Toshiba Qosmio X870 ნოუთბუქი

[X-treme user]

იაპონურ Toshiba-ს ბრიტანულმა ქვეგანყოფილებამ დააანონსა მაღალწარმადოვანი ნოუთბუქი Qosmio X870, რომელიც ორიენტირებულია გეიმერებზე, რაც აისახა როგორც მის სპეციფიკაციებში, ასევე გარეგნულ მხარეზეც. კორპუსი ალუმინისაა, ის შესრულებულია შავ-ნაცრისფერ ტონალობაში, ხოლო წითლად გააფორმეს გვერდითა პანელები, დინამიკები, სენსორული პანელის გარშემო შემოვლებული კანტი და კლავიშების შიდა განათება.

გარდა ამისა, მასში გამოყენებულია Intel (Ivy Bridge)-ის ბოლო მოდელის პროცესორები, 3 გბ GDDR5 მეხსიერების მქონე, NVIDIA GeForce 600M სერიის ვიდეობარათი. საუკეთესო კომპლექტაციით, ის აგრეთვე მიიღებს 17,3 დუიმიან და 1920 х 1080 გაფართოების ეკრანს, 5 მ/წმ რეაგირების დროით. ადგილი მოიძებნა არამხოლოდ ოპტიკური წამყვანისთვის (სტანდარტული შესრულებით - DVD SuperMulti, დამატებითი თანხის გადახდის შემთხვევაში კი - Blu-ray დისკების წამკითხველი), არამედ ორი მყარი დისკისთვისაც, რის შედეგადაც, საერთო ჯამში, მათი ტევადობა აღწევს 2 ტბ-ს (ოპციონალურად, ხელმისაწვდომია ჰიბრიდული HDD-იც).

მახასიათებლების სიაში შესულია Gigabit Ethernet, Bluetooth 4.0 და Wi-Fi 802.11n ადაპტერები, ოთხი USB 3.0 ინტერფეისი, HDMI და D-Sub ვიდეოგასასვლელები, ვებ-კამერა, რომელიც იძლევა ვიდეოს ტრანსლირების შესაძლებელობას Full HD ხარისხში, თაჩპადი multitouch ტექნოლოგიის მხარდაჭერით და აკუსტიკური სისტემა Harman Kardon.

მწარმოებელი არაფერს ამბობს ლეპტოპის მასაზე, ღირებულებასა და ავტონომიურ მუშაობის დროზე.

Toshiba, IXBT

[anzori88]

წონა სავარაუდოდ დიდი ექნება, ფასიც მაღალი და ელემენტზე მუშაობის დრო დაბალი. ამიტომაც არ დააანონსა ჯერ

მადლობა ინფოსთვის. მე პირადად ტოშიბა მაქვს რამოდენიმე წელია და ძალიან კმაყოფილი ვარ. თუმცა საიტერესოა ამის ფასი რა იქნება.

[Barca]

ძალიან მომწონს ეს Qosmio სერიის ლეპტოპები ,დახვეწილი დიზაინი აქვს და არც გეიმერული ლეპებივით ჯართები არაა