებდით ფართო ეკრანს მაგრამ ვიწრო ინტერფეისს. Dell-ის შემთხვევაში კი გვაქვს უფრო მეტი პიქსელი და თვალთახედვის უკეთესი არე. 

რით გამოირჩევა U4919DW სხვა ფართე მონიტორებისგან, რომელთა გვერდების შეფარდებაც 32:9-ზეა? - ეს არის ორმაგი QHD მონიტორი 5120 x 1440 გაფართოებით. ამ უზარმაზარი გაფართოების პარალელურად, 3800R სიმრუდის მქონე ეკრანისა და ფერთა 100%-იანი sRGB  მხარდაჭერის წყალობით მომხმარებელი მთლიანად „ჩაფლული“იქნება ეკრანზე არსებულ გამოსახულებებში. ისევე, როგორც სხვა ულტრაფართე მონიტორებს, ამ სიახლესაც აქვს HDMI / DisplayPort / USB-C მხარდაჭერა, აგრეთვე KVM (კლავიატურა, ვიდეო, მაუსი) ფუნქციონალურობა. 

KVM U4919DW-ის გამოყენებისას შეგიძლიათ მიუერთოთ ერთი კომპიუტერი  USB-C პორტით, მეორე - HDMI / DisplayPort-ით და გამოიყენოთ სწრაფი რეაგირების კლავიატურა Display Manager აპლიკაციის მეშვეობით. შედეგად, შეძლებთ აკონტროლოთ ორივე სისტემა პერიფერიულად. ეს ფუნქცია საკმაოდ მიმზიდველია განსაკუთრებით მათთვის, ვისი საქმიანობის სფეროებიცაა ფინანსური სექტორი, გრაფიკული დიზაინი ან მონაცემთა ანალიზი. 

როგორც Dell-ის წარმომადგენლობა გვაცნობებს, UltraSharp U4919DW მონიტორის გაყიდვები დაიწყება 26 ოქტომბრიდან და მისი ღირებულება იქნება 1,699 აშშ დოლარი.  

www.theverge.com

[Harmony Lines]

omg, რა კარგი რამეა მონტაჯისთვის და საუნდ ინჟინერიისთვის, ერთი ესეთი უნდა გედგეს კაცს სტუდიაში, საოცარი მონიტორია...^^