Gigabyte-მა გაამხილა Intel Z390 დედა დაფების დაანონსების თარიღი

[Magdalena]

                                                   

მომავალ თვეში კომპანია  Intel-მა უნდა წარადგინოს ახალი თაობის Coffee Lake Refresh პროცესორები, აგრეთვე ახალი ფლაგმანური ჩიპსეტი  Intel Z390. დედა დაფების მწარმოებლები უკვე იწყებენ სიახლის რეკლამირებას,  ამასთან ერთად გვიმხელენ  სხვადასხვა საინტერესო დეტალს. 

კომპანია Gigabyte-მა მოახდინა Intel-ის მიკროსქემაზე არსებული  ერთ-ერთი დედა დაფის დემონსტრირება.  გარეგნული მახასიათებლების მიხედვით, იგი დედა დაფების მაღალ კატეგორიას მიეკუთვნება. თუკი დავაკვირდებით წარწერას რადიატორზე M.2 სლოტზე, ჩანს, რომ მისი სახელწოდებაა  AORUS Z390 Master. 

ხსენებული დედა დაფის დემონსტრირებისას ვიდეომატერიალზე გამოყენებული იყო ჰეშთეგი #Oct8, რაც პირდაპირ მიუთითებს გამოსვლის თარიღს - 8 ოქტომბერს. ამ დღეს შედგება ან დედა დაფების ანონსი  Intel-ის ახალ ჩიპსეტზე, ან უკვე მათი გაყიდვა დაიწყება ამ დღიდანვე. თუმცა პირველი ვარიანტი უფრო დამაჯერებლად გამოიყურება. 

როგორც წყაროდან ჩანს, ახალ დედა დაფას აქვს კვების მსხვილი ქვესისტემა საკმაოდ მასიური რადიატორებით, რომლებსაც გააჩნია  RGB განათება. აგრეთვე, მასიური რადიატორია დაყენებული  Intel Z390 ჩიპსეტზე. დაფას აქვს DDR4 მეხსიერების მოდულის ოთხი სლოტი, სამი სლოტი  PCI Express 3.0 x16,  ორი  PCI Express 3.0 x1 და სამიც M.2 კონექტორი მყარი დისკებისთვის.  

https://3dnews.ru/975663 

[Nick Vashakmadze]

ალბად ეს შეეხება ისევ 1151 სოკეტს