Mercedes-Benz EQC 400 4Matic: ელექტრო ქროსოვერი 450 კმ გავლის მარაგით

[Magdalena]

                                        

კომპანია Mercedes-Benz-მა ოფიციალურად წარადგინა თავისი პირველი ელექტრო ქროსოვერი სახელწოდებით EQC 400 4Matic. 

                                        

მანქანას აქვს ორი ელექტრო ძრავი, მათგან ერთი დამონტაჟებულია ღერძის წინა, მეორე კი -  უკანა მხარეს, რისი წყალობითაც მანქანა four-wheel drive ტიპისაა.  

ძრავების ჯამური სიძლიერე 300 კვტ-ია, 408 ცხენის ძალა. მაქსიმალური აჩქარების დროა 0-დან 100 კმ/ს - 5,1 წამში.  მაქსიმალური სიჩქარე - 180 კმ/სთ.  

                                                   

ელექტრომობილის კვების წყაროს წარმოადგენს 80 კვტ/ს სიძლიერის მქონე  ლითიუმ-იონური აკუმულატორების ბლოკი. კვების ელემენტების ჯამური წონა 650 კგ-ა. მწარმოებლები ამტკიცებენ, რომ სრულად დამუხტვის შემდეგ ელექტრომობილს შეუძლია 450 კმ-ზე მეტი მანძილის გავლა.  

                                                    

ავტომობილის გაბარიტებია 4761 × 1884 (2096 სარკეების ჩათვლით) × 1624 მმ, საბურავების ბაზა - 2873 მმ. მანქანის წონა 2425 კგ-ია.  

ელექტრო ქროსოვერის მფლობელთათვის ხელმისაწვდომი იქნება მართვის რამოდენიმე რეჟიმი: Comfort, Eco, Max Range, Sport და ინდივიდუალური. მძღოლის განკარგულებაშია ფართე ციფრული პანელი, რომელზეც ასახული იქნება სრული საჭირო ინფორმაცია. 

                                               

Mercedes-Benz EQC 400 4Matic-ის სერიული წარმოება დაიწყება მომავალ წელს. ელექტრო ქროსოვერის ღირებულება ჯერჯერობით არ სახელდება.  

 

https://3dnews.ru/974960 

https://www.daimler.com/products/passenger-cars/mercedes-benz/eqc.html 

[Harmony Lines]

მომავალი ელექტრო მობილებისაა, მალე წარსულს ჩაბარდება საწვავი და გაზი, ნაკლებად დაბინძურდება ჰაერიც, i like this...^^

[LEVANIUS]

ძალიან კარგია, რაც მეტი მწარმოებელი დაიწყებს მაგაზე ფიქრს მით მეტი კონკურენცია იქნება. ფასზე იმოქმედებს ეს და უფრო ხელმისაწვდომი გახდება ჩვენთვისაც  ფაქტია   ელექტრომობილების ეპოქისკენ მივექანებით და კარგია ეს